Skessuhorn - 12.06.2019, Blaðsíða 4

MIÐVIKUDAGUR 12. júNÍ 20194
Kirkjubraut 54-56 - Akranesi - Sími: 433 5500 - www.skessuhorn.is
Skessuhorn kemur út alla miðvikudaga. Skilafrestur auglýsinga er kl. 14.00 á þriðjudögum.
Auglýsendum er bent á að panta auglýsingapláss tímanlega. Skráningarfrestur smá-
auglýsinga er til kl. 12.00 á þriðjudögum.
Blaðið er gefið út í 3.700 eintökum og selt til áskrifenda og í lausasölu.
Áskriftarverð er 2.976 krónur með vsk. á mánuði. Elli- og örorkulífeyrisþegar greiða
kr. 2.580. Rafræn áskrift kostar 2.337 kr. Rafræn áskrift til elli- og örorkulífeyrisþega er 2.160 kr.
Áskrifendur blaðs fá 50% afslátt af verði rafrænnar áskriftar. Verð í lausasölu er 750 kr.
SKRIFSTOFA BLAÐSINS ER OPIN KL. 9-16 VIRKA DAGA
Útgefandi: Skessuhorn ehf. skessuhorn@skessuhorn.is
Ritstjórn:
Magnús Magnússon, ritstjóri s. 894 8998 magnus@skessuhorn.is
Kristján Gauti Karlsson kgauti@skessuhorn.is
Anna Rósa Guðmundsdóttir arg@skessuhorn.is
Gunnhildur Lind Hansdóttir glh@skessuhorn.is
Auglýsingar og dreifing:
Hrafnhildur Harðardóttir auglysingar@skessuhorn.is
Umbrot og hönnun:
Ómar Örn Sigurðsson umbrot@skessuhorn.is
Bókhald og innheimta:
Guðbjörg Ólafsdóttir bokhald@skessuhorn.is
Prentun: Landsprent ehf.
Leiðari
Kolefnisjafnað kjaftæði
Ég á nokkra vini sem eru duglegir að hreyfa sig. Ég er að spá í að byrja
að borga þeim fyrir að fara í gymmið fyrir mig líka. Kalla það hreyf-
ingarjöfnun. Ég sit á sófanum á meðan þeir svitna fyrir mig. Heildar-
líkamsrækt eykst og ég þarf ekki lengur að hafa samviskubit yfir því að
nenna ekki í ræktina.
Kolefnisjöfnun virkar alveg eins. Þú borgar einhverjum öðrum til að
draga úr þinni mengun, planta trjám sem eiga síðan að draga í sinn
þann koltvísýring sem losnar úr læðingi þegar þú flýgur til Kanarí eða
ferð sunnudagsrúnt á bensínbílnum og börnin missa ís í sætið. Slóvenski
heimspekingurinn Slavoj Zizek kallaði sambærilegt dæmi um Starbucks-
kaffi „hámark neysluhyggjunnar“, svona á milli þess sem hann saug upp
í nefið (ég hef reyndar þá kenningu um nefrennsli Zizeks að hann sé alls
ekki með nefrennsli. Það er nefrennslið sem er með hann). Að kaupa sér
friðþægingu með syndinni. Það er hörð neysla.
jæja, þá er ég búinn að slá um mig með því að vísa í marxískan heim-
speking og við getum haldið áfram. Ef við víkjum aftur að kolefnis-
jöfnun og ferðalögum þá er staðreynd málsins þessi; það er engin leið
til að hætta að menga með eigin ferðalögum nema sleppa því að ferðast.
Ert þú tilbúin(n) að gera það? Hélt ekki. Og ég dæmi þig ekki fyrir það.
Ég veit að ég er það ekki. Ég heimsótti nýlega New York í fyrsta sinn.
Það var geggjað. Instagram-síðan mín mun aldrei bera þess bætur. Þess
vegna er úti um okkur öll.
