Feykir - 19.12.2018, Blaðsíða 5

48/2018 5
Ýmislegt sem getur
ratað í jólapakkann
Útgáfur á Norðurlandi vestra
Nokkrar ágætar bækur hafa verið
gefnar út af höfundum tengdum
Norðurlandi vestra á árinu og vert að
hugsa til þeirra þegar fólk veltir fyrir
sér jólagjöfum. Í Jólablaði Feykis, sem
kom út um síðustu mánaðamót, var að
finna viðtöl við Eyþór Árnason, Sigurð
H. Pétursson og Stefán Sturlu Sigur-
jónsson en fleira má tína til.

Sorgarmarsinn eftir Gyrði Elíasson er
lokaþáttur sagnaþríleiks sem hófst með
Sandárbókinni og var síðan fram haldið
í Suðurglugganum.
Sorgarmarsinn segir
af manni sem öðrum
þræði fæst við
textagerð en hallar
sér þó aðallega að
tónlistinni og hefur
fundið sér athvarf í
litlu þorpi á Austfjörðum. Táknræn og
sérstæð frásögn af sköpun, orðleysi og
eins konar pattstöðu í flóknu samspili
lífs og listar.
Haustaugu Hannesar Péturssonar er
ellefta ljóðabók hans en sú fyrsta í tólf ár
með frumsömdum ljóðum. Hannes
hefur verið eitt
ástsælasta skáld
þjóðarinnar allt frá
því að hans fyrsta
ljóðabók kom út árið
1955. „Hér yrkir
maður sem er
síungur í ljóðmáli
sínu og viðhorfi. Hann hvarflar nú
haustaugum yfir umhverfi sitt og tíma,
vekur okkur til vitundar um aðkallandi
mál og minnist genginna vina á ljúfsáran
hátt,“ segir í kynningu.
Stefjagróður er ljóðabók eftir Skagfirð-
inginn Ingólf Ómar Ármannsson. Hann
er fæddur á Sauðár-
króki 1966 og ólst
þar upp, byrjaði
snemma að yrkja og
er í dag einn þekkt-
asti hagyrðingur
landsins. „Þegar við
heyrum vel ort ljóð,
gleður það eyrað á einhvern þann hátt
sem ekkert annað getur gert,“ segir
höfundur á bókarkápu.
Skagfirðingabók Sögufélags Skagfirð-
inga kom út á vordögum og er þar um
38. ritið að ræða. Bækurnar hafa komið
út allar götur frá
árinu 1966 og flytja
lesendum alla jafna
sögulegan fróðleik
úr Skagafirði. Meðal
efnis nýju bókar-
innar er heilmikil
samantekt Ágústs
Guðmundssonar um hernámsárin
1940-1942, Þegar Krókurinn varð hluti
af heiminum. Annað efni í bókinni, og
tengist einnig stríðsrekstri, er þáttur
Hjalta Pálssonar um heimstyrjöldina í
Hjaltastaðakoti í Blönduhlíð. Þá má
finna æviþátt Kristínar Sölvadóttur,
Stínu í Syðribúðinni, eftir Sölva Sveins-
son og margt fleira. Á bókarkápu segir
það von ritstjórnar að bókin og efni
hennar falli lesendum vel í geð og þeir
veiti áfram öflugan stuðning við útgáfu
Skagfirðingabókar. Hægt er að gerst
áskrifandi að bókinni í síma 453 6261
eða með því að senda tölvuskeyti í
netfangið: saga@skagafjordur.is. /PF
Tíminn flýgur áfram ört
enn með líf og daga.
Þó sem stjarna blikar björt
Bændakórsins saga.
Kórinn sá var kosta hreinn,
kynnti í tónum björtum
söng sem gaf að ylur einn
eftir sat í hjörtum.
Rómuð listin lyfti sér
létt á flugið sanna.
Víst að engin betur ber
birtu í sálir manna.
Jafnan gafst á góðu von,
gleði um hugi flæddi,
þegar Pétur Sigurðsson
sönginn besta glæddi.
Kröftug var sú kynningin,
krýndur héraðs sómi.
Hið mikla geymir minningin,
merk að allra dómi!
AÐSENT : Rúnar Kristjánsson
Bændakórinn
Gleðileg jól
og farsælt komandi ár
IÐNSVEINAFÉLAG SKAGAFJARÐAR
SÆMUNDARGÖTU 1 - SAUÐÁRKRÓKI - SÍMI 453 5900 & 864 5889 www.krokurinn.is
Óskum viðskiptavinum og landsmönnum öllum
gleðilegra jóla
og farsældar á komandi ári
Óskum starfsfólki og viðskiptavinum
gleðilegra jóla
og farsældar á komandi ári
STEYPUSTÖÐ SKAGAFJARÐAR
Skarðseyri 2 Sauðárkróki Sími 453 5581
Ste
ypust
öð Skagafjarðar
SKAGAFIRÐI
SKAGFIRÐINGABÓK er rit Sögufélags Skagfirðinga. Bókin hefur komið út frá árinu 1966 og flutt lesendum sögulegan fróðleik úr Skagafirði.
Hér birtist 38. hefti bókarinnar, efnismikið og ríkulega myndskreytt.

Sölvi Sveinsson: Stína í Syðribúðinni. Æviþáttur Kristínar Sölvadóttur,
Sauðárkróki.
Hjalti Pálsson: Heimsstyrjöldin í Hjaltastaðakoti.
Hannes Pétursson: Í fallgryfju.
Páll Sigurðsson: „Fjarri hlýju hjónasængur“. Fyrrum prestur og sýslumaður
dæmdur til dauða fyrir siðgæðisbrot.
Svanhildur Óskarsdóttir: Konráð Gíslason og Njáluútgáfan mikla.
Axel Kristjánsson: Jón Austmann og Reynistaðarbræður.
Sigurjón Páll Ísaksson: Beinafundur í Guðlaugstungum 2010.
Sigurjón Páll Ísaksson: Enn um Þórðar sögu hreðu. Garðshvammur í
Hjaltadal og fleira.
Ágúst Guðmundsson: Þegar Krókurinn varð hluti af heiminum. Hernámsárin
1940–1942.
Það er von ritstjórnar, að bókin og efni hennar falli lesendum vel í geð, og
að þeir veiti áfram öflugan stuðning við útgáfu Skagfirðingabókar.
Hægt er að gerast áskrifandi að bókinni í síma 453 6261 eða með því að
senda tölvuskeyti í netfangið: saga@skagafjordur.is
SKAGFIRÐINGABÓK
Rit Sögufélags Skagfirðinga
2018
38
HÉR FYRIR OFAN: Smábátahöfnin á Sauðárkróki 19. september
2017. Ljósmynd: Hjalti Pálsson.
FORSÍÐUMYNDIN: er af Webley skammbyssu sem Kristján
Sölvason fann eftir stríð í skotgröfum breska hersins ofan við
Eyrina. Ljósmynd: Gunnlaugur Sölvason.
Bændakórinn.
MYND: HSk. Hcab 1377