Feykir - 19.12.2018, Blaðsíða 3

48/2018 3
Á tímamótum er alltaf gott að líta um öxl, reyna að koma auga
á það sem vel er gert, og jafnvel það sem ekki hefur tekist eins
vel til, og reyna að læra á einhvern
hátt af reynslunni. Mér sýnist að
við sem búum Norðurland vestra
höfum almennt verið til fyrir-
myndar í flestu því sem við
tókum okkur fyrir hendur á
líðandi ári og getum hnarreist
tekið á móti nýju ári með
bjartsýni og góðum fyrirheitum.
Bjartsýni ríkir hvarvetna og
margs konar uppbygging á
flestum svæðum, bæði í þéttbýli
og til sveita.
Mannlífið virðist einkar gott í Húnavatnssýslum og Skagafirði og
innviðir í ágætu standi, allavega því sem snýr að sveitarstjórnum,
svo best verður séð. Ríkisvaldið mætti taka sig aðeins betur á að
mínu mati og þá hugsa ég til vegamálanna sérstaklega. Boðaðir
hafa verið vegatollar í framtíðinni þar sem vegfarendur verða
rukkaðir um einhverjar krónur á ákveðnum stöðum, til að
fjármagna vegakerfið, sem víða er stórlaskað. Aðallega er verið að
tala um Þjóðveg 1, að mér skilst. Þá má spyrja hvað verður um vegi
utan hringvegarins eins og t.d. Vatnsnesveg, Reykjastrandarveg
eða Hegranesveg. Varla verða sett upp tollhlið á endum svo hægt
verði að rukka þá sem um þessa vegi fara.
En flest er í heiminum hverfult og ekkert sjálfgefið. Mér þykir
ástæða til að hvetja fólk til að vinna betur saman í pólitíkinni,
framtíð okkar til heilla. Allt of oft eru hafðar uppi ónauðsynlegar
þrætur, rétt til að leika á vinsældir hjá kjósendum. Þá er ekki síður
ástæða til að biðja fólk um að huga vel að því hverju það þeytir út í
alheiminn með óvönduðum skilaboðum á samfélagsmiðlum.
Ein óvarleg setning getur haft slæm áhrif á marga þó svo að henni
sé ekki ætlað að meiða viðkomandi.
En það hefur nú lengi tíðkast á Íslandi að segja eitthvað misjafnt
sem ekki fellur í kramið.
Hávamál taka á ýmsu sem fólk ætti að skoða vel og langar mig
að enda pistilinn að þessu sinni með einni vísu. Hugsanlega er hér
átt við það að betra sé að tala fátt og leyfa mönnum að halda að
maður sé heimskur heldur en að tala mikið og opinbera heimsku
sína.
Ósnotur maður
er með aldir kemur,
það er best að hann þegi.
Engi það veit
að hann ekki kann,
nema hann mæli til margt.
Veit-a maður
hinn er vætki veit,
þótt hann mæli til margt.
Fyrir hönd Feykisfólks þakka ég samfylgdina á árinu og óska
ykkur, lesendur góðir, gleðilegra jóla og farsældar á komandi ári.
Páll Friðriksson, ritstjóri
LEIÐARI
Enginn veit fyrr en allt í einu Samningar um sam-
starf samþykktir
Sýndarveruleiki á Sauðárkróki
Á fundi sveitarstjórnar Sveitar-
félagsins Skagafjarðar í síðustu
viku voru samþykktir samningar
á milli Sýndarveru-leika ehf. og
Sveitarfélagsins Skagafjarðar
um uppbyggingu nýrrar
ferðaþjónustustarfsemi á
Sauðárkróki. Samkvæmt þeim
mun Sýndarveruleiki koma upp
og starfrækja sýningu um Sturl-
ungaöldina þar sem áhersla er
á nýjustu tækni í miðlun, m.a.
með sýndarveruleika.
Ætlunin er að sýningin, sem
fengið hefur nafnið 1238 – The
Battle of Iceland, skapi vel á
annan tug beinna starfa í
Skagafirði og að hún efli
Skagafjörð sem áfangastað fyrir
ferðafólk.
Hart var tekist á um málið á
fundinum og segir í bókun
minnihlutans að umfang og
tímalengd skuldbindinga, íviln-
ana og fjárútláta er tengjast
samstarfssamningi um upp-
byggingu sýndarveruleikasýn-
ingar og áhrif þeirra á rekstur
og framkvæmdagetu sveitarfél-
agsins næstu 30 árin, sé for-
dæmalaust hjá sveitarfélagi á
Íslandi. Lagt var til af hálfu
minnihlutans að efnt yrði til
íbúakosninga sem færi fram
með rafrænum hætti.
