Feykir - 07.06.2017, Qupperneq 4
4. deildin í knattspyrnu
Burst á Blönduósvelli
Kormákur/Hvöt er á góðu skriði í 4. deildinni
en þeir unnu góðan sigur á Hrunamönnum sl.
laugardag á Blönduósvelli. Í hálfleik var
staðan orðin 3-0 en í seinni hálfleik bættu
strákarnir fjórum mörkum við og fengu svo
hjálp frá andstæðingunum sem skoruðu
sjálfsmark.
Markaskorarar helgarinnar voru: Hlynur Rafn
Rafnsson með mark strax á 3. mínútu, Hámundur
Örn Helgason á 24., Arnar Skúli Atlason á 34.,
Hjörtur Þór Magnússon á 46., Hörður Gylfason
með tvö á 52. og 57. og Reimar Marteinsson á 63.
mínútu. Sjálfsmark mótherjanna kom svo í
restina á þeirri 75.
„Við erum búnir að vinna okkar leiki sem eiga
að vera skyldusigrar miðað við gæðin í okkar
riðli. Núna hefst prófið að sjá hversu góðir við
erum. Við eigum Létti, Ými og Árborg í næstu
þremur leikjum sem eru allt mjög góð og
sambærileg lið og Kormakur/Hvöt,“ segir Arnar
Skúli Atlason sem bar fyrirliðabandið í leiknum.
Hann vill engar yfirlýsingar gefa varðandi það að
liðið færi sig upp um deild en viðurkennir þó að
með heppni geti allt gerst. „Kosturinn er að þetta
er gaman og skemmir ekki fyrir að hafa nokkra
Skagfirðinga í bland við þessa kónga sem fyrir
eru,“ segir Arnar Skúli kankvís. /PF
ÍÞRÓTTAFRÉTTIR Fleiri íþróttafréttir á Feykir.isF
Golf
Feðgar unnu í Opna KS mótinu
Fyrsta opna golfmót
sumarsins, Opna KS mótið,
hjá Golfklúbbi Sauðárkróks
var haldið á Hlíðarendavelli sl.
laugardag. Rjómablíða var
nánast allan tímann og
völlurinn hefur aldrei verið
eins góður í byrjun golfvertíðar
og núna í ár. Á heimasíðu GSS
segir að leikið hafi verið með
Texas Scramble fyrirkomulagi
og voru 18 lið skráð til leiks
eða samtals 36 kylfingar.
Keppnin var hörð og
spennandi en að lokum stóðu
feðgarnir Elvar Ingi Hjartarson
og Hjörtur Geirmundsson uppi
sem sigurvegarar. Veitt voru
verðlaun fyrir fimm efstu sætin
og Kaupfélag Skagfirðinga gaf
verðlaunin í mótið eins og
mörg undangengin ár. Þá voru
Híf opp!
Gamansögur af
íslenskum sjómönnum
Þegar séra Hjálmar Jónsson
hafði verið prestur á Sauðár-
króki í þrjú ár bauð Kristján
Ragnarsson, skipstjóri á Drang-
eynni, honum í einn túr á
togaranum. Klerkur þáði það,
enda með sjómannsblóð í
æðum. Hann hafði sem ungl-
ingur sótt sjóinn frá Akureyri á
trillu með föður sínum og seinna
verið á Svalbaki EA-2.
Líklega vissu fáir á Króknum
af þessum fyrri störfum
Hjálmars. Enginn á Drangeynni,
að skipstjóranum frátöldum,
hafði í það minnsta hugmynd
um að presturinn þeirra hefði
þessa sjómannstaug í sér. Og
þegar hann fór fram á til að taka
endana var kallað til hans af
bryggjunni, að skipið væri að
fara og hann ætti að drífa sig í
land hið fyrsta. Hjálmar leit þá
upp og sá þar fyrsta vélstjórann
á Drangeynni, sem var í fríi
þennan túrinn, en kominn til að
kveðja félaga sína. Prestur brosti
til hans og sagði sem var, að
hann færi með.
Vélstjórinn missti málið um
stund, svo hissa var hann á
þessu, en fékk það síðan aftur og
kallaði þá til Hjálmars: „Það er
kannski ágætt að þú kynnist
þessum körlum áður en þú
jarðar þá.“
* * * * *
Það var á Drangeynni. Skipstjóri
var Guðmundur Árnason, síðar
hafnarvörður á Sauðárkróki, sem
jafnan talaði tæpitungulaust.
Eitt sinn voru þeir saman í
brúnni, Guðmundur og Hvati á
Stöðinni, og biður skipstjórinn þá
um kaffi að drekka. Hvati fer
niður eftir kaffinu, en lendir á
kjaftatörn á leiðinni og tefst
eitthvað af þeim sökum. Kemur
loks til baka upp í brú til
Guðmundar og réttir honum
kaffibollann. Þegar hann tekur
fyrsta sopann kemur í ljós að
kaffið er ylvolgt.
„Ertu að færa mér þetta
ískalt, maður, þú skalt bara troða
þessu upp í rassgatið á þér,“ segir
Guðmundur við Hvata, heldur
ókátur. Hvati kippir sér ekki upp
við þetta, heldur klappar skip-
stjóranum á öxlina og segir með
hægð:
„Heldurðu að það volgni eitt-
hvað þar, elskan mín?“
* * * * *
Drangey var komin inn til
Ísafjarðar eftir mikinn barning í
brjáluðu veðri. Var höfnin á Ísa-
firði þéttsetin og lá Drangeyjan
utan á tveimur öðrum skipum.
