Skessuhorn - 02.10.2019, Síða 15

MIÐVIKUDAGUR 2 oKtóBER 2019 15
Á fundi stjórnar Höfða, dvalar-
og hjúkrunarheimilis á Akranesi í
síðustu viku var samþykkt að ráða
ólínu Ingibjörgu Gunnarsdótt-
ur hjúkrunarfræðing MLM í starf
hjúkrunarforstjóra. Fjórir umsækj-
endur voru um starfið. ólína Ingi-
björg lærði fyrst til sjúkraliða en út-
skrifaðist sem hjúkrunarfræðingur
frá Háskólanum á Akureyri 2007.
Þá lauk hún MS-MLM, meistara-
námi í forystu og stjórnun með
áherslu á mannauðsstjórnun síð-
astliðið vor frá Háskólanum á Bif-
röst. Hún hefur starfað sem hjúkr-
unardeildarstjóri á Höfða frá 2017
en þar áður starfaði hún við m.a.
hjá Heilbrigðisstofnun Vestur-
lands, var hjúkrunarfræðingur í
starfsmannaheilsuvernd hjá Norð-
uráli og starfaði auk þess lengi á
bráða- og slysadeild Landspítalans
í Fossvogi. Hún hefur verið virk í
félagsmálum, á m.a. sæti í sóknar-
nefnd og starfar með Soroptimista-
félaginu, auk þess að sinna útiveru,
hannyrðum og syngja í kór. Blaða-
maður Skessuhorns settist nið-
ur með ólínu Ingibjörgu og fékk
að skyggnast lítið eitt inn í henn-
ar bakgrunn og væntingar til nýja
starfsins.
Býr að fjölbreyttri
reynslu
ólína Ingibjörg kveðst vera Skaga-
manneskja í húð og hár. „Foreldr-
ar mínir fluttust á Akranes fyrir
um fimmtíu árum síðan, hann kom
úr Leirár- og Melasveit en hún úr
Austur-Húnavatnssýslu. Ég hef því
alltaf búið á Akranesi og hef ekki
áætlanir um að flytja annað. Hér
býr auk þess nánast allt mitt fólk,
börnin, systur mínar og mamma.
Fjölskyldan er stór og fer stækk-
andi. Ég á fjögur börn, þrjú tengda-
börn, fjögur barnabörn og tvö eru á
leiðinni. Ég er í sambúð með Sig-
urjóni Einarssyni og með honum
græddi ég tvö börn og eitt tengda-
barn til viðbótar. Ég nýt að hafa
þennan stóra hóp í kringum mig, er
mikil fjölskyldumanneskja og þessi
hópur allur færir mér gleði og ham-
ingju,“ segir ólína Ingibjörg. Hún
segist hafa orðið þeirrar gæfu að-
njótandi að fá að taka þátt í ýms-
um störfum sem barn og unglingur
og það hafi veitt henni reynslu sem
hún búi sífellt að. „Ég passaði börn,
á tengingu í sveit og vann í fiski. tel
það hafa vera gott veganesti að hafa
fengið að kynnast ólíkum störfum.
Það hjálpar mér ekki síst nú þeg-
ar ég er í miklum samskiptum við
fullorðna fólkið sem hér býr. Þá er
auðveldara að tengja og finna sam-
eiginleg umræðuefni,“ segir hún.
Sjúkraliði og síðan
hjúkrunarfræðingur
Eftir að hafa lokið sjúkralið-
anámi aldamótaárið 2000 réði hún
sig til starfa á Sjúkrahúsinu á Akra-
nesi, starfaði þar á lyflæknadeild og
öldrunar- og endurhæfingardeild.
„Haustið 2003 hóf ég svo nám í
hjúkrunarfræði við Háskólann á
Akureyri. Á meðan á námstím-
anum stóð vann ég meðal annars
á E-deildinni á Akranesi, í heima-
hjúkrun, á handlækningadeild,
fæðingadeild og lyflækningadeild.
Eftir útskrift réði ég mig á bráða-
móttöku Landspítalans í Fossvogi
og vann þar til ársloka 2010 þegar
ég færði mig alfarið upp á Akra-
nes. Ég hóf störf á lyflækningadeild
HVE haustið 2008 samhliða starfi á
BML. Í upphafi árs 2012 var ég beð-
in um að taka að mér starfsmanna-
heilsuvernd Norðuráls á Grundar-
tanga, sem starfsmaður HVE. Því
starfi sinnti ég samhliða störfum
á slysadeild HVE allt þar til 2017
þegar ég tók við starfi deildarstjóra
á Hólmi hér á Höfða.“
Engir tveir eru eins
ólína Ingibjörg kveðst vera búin að
kynnast vel vinnustaðnum Höfða,
dvalar- og hjúkrunarheimili, og
lætur einkar vel af vinnustaðnum og
íbúum. „Hver dagur í vinnunni fel-
ur í sér fjölbreytt verkefni og áskor-
anir. Hér búa 74 einstaklingar, hver
og einn með sína sögu og sinn per-
sónleika, sínar venjur og siði. Hver
og einn hefur svo sína heilsufars-
sögu. Það má því segja að hverju
sinni séu 74 aðferðir sem henta
best við hjúkrun á heimilinu. Auk
þess fáum við hingað til okkar gesti
á hverjum degi, einstaklinga sem
koma til dagdvalar eða til að borða
góðan hádegismat. Það er því mik-
ið líf og fjör hér í húsinu,“ segir
ólína Ingibjörg. Á Höfða starfa nú
um 120 manns. Um hundrað eru í
hjúkrunar- og umönnunarstörfum,
en um tuttugu í öðrum störfum,
svo sem við akstur, ræstingu, í eld-
húsi, dagdvöl, sjúkra- og iðjuþjálf-
un og skrifstofu.