Ávinningur sveitarfélagsins
af verkefninu var metinn af
Deloitte og eru niðurstöður
þess mats að Sveitarfélagið
Skagafjörður mun hafa um 195
milljónir króna í hagnað af
verkefninu á samningstím-
anum, sem er 30 ár. /PF
Framtíðar-
upp-
bygging
kynnt
Þrístapar í
Vatnsdalshólum
Á fundi sveitarstjórnar
Húnavatnshrepps sem
haldinn var þann 12.
desember, fóru A. Agnes
Gunnarsdóttir, ráðgjafi hjá
Verus ehf., og Hringur
Hafsteinsson, ráðgjafi hjá
Gagarín, yfir framtíðar-
uppbyggingu við Þrístapa
sem sveitarfélagið hefur
verið að vinna að.
Verkefnið er mjög metn-
aðarfullt enda standa vonir
til að tugir þúsunda gesta
muni staldra við og njóta
sýningar með gagnvirkum
miðlum sem eru nánast
óþekktar, ekki síst á norður-
hjaranum þar sem allra veðra
er von.
Sú uppbygging sem mun
eiga sér stað við Þrístapa
verður unnin í nánu samráði
við Minjastofnun Íslands þar
sem aftökupallurinn og
önnur mannaverk eru
friðaðar menningarminjar.
/PF
Sveitarstjórn í húsakynnum sýndarveruleikasýningarinnar en þar fór fram kynning á
fyrirhugaðri starfsemi 1238 – The Battle of Iceland. AÐSEND MYND
Útgefandi: Nýprent ehf., Borgarflöt 1, Sauðárkróki
Póstfang Feykis: Borgarflöt 1, 550 Sauðárkrókur
Ritstjóri & ábyrgðarmaður:
Páll Friðriksson, palli@feykir.is & 861 9842
Blaðamenn:
Fríða Eyjólfsdóttir, frida@feykir.is & 867 9744,
Óli Arnar Brynjarsson, oli@feykir.is
Áskriftarverð: 530 kr. hvert tölublað með vsk. Lausasöluverð: 650 kr. með vsk.
Áskrift og dreifing: Nýprent ehf. Sími 455 7171. Umbrot og prentun: Nýprent ehf.
Óháð fréttablað á Norðurlandi vestra - alltaf á miðvikudögum
Í síðustu viku var 695.763 kílóum af fiski
landað á Norðurlandi vestra. Á Skagaströnd
lönduðu átta bátar samtals rúmum 87 tonnum
og var línubáturinn Kristinn SH þeirra
aflahæstur með rúm 62 tonn. 598 tonnum var
landað á Sauðárkróki þar sem Drangeyjan var
aflahæst með tæp 220 tonn. Tveir bátar lögðu
upp á Hofsósi 5,7 tonn og á Hvamms-tanga
landaði einn bátur 4,6 tonnum. /FE
Aflatölur á Norðurlandi vestra 9. – 15. desember 2018
Drangey aflahæst með 220 tonn
SKIP/BÁTUR VEIÐARFÆRI KG SKIP/BÁTUR VEIÐARFÆRI KG
HVAMMSTANGI
Harpa HU 4 Dragnót 4.652
Alls á Hvammstanga 4.652
SKAGASTRÖND
Auður HU 94 Landbeitt lína 6.906
Dagrún HU 121 Þorskfiskinet 4.931
Fengsæll HU 56 Línutrekt 2.898
Guðmundur á Hópi HU 203 Lína 4.447
Kristinn SH 812 Landbeitt lína 62.189
Onni HU 36 Dragnót 475
Sæfari HU 212 Landbeitt lína 5.493
Alls á Skagaströnd 87.339
SAUÐÁRKRÓKUR
Dagur SK 17 Rækjuvarpa 7.458
Drangey SK 2 Botnvarpa 219.919
Fjölnir GK 157 Lína 111.319
Kristín GK 457 Lína 82.118
Málmey SK 1 Botnvarpa 163.552
Onni HU 36 Dragnót 13.685
Alls á Sauðárkróki 375.463
HOFSÓS
Ásmundur SK 123 Landbeitt lína 2.794
Þorgrímur Sk 27 Landbeitt lína 2.927
Alls á Hofsósi 5.721
Óskað eftir móttöku sýrlensks flóttafólks
Húnaþing vestra
Sveitarstjórn Húnaþings vestra tók fyrir, á fundi
sínum þann 13. desember sl., erindi frá
velferðarráðuneytinu um móttöku flóttamanna
þar sem þess er farið á leit við Húnaþing vestra
að taka á móti sýrlensku flóttafólki, um 25
einstaklingum, á árinu 2019.
Móttakan felst meðal annars í aðstoð við að
finna húsnæði til leigu og veita fólkinu
nauðsynlega þjónustu og aðstoð í eitt ár frá komu
þess til landsins. Gerður yrði samningur milli
Húnaþings vestra og velferðaráðuneytisins/
félagsmálaráðuneytisins þar að lútandi um
fjárframlög til verkefnisins. /FE