Hugur og hönd - 01.06.1989, Síða 16

komustaður fjölskyldunnar, mikið
gert úr staðnum þar sem einstakling-
urinn undirbýr hlutverk sitt í opinber-
um athöfnum.
Næstum er sama hvar borið er nið-
ur, alls staðar er lítið gert úr mikilvægi
hversdagslífsins. Hvert eiga menn
framtíðarinnar að sækja sér fyrir-
myndir og dæmi? Hvaðan eiga
Picasso, Chagall, Per Albin Hansson
og Alva Myrdal að fá fyrirmyndir og
hugmyndir ef innstu svið lífsins geta
ekki gefið frá sér lífsmark?
Samt sem áður koma þeir nú allir,
sem bera þá þungu ábyrgð að halda
heilu samfélagi við lýði, og biðja um
hjálp frá hversdagslífinu. Nú gætum
við í norrænu heimilisiðnaðarsam-
tökunum sagt við. stjórnmálamenn-
ina: Of seint, of seint. Það er ekki
neitt hversdagslíf hér sem getur tjáð
sig með myndugleika.
Hvernig á einbúinn að geta þróað
málið, sagt persónulega sögu, dans-
að, sungið, sagt frá, spilað? Hvernig
á einbúinn að geta myndað sterk fjöl-
skyldubönd og ættartengsl? Hvernig
á einbúinn að geta af sér menningu?
Við getum látið nægja að bjóða fram
sérfræðiaðstoð okkar, selja vörur
okkar á torgum. Við borgum skattana
okkar til að standa straum af því fé-
lagslega og þjóðlega, það getum við
einbúar ekki átt neitt við.
En við getum líka sagt: Velkomnir,
velkomnir! Þið komiðtil réttra aðila. í
norrænum heimilisiðnaði hefur hið
félagslega og þjóðlega — hvers-
dagslífið — alltaf verið aðalatriði.
Þess vegna erum við hér og verðum
hér. Aðaltilgangurinn með að stofna
heimilisiðnaðarfélög var að halda
fólkinu föstu í alheimi hversdagslífs-
ins, þar sem barnið kemur í heiminn,
þar sem örlög annarra eru þín örlög,
þar sem ástin og sorgin ná tökum á
þér, þar sem allt ræðst af samspilinu
við lífið sjálft.
Vel getum við séð að einbúinn er
auðsærður, lífið í aðsetrum mann-
anna skreppur saman. Samt — eða
kannski einmitt þess vegna — mun-
um við segja við stjórnmálamennina:
Við erum til þjónustu reiðubúin, ekki
aðeins með framlagi handa okkar
heldur með öllu okkar sameinaða
framlagi, huga og hönd.
Við höfum bætt einni setningu við
nafnið á skólanum okkar í Kerte-
minde, danska heimilisiðnaðarskól-
anum, köllum hann „skólann fyrir
hversdagslist". Sú list sem við viljum
skapa fyrir hversdagslífið er ekki sú
litla í samanburði við þá stóru, ekki
leikmannslist, heldur sú list að gera
hversdagslífið skapandi, Ijá því tján-
ingarmáta. Því að „án sköpunar
missum við hylli guðanna" segir
Goethe.
Við segjum við stjórnmálamenn-
ina: Við getum hjálpað ykkur. Við eig-
um þau verkfæri, það handverk sem
getur gefið lífi okkar yfirbragð sköp-
unar. Með hjálp þeirra munum við
byggja upp nýja mannlega einingu,
tengja einbúana saman, gefa hvers-
dagslífinu nýjan myndugleik. Svo að
innstu gildi lífsins fái mál að mæla.
Frederik Christensen, skólastjóri
heimilisiðnaðarskólans í Kerteminde
Gréta Þ. Pálsdóttir þýddi.
Nvjung: Tékkaábyrgð
án bankakorts á
tékkum með mynd
af reikningshafa.
Nú ábyrgist Búnaðarbarikinn tékka, útgefna
af eigendum Gullreiknings að upphœð allt að
kr. 10.000,- án framvísunar bankakorts.
Til þess þarf tékkinn að bera mynd af
reikningshafa en slíkt stendur eigendum
Gullreiknings til boða.
Pað fer ekki milli mála hver þú ert.

\S
.ivi"

16
HUGUR OG HÖND