Feykir - 19.12.2018, Blaðsíða 21

48/2018 21
Bríet er skref í rétta
átt á landsbyggðinni
AÐSENT Ásmundur Einar Daðason skrifar
Víða þar sem ég hef komið
um landið síðustu vikur og
mánuði hefur eitt mál
brunnið á öllum
þeim sveitar-
stjórnarmönnum,
atvinnurekendum
og íbúum almennt
sem ég hef rætt
við á þessum
svæðum. Það eru
húsnæðismálin.
Mikill húsnæðis-
skortur hefur
hamlað vexti og
viðgangi þessara
sveitarfélaga þar sem lítið
sem ekkert hefur verið byggt
á landsbyggðinni
undanfarinn áratug. Fyrirtæki
hafa ekki getað stækkað eins
mikið og aukin eftirspurn
hefur kallað á og sjálfur hef ég
heyrt um fjölmörg dæmi þess
fólk vilji flytja út á land en geti
það ekki þar sem viðunandi
húsnæði sé ekki í boði. Það er
því þarft að bregðast við af
krafti.
Eitt af því sem gert hefur
verið er að hleypa af stokkun-
um tilraunaverkefni með sjö
sveitarfélögum víðsvegar um
landið. Íbúðalána-
sjóður auglýsti eftir
þátttakendum í
tilraunaverkefninu í
haust. Starfshópur
skipaður fulltrúum
frá Íbúðalánasjóði,
Byggðastofnun og
Sambandi íslenskra
sveitarfélaga valdi
Dalabyggð, Vestur-
byggð, Snæfellsbæ,
Skeiða- og Gnúpverjahrepp,
Norðurþing, Hörgársveit og
Seyðisfjarðarkaupstað til að
vera fyrstu sveitarfélögin til að
taka þátt. Valið tók mið af því að
áskoranirnar sem þau standa
frammi fyrir séu mismunandi
og á ólíkum landsvæðum.
Þannig verður til breiðara
framboð lausna í húsnæðis-
málum sem nýst getur til að
koma hreyfingu á fasteigna-
markaðinn um land allt.
Vandinn er mikill og hann er
víða. Alls lögðu 33 sveitarfélög
frá öllum landshlutum inn
umsóknir, sem samsvarar
helmingi sveitarfélaga á lands-
byggðinni. Þessi fjöldi kristallar
hvað uppbygging utan höfuð-
borgarsvæðisins hefur setið á
hakanum. Tilraunaverkefnið
mun ekki einungis ná til fyrr-
nefndra sjö sveitarfélaga því
Íbúðalánasjóður mun bjóða
hinum sveitarfélögunum 26 til
samtals um framhald þeirra
verkefna, með það fyrir augum
að einnig verði hægt að ráðast í
uppbyggingu hjá þeim. Niður-
stöður tilraunaverkefnisins
verða svo grunnur að breyt-
ingum á stuðningskerfum
húsnæðismála sem lagðar verða
fram á Alþingi og er ég nú þegar
með eitt frumvarp áætlað á
vorþingi hvað það snertir.

Hagkvæm leigu-
þjónusta Bríetar
Enn annað skref sem við höfum
stigið til að takast á við hús-
næðisvandann á landsbyggð-
inni er að setja á stofn opinbert
landsbyggðarleigufélag, sem
fengið hefur nafnið Bríet og
verður í umsjón Íbúðalánasjóðs.
Sjóðurinn á um 300 eignir, sem
flestar eru í útleigu og nær allar
utan höfuðborgarsvæðisins.
Við teljum að til skemmri tíma
litið þá sé markvissari leið til að
styðja við fasteignamarkaðinn á
landsbyggðinni að halda hús-
næðinu áfram í útleigu frekar
en að Íbúðalánasjóður selji það
frá sér. Bríet mun því nú taka
við þessum eignum og reka
hagkvæma leiguþjónustu.
Hugsanlegt er að Bríet geti í
framtíðinni tekið þátt í upp-
byggingu íbúðarhúsnæðis á
þeim svæðum sem glíma við
hvað mestan skort.
Ég vil hvetja sveitarfélögin til
samstarfs við hið nýja félag, en
flest þeirra reka sjálf nú þegar
félagslegt leiguhúsnæði. Með
því að sameinast um rekstur
slíks húsnæðis í stærra félagi er
skapaður grundvöllur til að
bæta gæði, auka framboð og
draga úr kostnaði.

Við þurfum fjöl-
breyttar lausnir
Bæði tilraunarsveitarfélögin og
leigufélagið eru verkefni að
norrænni fyrirmynd og hafa
áhrif spennunnar á húsnæðis-
markaði í heiminum á almenn-
ing haft mun minni áhrif á
hinum Norðurlöndunum en
hér á landi. Þverpólitísk sátt
ríkti hjá þeim, en mikilvægt er
að samstaða náist um þessi mál.
Við þurfum fjölbreyttar lausnir
til að takast á við húsnæðis-
vandann sem landsbyggðin
stendur frammi fyrir og hef ég
fulla trú á því að þessi skref færi
okkur nær markmiði okkar, að
fólk geti búið og starfað á
landinu öllu.
Ásmundur Einar Daðason,
félags- og jafnréttismálaráðherra
Húnavatnshreppur
hunavatnshreppur.is
Húnavatnshreppur
óskar íbúum sínum
og landsmönnum
öllum gleðilegrar
hátíðar og heilla
á nýju ári
Skin og skúrir hjá Stólunum
Bikarveisla í Síkinu um síðustu helgi
Það var sannkölluð bikarveisla í
Síkinu sl. sunnudag með
tilheyrandi vöfflugleði og sjóð-
heitu hamborgarapartíi. Þrjú
Tindastólslið voru í eldlínunni
en árangurinn upp og ofan.
Fyrst sigraði lið KR 10. flokk
drengja hjá Tindastóli með 68
stigum gegn 46 og slógu Stólana
því úr leik.
Því næst mætti 1. deildar lið
Tindastóls í kvennaflokki úr-
valsdeildarliði Breiðabliks í 16
liða úrslitum í Geysisbikarnum.
Blikar byrjuðu betur en lið Stól-
anna hélt í við gestina í öðrum
leikhluta en staðan var 40-51 í
hálfleik. Þriðji leikhlutinn var
hins vegar í eigu Blika sem
stungu Stólastúlkur af og sigr-
uðu örugglega, 64-107.
Að lokum mættust lið
Tindastóls og Fjölnis í 16 liða
úrslitum Geysisbikars karla. Lið
Fjölnis er í 1. deildinni en stóð
fyrir sínu vel fram í þriðja
leikhluta þegar Stólarnir fóru
loks að láta sverfa til stáls.
Staðan í hálfleik var 43-37 og
68-58 að loknum þriðja leik-
hluta. Lokatölur voru 97-71 og
var Alawoya atkvæðamestur
með 27 stig og 17 fráköst, Dino
skilaði 19 stigum, Brynjar 17 og
Pétur 14. Þá má geta þess að sl.
fimmtudag lögðu Stólarnir lið
Skallagríms, 89-73, í Dominos
og eru á toppnum. /ÓAB
Dino Butorac veður að körfu Fjölnismanna. MYND: HJALTI ÁRNA