Skessuhorn - 12.06.2019, Page 10

MIÐVIKUDAGUR 12. júNÍ 201910
Bæjarstjórn Snæfellsbæjar fór í
skoðunarferð um sundlaugasvæði
Lýsulaugar á Lýsuhóli á fundi sín-
um á fimmtudag. Eins og greint var
frá í Skessuhorni í síðustu viku eru
framkvæmdir þar á lokametrun-
um, en þær hafa staðið yfir í vet-
ur. „Laugasvæðið er að verða hið
glæsilegasta og verður laugin opn-
uð í síðasta lagi í byrjun næstu
viku,“ segir á Facebook-síðu Snæ-
fellsbæjar. „Laugakerfið hefur verið
steypt upp í breyttri mynd. Þarna
eru áfram tveir heitir pottar, en
jafnframt er verið að setja niður
kaldan pott.“
Á meðfylgjandi mynd má sjá bæj-
arstjórn Snæfellsbæjar og bæjar-
stjóra máta sig við sætið í lauginni,
en þar geta sundlaugargestir setið
og sólað sig. Á bakvið má sjá ný-
klæddan vegg félagsheimilisins að
Lýsuhóli.
kgk
Nýverið var sett upp nýtt upplýs-
ingaskilti við Grundarfjarðarhöfn.
Skiltið er unnið í heimabyggð, en
það var Ingi Hans jónsson sem
hannaði það með myndum Bærings
Cecilssonar. Krums-hönnun og
handverk sá um að útbúa og prenta
skiltið.
Á skiltinu má sjá sögu útgerð-
ar í Grundarfirði og þar með sögu
bæjarins. Hægt er að sjá myndrænt
hvernig höfnin hefur byggst upp og
svo fjölda íbúa, landaðra tonna og
fjölda húsa á hverjum tíma fyrir sig.
Svo segja glæsilegar myndir Bær-
ings meira en mörg orð. Þetta er
glæsileg viðbót við þjónustu ferða-
manna á svæðinu og á eflaust eftir
að fræða margan ferðamanninn.
tfk
Á fimmtudag var undirritaður sam-
starfssamningur Akraneskaupstað-
ar og Kaju organic ehf. um veit-
ingasölu í þjónustuhúsi Guðlaugar
við Langasand í sumar. Um er að
ræða tilraunaverkefni til 31. ágúst.
Tillaga þess efnis var samþykkt í
bæjarráði 31. maí síðastliðinn.
Karen jónsdóttir, eigandi Kaju
organic og Sævar Freyr Þráinsson
bæjarstjóri skrifuðu undir samn-
inginn. Eftir það var fyllt á kæl-
inn og veitingasala því formlega
hafin.
Við Guðlaugu ætlar Kaja að selja
alls kyns drykki, búst, snúða, sam-
lokur, möffins, epli, grískt jógúrt
og ýmislegt fleira. Í samningnum
er jafnframt kveðið á um að mat-
vælin verði seld í plastlausum um-
búðum. Enn fremur ætlar Karen
að flytja varninginn á milli á hjóli
til að stuðla að umhverfisvænum
samgöngum. kgk
Skemmtiferðaskipið Ocean Dia-
mond rakst harkalega utan í Stykk-
ið, trébryggjuna í Stykkishólms-
höfn, þegar það lagðist að bryggju
á laugardagsmorgun. Að sögn
Hrannars Péturssonar hafnarvarð-
ar átti óhappið sér stað kl. 6:20 að
morgni. Hann kveðst ekki geta
sagt til um tildrög óhappsins. All-
ar aðstæður hafi verið mjög góðar
og menn viti hreinlega ekki hvers
vegna þetta gerðist. Sjóslysanefnd
mun fá málið til rannsóknar.
Nokkrar skemmdir urðu á bryggj-
unni en að sögn hafnarvarðarins
eru þær ekki jafn miklar og talið var
í fyrstu og þær líta út fyrir að vera.