Ég þori líka að veðja að flestallir krakkarnir sem hrifust svo mjög af
Gretu Thunberg hætta að fara í verkfall fyrir loftslagið um leið og þeir
þurfa að fórna góðu tjilli með vinum sínum til að mótmæla. Það er auð-
velt að henda sér niður á torg með skilti í staðinn fyrir að mæta í stærð-
fræðitíma, en málið verður aðeins snúnara þegar maður er í miðju For-
tnite-sessjóni með strákunum. En við getum ekki dæmt, því við erum
ekkert skárri, þvert á móti. Það vill enginn fórna neinu sem veitir hon-
um ánægju eða auðveldar lífið, eðlilega.
En mælistika mannsins eru gjörðir hans. Við segjumst ætla að bæta
ráð okkar en gerum það ekki. Það er alveg ótrúlega erfitt að breyta
áhættuhegðun fólks, og við hljótum að flokka mengun mannskepnunn-
ar sem áhættuhegðun. Til að fólk láti af áhættuhegðun þarf þrennt að
fara saman; það þurfa að vera miklar líkur á afleiðingum, afleiðingarnar
þurfa að vera umtalsverðar og enn fremur þurfa þær að vera umsvifa-
lausar.
Reykingar eru gott dæmi um þetta. Við vitum öll að það er óhollt að
reykja, s.s. töluverðar líkur á umtalsverðum afleiðingum. En þær koma
ekki í ljós fyrr en seinna. Þess vegna kveikir Margrét Þórhildur sér bara
í næstu rettu með stubbnum af síðustu. Gersamlega drull.
Hraðakstur er annað dæmi. Að keyra of hratt getur haft umtalsverðar
og umsvifalausar afleiðingar. En líkurnar á að það verðir þú sem lendir
í slysinu eða að það verðir þú sem löggan sektar fyrir að keyra á 110 en
ekki 90 eru bara ekki nógu miklar til að þú hægir á þér á ferðalaginu,
sem þú hafðir nota bene ekki hugsað þér að kolefnisjafna.
Það sama gildir um mengun. Við vitum öll að mengun er slæm fyrir
umhverfið, lífríki jarðar og þar með á endanum okkur sjálf. En við vit-
um bara ekki hvenær við þurfum að súpa seyðið af þessu. Hvað í fokk-
anum eigum við þá að gera? Nú, kolefnisjafna, auðvitað.
Kristján Gauti Karlsson.
Á föstudagsmorgun var undirrit-
að samkomulag milli Akraneskaup-
staðar, Orkuveitu Reykjavíkur og
Veitna um uppbyggingu innviða
fyrir rafbíla á Akranesi. Hleðslu-
stöðvum verður komið upp á allt
að sex stöðum í bænum. „Íbúar og
fyrirtæki á Akranesi hafa verið öfl-
ug við að taka þátt í orkuskiptum í
samgöngum. Um síðustu mánaða-
mót voru skráðir 211 tengjanleg-
ir rafbílar í sveitarfélaginu. Miðað
við mannfjölda er það svipað hlut-
fall og á landinu öllu en orkuskipt-
in ganga örast fyrir sig á suðvestur-
horninu,“ segir í tilkynningu.
Verkefnið hefst strax í ár og lýkur
á næsta ári. Samkomulagið er tví-
þætt. „Í fyrsta lagi verða byggð-
ir upp innviðir fyrir hleðslubúnað
rafbíla á fjórum stöðum; við bæj-
arskrifstofurnar við Stillholt, við
íþróttasvæðið á jaðarsbökkum, við
Brekkubæjarskóla og golfskálann,“
segir í tilkynningunni. „Það mun
ráðast af reynslunni á þessum fjór-
um stöðum hvaða tveir staðir munu
bætast við. Bærinn ráðgerir að
bjóða hleðsluþjónustuna út en Veit-
ur leggja til innviðina. Þetta er ekki
síst hugsað fyrir þá eigendur rafbíla
sem eiga erfitt með að hlaða heima-
fyrir, til dæmis þar sem ekki eru sér
bílastæði fylgjandi húseign.“
Auk þess munu Akraneskaupstað-
ur og OR stofna sjóð sem úthlutað
verður úr til húsfélaga fjölbýlis-
húsa sem sett hafa upp hleðslubún-
að fyrir rafbíla á sínum lóðum. Átta
milljónir króna verða í sjóðnum.