„Hér er gríðarlegur mannauð-
ur saman kominn. Annars veg-
ar eru starfsmenn sem hafa unn-
ið hér í mjög langan tíma og sýnt
heimilinu mikla hollustu og traust.
Þetta starfsfólk er hokið af reynslu
og er heimilinu afar dýrmætt. Hins
vegar starfar hér stór hópur ungra
starfsmanna með stuttan starfsald-
ur. Þetta fólk staldrar sumt stutt
við, er í námi eða að hefja þátttöku
á vinnumarkaði og á eftir að finna
hvað hentar. Þessu unga fólki fylgir
hins vegar oft mikið líf og það er
ósköp hressandi að fá ungt og
fjörugt fólk til starfa. Það er sam-
merkt öllum starfsmönnum að hér
vinnur einungis duglegt fólk sem er
tilbúið að gefa af sér.“
Þjónandi forysta
ólína Ingibjörg lauk námi í forystu
og stjórnun frá Háskólanum á Bif-
röst síðastliðið vor. „Ég er ánægð
með námið sem ég tók á Bifröst og
ber skólanum einungis góða sögu.
Ég aðhyllist mjög þá stefnu í mann-
auðsmálum sem kennd er þar og
heitir þjónandi forysta. Sú stefna
byggir á að stjórnandi sé leiðtogi
sem með hlustun og aðgerðum efl-
ir aðra til dáða og hjálpar þeim að
blómstra og njóta sín. Það er mik-
ilvægt að starfsfólk hafi eitthvað
um störf sín að segja, það ýtir undir
góðan árangur í starfi.“
Skortur á
hjúkrunarfræðingum
ólína Ingibjörg segist mjög spennt
að taka að sér starf hjúkrunarfor-
stjóra á Höfða. „Ekki síst er ég þakk-
lát fyrir traustið sem mér er sýnt.
Höfði er ákaflega góður vinnustað-
ur og hér eru fjölbreytt verkefni alla
daga og því eftirsóknarvert að starfa.
Það hefur gengið vel að manna störf
hér, en því er ekki að leyna að nú er
skortur í landinu á fólki með hjúkr-
unarfræðimenntun. Sá skortur nær
einnig til okkar. Við þurfum því að
vera samkeppnishæf í kjörum til
að geta fengið hjúkrunarfræðinga
til starfa, en eins og margir vita þá
hefur brottfall verið úr greininni
og hjúkrunarfræðingar ráðið sig til
starfa í allt öðrum atvinnugreinum,
af því kjörin eru betri þar. Íslend-
ingar vilja reka gott og öflugt heil-
brigðiskerfi en þá þurfa launin að
vera samkeppnishæf.“
Fækkar að
óbreyttu 1. apríl
ólína Ingibjörg segir að það sé rík-
ur vilji til að fjölga hjúkrunarrýmum
á Höfða til að eldra fólk geti varið
síðasta hluta æviskeiðsins við bestu
mögulegu aðstæður á heimaslóð-
um. Krafa um fjölgun rýma á Höfða
mætir hins vegar andstöðu í ráðu-
neytinu. „Hér er staðan sú að und-
anfarin ár hafa verið rekin fjögur
svokölluð biðrými frá Landspítalan-
um samkvæmt sérstökum samningi
þar um. Þessum fjórum biðrýmum
verður að öllu óbreyttu lokað 1. apríl
næstkomandi. Við hér höfum ítrek-
að óskað eftir því að fá að nýta þessi
rými áfram fyrir skjólstæðinga okk-
ar, en ráðuneytið hefur neitað. Það
er í raun grafalvarlegt og á skjön við
þann skort sem er á hjúkrunarrým-
um í landinu. Biðlistinn inn á heim-
ilið er langur. Það bíða 40 manns
eftir að fá pláss. Hér munu því að
öllu óbreyttu standa ónotuð fjögur
rými frá næsta vori. Við hér höfum
viljann til þess, húsnæði, starfsfólk,
innréttingar og búnað; allt sem þarf.
okkur vantar ekkert nema leyfið
frá hinu opinbera til að reka þau.
Að óbreyttu mun því íbúum hér
fækka í 70 frá 1. apríl næstkomandi
og það væri sorgleg ákvörðun og er
alls ekki einkamál hjúkrunarheimil-
isins heldur alls samfélagsins,“ seg-
ir ólína Ingibjörg Gunnarsdóttir að
endingu.
mmListaverkið Grettistak við Höfða.
Ólína Ingibjörg Gunnarsdóttir ráðin hjúkrunarforstjóri á Höfða:
Aðhyllist stefnuna um þjónandi forystu í starfi
Ólína Ingibjörg Gunnarsdóttir var í síðustu viku ráðin í starf hjúkrunarforstjóra á Höfða á Akranesi. Myndin er úr einkasafni, tekin í Gjánni í Þjórsárdal.