Skessuhorn - 20.02.2019, Blaðsíða 12

MIÐVIKUDAGUR 20. FEBRÚAR 201912
Sannkölluð vertíðarstemning er
í Snæfellsbæ þessa dagana. Mikill
afli hefur borist að landi og veiðst
vel í öll veiðarfæri, að sögn Þórð-
ar Björnsson hafnarvarðar í Ólafs-
vík. Netbáturinn Bárður SH land-
aði til dæmis 40 tonnum á einum
og sama deginum en þann dag var
tvílandað. Einnig hefur netabátur-
inn Arnar SH fengið góðan afla og
síðasta laugardag var Arnar með
24 tonn. Dragnótarbáturinn Stein-
unn SH var með 160 tonn í síðustu
viku og þar af gerði einn róðurinn
62 tonn. Þórður hafnarvörður seg-
ir að þetta sé svipaður afli og á síð-
asta ári.
Andri Steinn Benediktsson,
framkvæmdastjóri Fiskmarkaðar
Snæfellsbæjar, tekur í sama streng
og Þórður og segir að mjög góð-
ur afli hafi borist að landi í síðustu
viku. „Við tókum á móti 593 tonn-
um en í sömu vika á síðasta ári var
tekið á móti 464 tonnum. Meðal-
verð á þorski núna var 294 krón-
ur á móti 262 krónum í fyrra. Það
hefur verið mjög mikið að gera
í slægingarþjónustinni hjá okkur
og í síðustu viku voru slægð 311
tonn á móti 157 tonnum á sama
tíma í fyrra. Þannig að við get-
um ekki annað en verið ánægð-
ir,“ segir Andri.
Aron Baldursson, fram-
kvæmdastjóri Fiskmarkaðar Ís-
lands, tekur í svipaðan streng
og segir í samtal við Skessuhorn
að nú sé vertíðin skollin á; mik-
ill fiskur og nóg að gera. „Við
seldum 635 tonn í síðustu viku,“
segir Aron og bætir við að það sé
aðeins meiri afli en á sama tíma
á síðasta ári. „Við rekum einn-
ig flokkunar- og slæigingarþjón-
ustu í Rifi og erum nú með 21
starfsmann þar í vinnu og þar
hefur verið nóg að gera.“
Meðfylgjandi myndir voru
allar teknar á liðnum dögum og
sýna góða stemningu á sjó og í
landi.
af
Sannkölluð vertíðarstemning í Snæfellsbæ
Netabáturinn Arnar SH frá Stykkishólmi að draga netin skammt frá Ólafsvík og aflinn í þessum róðri var 24 tonn af rígvænum
þorski. Ásmundur Sigurjón Guðmundsson skipstjóri er í lúgunni.
Arnaldur Björnsson að salta þorskhausa í Valafelli.
Svipmynd úr slægingarþjónustu Fiskmarkaðs Íslands.
Björn Erlingur Jónasson útgerðarmaður á Ólafi Bjarnasyni SH og Orri Freyr Magnússon með einn vænan en Ólafur er á netum
og hefur aflað vel.
Hafsteinn Lárusson og Hjörtur Ársælsson við slægingu hjá Fiskmarðaði Íslands í Rifi. Allt er nýtt úr fiskinum í dag og eru þessar dömur að skilja að lifur og slóg.