Feykir - 05.04.2017, Síða 3
Óvíst er hvaða starfsemi Háholt í Skagafirði geymir í framtíðinni. MYND: FEYKIR
Meðferðarheimilið Háholt
Starfsemi hættir í lok júní
Byggðarráð Sveitarfélagsins
Skagafjarðar lýsir yfir
þungum áhyggjum af stöðu
meðferðarheimilisins
Háholts í Skagafirði en
uppi eru áform um að
loka heimilinu og færa
starfsemina á höfuðborgar-
svæðið. Rekstraraðilar
meðferðarheimilisins
og Barnaverndarstofa
eru hins vegar sammála
um að forsendur fyrir
endurnýjuðum samningi séu
ekki lengur til staðar og
hafa gert samkomulag um
að starfseminni verði hætt í
lok júní nk.
Á fundi byggðarráðs í síðustu
viku kom fram að ráðið teldi
það undarleg vinnubrögð af
hálfu ráðuneytis og Barna-
verndarstofu að aldrei hafi
verið rætt við forsvarsmenn
sveitarfélagsins í aðdraganda
þessarar ákvörðunar en
Sveitarfélagið Skagafjörður er
eigandi húsnæðis sem hýsir
starfsemi Háholts. Sveitar-
félagið byggði húsið sérstak-
lega undir starfsemina á
sínum tíma og fór í miklar
endurbætur á húsnæðinu
árið 2014 til að aðlaga það
betur að starfseminni. Samn-
ingur sveitarfélagsins og
barnaverndarstofu um hús-
næðið undir meðferðarheim-
ilið rennur út í ágúst á næsta
ári.
„Meginástæða þess að
starfseminni er hætt er sú að
eftirspurn eftir meðferðar-
rýmum hefur verið afar slök í
Auglýsing um
skipulagsmál
Á fundi sveitarstjórnar sveitarfélagsins Skagafjarðar 15. mars 2017 var
samþykkt að auglýsa, verk- og matslýsingu vegna breytinga á Aðalskipulagi
Sveitarfélagsins Skagafjarðar 2009-2021. Verk- og matslýsingin er dagsett
í mars 2017 unnin af VSÓ ráðgjöf fyrir sveitarfélagið.
Alls verður gerð tillaga að sex breytingum sem eru:
A) Val á legu Blöndulínu Tekin verður ákvörðun um legu Blöndulínu 3, 220 kV háspennulínu sem liggur frá Blöndustöð til Akureyrar. Ákvörðun
um legu hennar innan sveitarfélagsins var frestað í Aðalskipulagi Sveitarfélagsins Skagafjarðar 2009-2021.
B) Sauðárkrókslína Gerð verður tillaga að legu Sauðárkrókslínu 2, sem er 66 kV jarðstrengur sem mun liggja á milli Varmahlíðar og
Sauðárkróks.
C) Virkjanakostir í Skagafirði
Tekin verður ákvörðun um landnotkun vegna Villinganesvirkjunar og Skatastaðavirkjunar í aðalskipulag. Skipulagi
virkjananna var frestað í Aðalskipulagi Sveitarfélagsins Skagafjarðar 2009-2021 og gildir sú ákvörðun í fjögur ár.
D ) Urðunarsvæði í Viðvíkursveit fellt út.
Ætlunin er að fella urðunarsvæði í Viðvíkursveit út í skipulagi og skilgreina það sem opið svæði til sérstakra nota.
E ) Nýtt tengivirki og rafstrengur á Sauðárkróki.
Gerð verður tillaga að staðsetningu fyrir nýtt tengivirki innan athafnasvæðis A-3.3 og legu rafstrengs frá tengivirki við
Kvistahlíð að nýju tengivirki. Einnig verður landnotkun á lóð tengivirkisins við Kvistahlíð breytt.
F ) Ný efnistökusvæði.
Skoðaðir verða 12 námukostir sem koma til greina að bæta við í aðalskipulag Sveitarfélagsins Skagafjarðar til að
bregðast við efnisþörf sem kemur til vegna styrkingar raforkukerfisins í sveitarfélaginu.
Í samræmi við 1.mgr 30. greinar Skipulagslaga 123/2010 er hér með óskað umsagnar um Verk- og
matslýsinguna. Óskað er eftir að umsagnir berist skriflega til skipulags- og byggingarfulltrúa í Ráðhúsið
Skagfirðingabraut 17-21 eða með tölvupósti á netfangið jobygg@skagafjordur.is fyrir 26. apríl 2017.
Verk- og matslýsingin er aðgengileg á heimasíðu Sveitarfélagsins Skagafjarðar www.skagafjordur.
is/is/thjonusta/umhverfis-og-skipulagsmal/byggingafulltrui og í Ráðhúsinu Skagfirðingabraut 17-21
Sauðárkróki frá 30. mars til 26. apríl 2017.
