Hugur og hönd - 01.06.1980, Síða 5

Það óx fífa vestanvið túnið á Mófellsstöðum í Skorra-
dal kringum 1880, og á trésmíðaverkstæði heima á bæn-
um stendur glaðlyndur maður, sem minnist þess enn í
dag, hvernig hún kinkaði hvítum kollinum í sumargolunni.
Trésmíðaverkstæðið á Mófellsstöðum virðist í engu frá-
brugðið öðrum trésmíðaverkstæðum, nema hvað óvenju
mikil regla er þar á hlutunum, heflum og öðrum verkfær-
um með nákvæmni raðað á hillurnar, efniviður allur snyrti-
lega geymdur, þar sem lítið fer fyrir honum. En þetta
ber raunar ekki vott um annað en sjálfsagða umgengnis-
mennt, sem vanrækt er alltof víða. Og ef þú tækir eftir
því, að það er enginn lampi til að lýsa upp verkstæðið
í skammdeginu, þá mundirðu sennilega álykta sem svo,
að smiðurinn hérna kærði sig ekkert um að vinna í myrkri.
Eins mundirðu að líkindum skoða það vott um sérvizku
hans, að engir tölustafir eru á tommustokknum, heldur
djúpar skorur í þeirra stað.
Svo færðu vitneskju um, að smiðurinn er blindur, og
þá skilst þér, hvers vegna hér er enginn lampi. Það er
ekki vegna þess, að smiðurinn vilji vinna í myrkri, held-
ur vegna þess, að þrátt fyrir skin hinna skærustu lampa
gæti hann aldrei unnið nema í myrkri. — Og ástæðan fyrir
því, að tölustafina vantar á tommustokkinn hans, er
ekki sérvizka.
Smiðurinn Þórður Jónsson fæddist á Mófellsstöðum í
Skorradal árið 1874. Tíu vikna gamall veiktist Þórður
HUGUR OG HÖND 5
ff*