En komnir í land og lausir úr
lífsháskanum fóru skipverjar um
kvöldið og gerðu sér glaðan dag,
enda oft verið minni ástæða til.
Um nóttina urðu þeir sam-
ferða um borð, Hvati á Stöðinni
og Haukur Þorsteinsson, fyrsti
vélstjóri, eða Haukur Steina
mótorista, og báðir nokkuð vel
við skál. Ekki tókst betur til en
svo á ísuðum og glerhálum
kajanum að Hauki verður þar
fótaskortur og stingst hann
niður á milli skips og bryggju.
Hvata bregst ekki rósemin, hallar
sér fram yfir bryggjukantinn og
kallar stundarhátt:
„Ég bið að heilsa honum
pabba þínum, elskan mín!“
Að svo búnu heldur Hvati um
borð og kemur fram í íverupláss
skipverja, sem sátu þar að
sumbli, og verður þetta að orði:
„Mikill öðlingsdrengur var
hann Haukur okkar hérna.“
Þeir sem fyrir voru spyrja í
nokkurri undrun hvort þar hafi
orðið einhver breyting á og hvort
hann sé það ekki enn.
„Ó, nei,“ segir Hvati og dæsir
þunglega um leið og hann fær
sér sæti. „Hann var nú að enda
við að fara hér niður á milli.“ /PF
Nýverið kom út hjá Bókaútgáfunni
Hólum bókin Híf opp! og inniheldur
hún gamansögur af íslenskum
sjómönnum. Höfundur bókarinnar er
Guðjón Ingi Eiríksson og hefur hann
leitað efnis víða. Þarna koma meðal
annars við sögu Eiríkur Kristófersson,
Magni Kristjánsson, Hvati á Stöðinni,
séra Hjálmar Jónsson, Jón Berg
Halldórsson, feðgarnir Oddgeir og Addi
á Grenivík, Ragnar Ingi Aðalsteinsson,
Lási kokkur, Einar í Betel, Binni í Gröf,
Snæbjörn Stefánsson, Fúsi Axels, Ingvi Mór, Slabbi djó, Doddi
hestur og Gunnar Trausti Guðbjörnsson. Eru þá sárafáir upp
taldir. Hér á eftir koma nokkrar sögur úr bókinni:
einnig veitt nándarverðlaun
fyrir að vera næstur holu á 3/12.
braut og þau hlaut Hákon Ingi
Rafnsson. Verðlaun fyrir að
vera næstur holu á 6/15. braut
hlaut Arnar Geir Hjartarson.
Fimm efstu sætin voru eftir-
farandi: Elvar Ingi Hjartarson
og Hjörtur Geirmundsson,
Þröstur Kárason og Hlynur
Freyr Einarsson, Arnar Geir
Hjartarson og Ingvi Þór Óskars-
son, Þorbergur Ólafsson og
Brynjar Örn Guðmundsson og
loks Telma Ösp Einarsdóttir og
Hákon Ingi Rafnsson. /PF
Flottir kappar í mótslok. MYND: GSS.IS
Boccia
Húnvetningar lönduðu öðru sætinu
Félag eldri borgara í Vestur –
Húnavatnssýslu lenti í öðru sæti
á árlegu Vesturlandsmóti félags
eldri borgara í boccia sem fram
fór í Borgarnesi 27. maí. Þetta
mun vera í ellefta skipti sem
mótið er haldið en a.m.k. sex
sveitarfélög hafa skipst á að
hýsa það. Skessuhorn greinir
frá því að til leiks hafi mætt að
þessu sinni 16 sveitir; fjórar frá
Akranesi, Borgarbyggð og
Stykkishólmi og tvær sveitir frá
Snæfellsbæ og Húnaþingi
vestra.
Úrslit urðu þau að Félag
eldri borgara á Akranesi bar
sigur úr býtum. Sigursveitina
skipuðu þeir Böðvar Jóhannes-
son, Þorvaldur Valgarðsson og
Baldur Magnússon. Í öðru sæti
varð Félag eldri borgara í Vestur
– Húnavatnssýslu en sveitina
skipuðu Eggert Karlsson, Bald-
vin Baldvinsson og Anna
Scheving. Í þriðja sæti varð
Félag eldri borgara í Snæfellsbæ.
Keppt var í fjórum riðlum,
fjórar sveitir í hverjum riðli.
Sigurvegarar í riðlunum kepptu
síðan í undanúrslitum og að
lokum sigurvegarar undanúr-
slita til úrslita um sæmdarheitið
Vesturlandsmeistari í boccía
2017. Sigurvegarar fengu að
launum farandbikar sem Guð-
mundur Runólfsson hf. í
Grundarfirði gaf árið 2012.
Heimild: Skessuhorn.is /PF
Húnvetningar lengst til vinstri, sigurvegararnir frá Akranesi fyrir miðju og svo kappar
úr Snæfellsbæ til hægri. MYND: SKESSUHORN, ÞÓRHALLUR TEITSSON
4 22/2017