Jón Örn Berndsen
Skipulags - og byggingarfulltrúi
www.skagafjordur.is
N
Ý
PR
EN
T
eh
f.
mörg ár. Kemur þar margt til en
helsta ástæðan er sú að
nýjungar í meðferð utan
stofnana, á vettvangi fjöl-
skyldu og nærsamfélags,
svonefnd Fjölkerfameðferð;
MST, hafa skapað nýjar
forsendur og eru nú mest í
eftirspurn samhliða því að
dregið er úr stofnanameðferð. Í
því felst að þeir einir vistast nú
á stofnanir sem eiga við að
stríða fjölþættan og flókinn
vanda sem krefst aðkomu
sérfræðinga á ýmsum sviðum
sem óvíða er að finna utan
höfuðborgarsvæðisins,“ segir
Bragi Guðbrandsson forstjóri
Barnaverndarstofu við Feyki.
Þegar hann er spurður út í
árangur meðferðar á Háholti í
samanburði við önnur heimili,
segir hann það flókið fyrirbæri
þar sem markhópar og erfið-
leikastig einstaklinganna í
meðferð sé mjög misjafnt.
Langmesta
eftirspurnin í MST
Alls voru sex einstaklingar
innritaðir í meðferð á Háholti
árið 2016 og tveir sem inn-
ritaðir voru árið á undan dvöldu
þar um tíma. Þeir átta ein-
staklingar sem komu við sögu í
meðferð Háholts árið 2015 voru
aldrei vistaðir þar á sama tíma.
Að jafnaði var fjöldi skjól-
stæðinga á heimilinu á bilinu
einn til þrír á hverjum tíma.
Að Háholti frátöldu eru
meðferðarheimili í Eyjafirði og
á Rangárvöllum auk meðferðar-
og greiningarstöðvar ríkisins,
Stuðla, í Reykjavík. Alls inn-
rituðust 112 einstaklingar í
meðferðarúrræði Barnavernd-
arstofu árið 2016 og 47 komu
við sögu til viðbótar sem inn-
ritaðir voru árið á undan. Bragi
segir að langmest eftirspurn sé í
Fjölkerfameðferðina MST sem
er meðferð utan stofnana.
Þrátt fyrir að hugmyndir
um byggingu meðferðarheim-
ilis fyrir börn í Reykjavík næðu
fram að ganga, myndi með-
ferðar- og greiningarstöðin
Stuðlar áreiðanlega starfa áfram
að mati Braga og líklega eitt
heimili á landsbyggðinni. Þó
segir hann að ekki sé unnt að
fullyrða um þetta nú því
eftirspurn eftir meðferð ráði
framboðinu.
„Það er ætíð sorglegt að
þurfa að loka jafn stórum
vinnustað eins og Háholt er og
missa þannig reynslumikið og
gott fólk úr störfum. Ég vil
þakka starfsfólkinu fyrir góð
störf og óska því velfarnaðar í
framtíðinni. Raunar vil ég
þakka rekstaraðilum, sveitar-
stjórninni og Skagfirðingum
öllum fyrir þessi tæplega 20 ár
sem meðferðarheimilið hefur
starfað,“ segir Bragi Guð-
brandsson að lokum. /PF
VIÐTAL
Páll Friðriksson
Skora á stjórnvöld
Slæmir malarvegir kalla á viðbrögð
Kvenfélag Svínavatnshrepps
hefur áhyggjur af vegfarendum,
ekki síst skólabörnum, sem
fara um lélega malarvegi í
Húnavatnshreppi en ástand
vega þar er algjörlega óásætt-
anlegt að mati kvenfálagsins og
þó víðar væri leitað.
Kvenfélag Svínavatnshrepps
sendir frá sér eftirfarandi álykt-
un: Ástand malarvega Í Húna-
vatnshreppi er algjörlega óásætt-
anlegt. Skorar Kvenfélagið á
Vegagerðina og aðra sem málið
varðar að bregðast við sem fyrst.
Telur félagið íbúa í mikilli hættu
vegna þessa ástands og hefur
stórar áhyggjur af hvað getur
gerst ef fram heldur sem horfir.
Vill félagið benda á að skólabörn
Húnavallaskóla þurfa að fara
þessa hættulegu vegi tvisvar á
dag alla virka daga. Auk þess eru
íbúar hreppsins að sækja vinnu
utan heimilis og þurfa að fara
daglega þessa slæmu vegi.
Skorar Kvenfélagið á stjórnvöld
og alla þá sem málið varðar að
bregðast við áður en fleiri slys
hljótast af. /PF
Ástand malarvega í Húnavatnshreppi er óásættanlegt, segja kvenfélagskonur
og óhætt að taka undir það. MYND: KVENFÉLAG SVÍNAVATNSHREPPS
14/2017 3