Skessuhorn - 04.12.2019, Qupperneq 4

MIÐVIKUDAGUR 4. DESEMBER 20194
Garðabraut 2a - Akranesi - Sími: 433 5500 - www.skessuhorn.is
Skessuhorn kemur út alla miðvikudaga. Skilafrestur auglýsinga er kl. 14.00 á þriðjudögum.
Auglýsendum er bent á að panta auglýsingapláss tímanlega. Skráningarfrestur smá-
auglýsinga er til kl. 12.00 á þriðjudögum.
Blaðið er gefið út í 3.700 eintökum og selt til áskrifenda og í lausasölu.
Áskriftarverð er 3.280 krónur með vsk. á mánuði. Elli- og örorkulífeyrisþegar greiða
kr. 2.840. Rafræn áskrift kostar 2.570 kr. Rafræn áskrift til elli- og örorkulífeyrisþega er 2.370 kr.
Áskrifendur blaðs fá 50% afslátt af verði rafrænnar áskriftar. Verð í lausasölu er 950 kr.
SKRIFSTOFA BLAÐSINS ER OPIN KL. 9-16 VIRKA DAGA
Útgefandi: Skessuhorn ehf. skessuhorn@skessuhorn.is
Ritstjórn:
Magnús Magnússon, ritstjóri s. 894 8998 magnus@skessuhorn.is
Kristján Gauti Karlsson kgauti@skessuhorn.is
Anna Rósa Guðmundsdóttir arg@skessuhorn.is

Auglýsingar og dreifing:
Hrafnhildur Harðardóttir auglysingar@skessuhorn.is
Umbrot og hönnun:
Ómar Örn Sigurðsson umbrot@skessuhorn.is
Bókhald og innheimta:
Guðbjörg Ólafsdóttir bokhald@skessuhorn.is
Prentun: Landsprent ehf.
Leiðari
Upplýst aðventa
Þegar þetta er skrifað er aðventan nýgengin í garð. Mánuðurinn haf-
inn sem hjá æði mörgum snýst um að undirbúa jólahátíðina. Vissulega er
stressið einstaklingsbundið. Hjá sumum alls ekkert, en hjá öðrum í meira
lagi. Sjálfur leyfi ég ekki jólastemningunni að hellast yfir mig, ekki strax.
Hjá mér er mánuðinum nefnilega mjög misskipt. Fyrri hlutinn er anna-
samur, síðari hlutinn letilíf. Mikils vert er að vera tímanlega að undirbúa
útgáfu jólablaðs, ræða við fólk, safna efni og leggja drög að stærstu útgáfu
ársins, en jafnframt þeirri síðustu. Að jafnaði fer ég sjálfur í prentsmiðjuna
að sækja afurðina seint að kvöldi prentdags. Ek svo heim á vinnubílnum
sem í eina skiptið á árinu þarf að erfiða upp brekkuna í Hvalfjarðargöngun-
um, stappfullur af blöðum. En í þeirri ferð byrjar jólastemningin að bæra
á sér. Barnið lifnar við.
Jólahald og undirbúningur fyrir hina helgu hátíð er afar einstaklings-
bundinn. Sumum finnst lítið til tilstandsins koma, jafnvel leiðist það.
