Feykir - 23.05.2018, Blaðsíða 9
F ÍÞRÓTTAFRÉTTIR Fleiri íþróttafréttir á Feykir.is
4. deildin í knattspyrnu
Kormákur/Hvöt fær
góðan liðsstyrk
Kormákur/Hvöt lék sinn
fyrsta leik í D riðli 4. deildar í
knattspyrnu sl. laugardag
gegn Vatnaliljum úr Kópavogi.
Leikurinn endaði 0-0 og fékk
liðið því sitt fyrsta stig. Fyrir
leikinn hafði liðið fengið
liðsstyrk þar sem erlendir
sem og innlendir leikmenn
höfðu skrifað undir samning.
Fótbolti.net segir frá því að
meðal þeirra sem komu voru
þrír leikmenn frá Spáni,
sóknarmaðurinn Daniel
Garcerán Moreno, miðvörður-
inn Carlos Dominguez
Requena og markmaðurinn
Miguel Martínez en Daniel
hefur áður spilað á Íslandi og
lék meðal annars með Hugin í
2. deildinni.
Einnig komu til liðsins
brottfluttir Blönduósingar sem
ætla að hjálpa til við það
verkefni sem bíður þeirra í
erfiðum riðli auk nokkurra sem
komu frá Tindastóli.
Þar má nefna þá Hilmar Þór
Kárason sem kemur frá ÍR og
og svo hann Frosti Bjarnason
sem kom frá Vatnaliljum en
hann spilaði meðal annars með
HK árið 2014. /PF
Daniel Garcerán, Carlos Dominguez, Miguel Martínez og Hilmar Þór Kárason skrifa
undir á lokadegi félagaskiptagluggans og stoltu meistaraflokksráði ásamt Þjálfaranum
Hámundi Erni Helgasyni. MYND KORMÁKUR/HVÖT.
Lið Tindastóls spilaði sl.
laugardag þriðja leik sinn í 2.
deildinni í sumar og var þá
leikið við Þrótt úr Vogunum á
Vogabæjarvelli og reyndust
Stólarnir varla meira en létt
Vogaídýfa fyrir heimamenn.
Þeir náðu forystunni strax
í byrjun og unnu að lokum
öruggan 4-0 sigur.
Það var Örn Rúnar Magnússon
sem náði forystunni fyrir
Þróttara á 8. mínútu og á 24.
mínútu bætti Jordan Chase
Tyler við öðru marki. Það var
síðan Brynjar Kristmundsson
sem gerði þriðja mark
heimamanna á 42. mínútu og
staðan 3-0 í hálfleik. Tinda-
stólsmönnum gekk betur að
verjast í síðari hálfleik og það
var ekki fyrr en undir lok
venjulegs leiktíma sem Bjarki
Már Árnason, spilandi þjálfari
Tindastóls, skoraði en því
Knattspyrn : Þróttur Vogum – Tindastóll 4–0
Stólarnir eins og létt ídýfa
fyrir Þróttara í Vogunum
Urald King á Krókinn
Körfuknattleiksdeild Tindastóls
Körfuknattleiksdeild Tindastóls hefur fengið Urald King í
sínar raðir fyrir komandi tímabil. King er 27 ára framherji og
kemur frá Val, var með 22.9 stig að meðaltali í leik og 15
fráköst.
Stjórn körfuknattleiksdeildarinnar telur að King henti
liðinu afskaplega vel, enda topp leikmaður þarna á ferð. Að
hennar sögn er leikmannamarkaðurinn erfiður þetta árið, en
stjórnin útilokar ekki að verið sé að skoða fleiri leikmenn.
Feykir óskar Urald King góðs gengis með nýju liði og býður
hann velkominn á Krókinn. /PF
Urald King hefur verið öflugur með Val en þar hefur hann verið sl. tvö tímabil. Nú
kemur hann á Krókinn fyrir næsta tímabil. MYND KARFAN.IS
Norðurland vestra lenti í 3. sæti
Kjördæmamóti Bridgesambandsins
Kjördæmamót Bridgesambands Íslands var
haldið á Sauðárkróki fyrir skömmu í boði
Bridgefélags Sauðárkróks. Þátttakendur voru
um 160, bæði Íslendingar og Færeyingar.
Mótið er landshlutakeppni þar sem gamla
kjördæmaskipanin afmarkar liðssveitirnar. Lið
Reykjavíkur stóð uppi sem sigurvegari með
496,38 stig en fast á hæla þeirra kom lið
Norðurlands eystra með 493,52 stig. Gest-
gjafarnir á Norðurlandi vestra enduðu í því
þriðja með 383,12 stig.
Að sögn Ásgríms Sigurbjörnssonar, for-
manns Bridgefélags Sauðárkróks, gekk mótið
mjög vel fyrir utan það að Norðurland vestra
skyldi ekki vinna. Aðspurður um hvernig valið
hafi verið í sveit Norðurlands vestra segir
Ásgrímur að þeir sem hafi viljað spila fengu að
vera með. „Þetta voru fjórar sveitir hjá okkur og
það mega vera sex manns í hverri. Svo það var
pláss fyrir alla.“
Þrátt fyrir að fjögur félög af Norðurlandi
vestra séu skráð hjá Bridgesambandinu, segir
Ásgrímur að aðeins tvö þeirra séu virk þ.e.
Bridgefélag Sauðárkróks og Bridgefélag Siglu-
fjarðar. Hin eru Bridgefélag Skagastrandar og
Bridgefélag Blönduóss.
Á Króknum spila félagsmenn einu sinni í
viku yfir veturinn og segir Ásgrímur vera pláss
fyrir fleiri þátttakendur. /PF
miður í eigið mark. Ef við
þekkjum Bjarka rétt þá verður
ekki langt að bíða þess að hann
bæti fyrir þetta.
Lokatölur því 4-0 og lið
Tindastóls vermir botn 2.
deildar ásamt Seyðfirðingum.
Næsti leikur Stólanna verður
væntanlega hér heima á
Sauðárkróksvelli sem er nú loks
farinn að taka lit. Vonandi
verður völlurinn leikfær
næstkomandi laugardag og við
skulum líka vona að lukkan
verði meiri á heimavelli.
Mótherjarnir verða Víðismenn
úr Garðinum en þeim var líkt
og liði Tindastóls spáð erfiðu
gengi í sumar. Víðir er í 10. sæti
með eitt stig að loknum þremur
umferðum. Áfram Tindastóll!
/ÓAB
Það er bratta brekkan í þessu hjá Stólunum sem stendur. Bjarki Árna varð fyrir því óláni
að gera sjálfsmark á laugardaginn. MYND ÓAB
Frá Kjördæmamóti Bridgesambands Íslands 2018 MYND GUÐRÚN SIGHVATSDÓTTIR
20/2018 9