„Stálbitar yst á bryggjunni þar sem
skipið sigldi á hana eru beyglaðir
og þarf að skipta um þá. Síðan þarf
að skipta um einn polla sem beygl-
aðist,“ segir Hrannar sem áætlar að
viðgerðin á pollanum verði minni-
háttar. „Timburklæðningin fór af
á fimm til sex metra kafla þar sem
skipið fór utan í bryggjuna. Við eig-
um til eitthvað af timbri til að gera
við það,“ segir hann. „Ég vona að
hægt verði að kippa þessu öllu í lag
til bráðabirgða á skömmum tíma
og síðan gera endanlega við þetta
eftir sumarið,“ segir hafnarvörð-
urinn. „Burðurinn í bryggjunni
virðist ekki hafa skemmst heldur
virðast skemmdirnar vera bundnar
við þennan eina polla og svæðið í
kringum hann þar sem skipið sigldi
á bryggjuna,“ segir hann. „Engu að
síður er dálítið erfitt að átta sig á
endanlegu umfangi skemmdanna.
Við munum kalla til sérfræðing frá
siglingasviði Vegagerðarinnar til að
koma og meta skemmdirnar end-
anlega. Vonandi getum við fengið
hann vestur eins fljótt og mögu-
legt er til meta endanlegt umfang.
En eins og þetta blasir við okkur
þá virðast skemmdirnar ekki jafn
slæmar og þær líta út fyrir að vera,“
segir Hrannar Pétursson að end-
ingu. kgk/ Ljósm. sá.
Skráning stendur nú yfir á lands-
mót UMFÍ 50+ sem haldið verð-
ur í Neskaupstað dagana 28.-30.
júní næstkomandi. Áhugasamir
geta skráð sig á vef UMFÍ. Mótið
er opið öllum sem verða 50 ára á
árinu og þeim sem eldri eru, óháð
því hvort viðkomandi er skráður í
ungmenna- eða íþróttafélag.
Landsmót 50+ er blanda af
íþróttakeppni og skemmtun þar
sem fólk á besta aldri blómstrar í
hreyfingu. „Boðið verður upp á alls
konar skemmtilegar greinar fyrir
fimmtuga og eldri. Eins og alltaf
verður keppt í boccia, pútti, golfi
en líka í bridds, frjálsum, frisbígolfi
og stígvélakasti, sem er fyrir löngu
orðin sígild grein. Keppni í pönnu-
kökubakstri verður auðvitað á sín-
um stað og má reikna með miklum
fjölda áhorfenda að fylgjast með,“
segir í tilkynningu frá UMFÍ.
Nýjungar eru einnig á dag-
skránni, svo sem garðahlaup og
lomber. Á laugardagskvöldinu
verður svo skemmtikvöld og hátíð-
ardagskrá.
kgk
Sævar Freyr Þráinsson, bæjarstjóri á Akranesi og Karen Jónsdóttir við undirritun
samningsins. Ljósm. Akraneskaupstaður.
Samið um veitingasölu
við Guðlaugu
Bæjarstjórn Snæfellsbæjar og bæjarstjóri í sætinu í Lýsuhólslaug.
Ljósm. Snæfellsbær.
Mátuðu sætið
í Lýsuhólslaug
Frá keppni í blaki. Ljósm. UMFÍ.
Skráning hafin
á Landsmót 50+
Hrannar Pétursson hafnarvörður telur
skemmdirnar ekki jafn alvarlegar og
talið var í fystu, en endanlegt umfang
þeirra liggur þó ekki fyrir. Það verður
metið af sérfræðingi.
Skemmtiferðaskipi siglt utan í Stykkið
Skemmdir ekki eins miklar og talið var í fyrstu að sögn hafnarvarðar
Fyrir miðri mynd má sjá hvar skipinu var siglt utan í brygguna.
Hægt er að sjá sögu Grundarfjarðar eftir tímalínu á þessu skilti.
Nýtt upplýsingaskilti við
Grundarfjarðarhöfn
Hafsteinn Garðarsson hafnarstjóri og Ingi Hans Jónsson athafnamaður við skiltið.