Kannski af því þeir halda ekki í trúna sem þetta gengur allt út á, nú eða
ástæðan er einfaldlega skammdegismyrkrið. Aðrir eru hins vegar jólabörn
fram í fingurgóma og vita ekki dásamlegri stund. Leggja mikið upp úr
hefðum og venjum sem alls ekki má breyta út af. Það skal þrífa húsið hátt
og lágt. Það verður að vera búið að setja upp ljós í glugga fyrir aðventu og
gera við þetta eða hitt sem jafnvel hefur fengið að vera bilað í marga mán-
uði. Allt skal vera spikk og spa. En þetta með þrifin er náttúrlega alveg gal-
ið. Það er engin skynsemi í að þrífa híbýli þegar birtan er minnst og erfiðast
er að sjá kám á vegg eða ryk á syllu. Í sjálfu sér er heldur engin skynsemi
að belgja sig út af mat og bakkelsi þá daga sem brennslan er hvað minnst
vegna endurtekinnar kyrrstöðu dag eftir dag. En við kjósum að líta framhjá
því sem endilega er skynsamlegt af því við byggjum líf okkar og lifnaðar-
hætti á vana. Rétt eins og amma og mamma hennar suðu jú lifrarpylsuna
í einum potti og blóðmörinn í öðrum. Dætur þeirra og barnabörn gerðu
að sjálfsögðu eins, því þannig hafði þeim verið sýnt hvernig ætti að sjóða
slátur. Áratugum seinna kom svo upp úr dúrnum að ástæðan var sú að þær
áttu ekki nógu stóran pott.
Já, við erum í eðli okkar býsna íhaldssöm, til dæmis hvað við borðum um
jólin og hvernig við skreytum húsin. Á mínu heimili verður engu breytt
hvað þetta snertir, alls engu. Jólatréð er hoggið úr eigin ræktun í sveitinni.
Eins og venjulega fer ég í skötu á Þorlák og beint heim að því loknu og þvæ
allt sem ég hafði íklæðst. Reyni að forðast að menga umhverfið af þessum
ljúfa ilmi, af sömu ástæðu að fjósalykt á best heima í fjósi. Morguninn eftir
geri ég jólabúðinginn alveg eins og öll hin árin, konan undirbýr hrygginn
í pottinn og reyktur lax er fram reiddur. Jólahangikjötið er soðið og geymt
fram á jóladag. Allt á sinn stað, sína stund og sitt tilefni.
Mér finnst afar hlýlegt að sjá hversu margir eru farnir að setja ljós í
glugga, jafnvel löngu áður en aðventan gengur í garð. Skammdegið er
nefnilega býsna svart, ekki síst þegar jörð er auð og rigningarsuddi er úti.
Þess vegna eru þessi ljós einhvern veginn alveg lífsnauðsynleg. Sálartetr-
ið lifnar við þegar marglit ljós, haganlega uppsett, prýða umhverfið. Ég
gleðst, börnin gleðjast og þeir sem selja rafmagn gleðjast mest. Leyfum
þessum ljósum að loga langt fram á nýtt ár því ef okkur skortir eitthvað
þessi dægrin er það einmitt tilefni til að gleðjast oftar. Megi við öll eiga
gleðilega og kærleiksríka aðventu.
Magnús Magnússon.
Nýverið féll dómur í Héraðsdómi
Reykjavíkur þar sem einn af um-
sækjendum um starf forstöðumanns
íþróttamannvirkja hjá ónefndu
sveitarfélagi stefndi því og taldi að
framhjá sér hafi verið gengið þeg-
ar ráðið var í stöðuna. Krafðist
viðkomandi skaðabóta auk
miskabóta.
Stefnandi var einn af
sautján umsækjendum um
starfið þegar það var aug-
lýst í ársbyrjun 2018. Höfðu
tveir sviðsstjórar hjá sveitar-
félaginu umsjón með ráðn-
ingarferlinu. Sex umsækj-
endur voru boðaðir í við-
töl og í framhaldi þess fjórir
þeirra, þar á meðal stefnandi, beðn-
ir að móta skriflega þriggja mánaða
aðgerðaáætlun fyrir starfið sem
sótt var um. Nokkru síðar var svo
ákveðið að ráða annan umsækjanda
í starfið. Fyrir dómi hélt stefndi
því fram að hæfasti umsækjand-
inn hafi ekki verið ráðinn í starfið
og gengið framhjá þeim sem hefði
mesta menntun og starfsreynslu og
taldi að við ákvörðun um ráðningu
hefði ákvörðunin verið „óskiljan-
leg, óeðlilega og ólögmæta,“ eins
og það er orðað í málsgögnum.