Akraneskaupstaður leggur til fjór-
ar milljónir og OR fjórar. Auglýst
verður eftir umsóknum og úthlut-
unarreglur kynntar á næstu vikum.
Þá kemur einnig fram í tilkynn-
ingunni að OR og Veitur séu reiðu-
búin að hefja sams konar samstarf
við önnur sveitarfélög á starfssvæði
fyrirtækjanna.
kgk
Ríkiskaup hafa auglýst byggingar-
útboð vegna framkvæmda við Þjóð-
garðsmiðstöð á Hellissandi. Verkið
nær til byggingar nýrrar þjónustu-
miðstöðvar Þjóðgarðsins Snæfells-
jökuls. Húsgrunnur nýbyggingar
samanstendur af tveimur bygging-
um sem munu tengjast með mið-
rými. Hluti byggingarinnar skag-
ar út fyrir grunn, þar sem ekki má
valda yfirborðsskemmdum á landi
umfram það sem telst óhjákvæmi-
legt. Húsið er á einni hæð, stað-
steypt stálvirki að hluta, klætt með
lerki og cortensstáli.
Búið er að grafa fyrir húsinu,
grafa og fylla í bílastæði og setja
upp heildargirðingu fyrir svæðið.
jarðvinna í þessu verki felst í að
fylla í sökkla, fylla að húsinu, grafa
og endurfylla lagnaskurði undir og
meðfram húsinu, auk lóðafrágangs.
Um alla jarðvinnu gildir það að lág-
marka skal allt jarðrask.
Nánari upplýsingar um verkið
má nálgast á heimasíðu Snæfells-
bæjar og á vef Ríkiskaupa. Frest-
ur til að skila útboði er til 19. júní
næstkomandi.
kgk/ Ljósm. Snæfellsbær.
Inspired by Iceland hefur í sam-
starfi við Umhverfisstofnun hrund-
ið af stað herferð þar sem erlendir
ferðamenn eru hvattir til að drekka
kranavatn, frekar en að kaupa vatn
í plastflöskum. Áhersla er lögð á að
kynna íslenskt vatn sem lúxusvöru
sem finna má endurgjaldslaust í
krönum um allt land. „Markmið-
ið er að draga úr óþarfa plastnotk-
un ferðamanna og vekja um leið
athygli á gæðum íslenska vatns-
ins sem er eitt hreinasta og bragð-
besta kranavatn í heimi. Með verk-
efninu er einnig ætlunin að styðja
við umhverfisvernd og aðgerðir til
að uppfylla Heimsmarkmið Sam-
einuðu þjóðanna,“ segir á vef Um-
hverfisstofnunar.
Þar kemur jafnframt fram að
65% fólks noti meira plast á ferða-
lögum en það gerir dags daglega.
Eru það niðurstöður 16 þúsund
manna könnunar frá Norður-Am-
eríku og Evrópu. „Aðspurð um
meginástæður þess nefndu 70%
órökstuddan ótta við kranavatn,“
segir á vef stofnunarinnar. Með
kranavatnsherferðinni er skorað á
ferðamenn að breyta þessu neyslu-
mynstri og fylla á endurnýjanleg
drykkjarílát í stað þess að kaupa
vatn í plastflöskum. „Það má segja
að hér séu slegnar tvær flugur í
einu höggi, að takast á við mikil-
vægi þess að uppræta einnota um-
búðir sem enda jafnvel í náttúrunni
og minna um leið á að kranavatn
er best,“ segir Kristín Linda Árna-
dóttir, forstjóri Umhverfisstofn-
unar.
kgk
Bygging þjóðgarðsmiðstöðvar í útboð
Ferðamenn hvattir til að
drekka kranavatn
Átak í rafbílavæðingu á Akranesi
Það voru þau Sævar Freyr Þráinsson, bæjarstjóri á Akranesi, Bjarni Bjarnason,
forstjóri OR og Inga Dóra Hrólfsdóttir, framkvæmdastjóri Veitna, sem undirrituðu
samkomulagið.