Fram kemur í vörn sveitarfélags-
ins í málinu að það hafi verið mat
þeirra sem önnuðust ráðningarferl-
ið að sá sem ráðinn var hafi verið
hæfasti umsækjandinn um starf-
ið miðað við lýsingar á starfinu og
þær kröfur sem gerðar hafi verið
til umsækjenda í auglýsingu. Um
ráðningarferlið segir í vörn sveit-
arfélagsins: „Við meðferð málsins,
sérstaklega í viðtölum og við úr-
vinnslu verkefnis, hafi orðið ljóst að
[sá sem ráðinn var] hafði yfirburði
yfir aðra umsækjendur þegar heild-
armyndin var skoðuðu með hlið-
sjón af þeim atriðum sem sérstak-
lega hafi verið tiltekin í auglýsing-
unni um starfið, t.d. um samskipti
og starfsmannamál. Stefndi
geti því ekki fallist á að hæf-
asti umsækjandinn hafi ekki
verið ráðinn í starfið eins og
stefnandi heldur fram.“
Dómari komst að þeirri
niðurstöðu að viðurkenn-
ingarkrafa stefnda þótti van-
reifuð og var henni vísað frá
dómi. Sveitarfélaginu var hins
vegar gert að greiða stefnda
700 þúsund krónur í miskabæt-
ur auk dráttarvaxta og 1.500.000
króna í málskostnað. Þótti dómara
í málinu sveitarfélagið hafa staðið
með saknæmum og ólögmætum
hætti að ráðningarferlinu og var því
stefnanda dæmdar bætur eins og
fyrr segir.
mm
Svandís Svavarsdóttir heilbrigðis-
ráðherra hefur ákveðið að breyta
reglugerð um tæknifrjóvgun með
þeim hætti að hámarksgeymslu-
tími kynfruma verði lengdur úr tíu
árum í tuttugu. Breytingin er eink-
um til hagsbóta fyrir ungt fólk sem
af einhverjum ástæðum vilja geyma
kynfrumur sínar lengur en nú er
heimilt, til dæmis vegna illkynja
sjúkóma, kynleiðréttingarferlis eða
af öðrum ástæðum.
Ákvörðun heilbrigðisráðherra
um að lengja hámarksgeymslu-
tíma kynfruma styður við fram-
kvæmd laga um kynrænt sjálfræði
sem samþykkt voru á Alþingi í júlí
síðastliðnum og snúa að því að
tryggja réttindi trans- og intersex
fólks. Í samræmi við bráðabirgða-
ákvæði laganna vinna tveir starfs-
hópar skipaðir af forsætisráðherra
að því að skoða hvaða lagabreyt-
ingar þarf að gera í þessu skyni og
eru þar m.a. til skoðunar lög nr.
55/1996 sem snúa meðal annars að
tæknifrjóvgun.Reglugerðarbreyt-
ingin verður send Stjórnartíðind-
um innan skamms og tekur gildi
við birtingu.
mm
Metfjöldi doktora, eða 95, hefur
brautskráðst frá Háskóla Íslands á
síðustu tólf mánuðum og var þess-
um stóra hópi fagnað á árlegri Há-
tíð brautskráðra doktora sem fram
fór í Hátíðasal skólans á sjálfan full-
veldisdaginn. Viðstaddur var Guðni
Th. Jóhannesson, forseti Íslands, en
þetta er í níunda sinn sem Háskólinn
heiðrar doktora frá skólanum með
þessum hætti.
Á meðfylgjandi mynd er dokt-
orahópurinn sem mætti á hátíðina á
sunnudaginn ásamt forseta Íslands,
rektor Háskólans, aðstoðarrektorum,
forsetum fræðasviða, forstjóra Land-
spítala og forseta Stúdentaráðs.
mm/ Ljósm. Kristinn Ingvarsson.
Hámarksgeymslutími
kynfruma verður lengdur
Margir að ljúka doktorsnámi við HÍ
Dómur taldi ekki rétt staðið að
ráðningu forstöðumanns