Fréttablaðið - 07.05.2020, Blaðsíða 24

Elín
Albertsdóttir
elin@frettabladid.is
Ef pallurinn er
virkilega skítugur er
best að nota grænsápu á
hann og skúra hann vel
með þvottabursta.
4 KYNNINGARBLAÐ 7 . M A Í 2 0 2 0 F I M MT U DAG U RGARÐAR OG HELLULAGNIR
Mögulega eru margir búnir nú þegar að þrífa pallinn og svalirnar. Sumir eru
duglegir að drífa sig út á vorin til
að þrífa og bera á pall og húsgögn.
Aðrir vilja bíða eftir hlýrra veðri.
Það þarf að bera á pallinn og það
er gott að vera búinn að því þegar
sólardagarnir koma. Misjafnt
er hversu vel pallurinn kemur
undan vetri en yfirleitt þarf að
bera á hann árlega. Ef ekki er farið
í hreinsun geta óhreinindin sest í
viðinn sem getur leitt til örveru­
vaxtar sem skemmir hann.
Ef pallurinn er virkilega skítugur
er best að nota grænsápu á hann
og skúra hann vel með þvotta­
bursta. Stundum þarf sterkari
efni og háþrýstiþvott. Háþrýsti­
þvottur hreinsar vel svæðið en ekki
er ráðlagt að þrífa viðinn þannig
nema í sérstaklega erfiðum til­
fellum. Ef pallurinn er þveginn með
háþrýstingi skal nota stút framan á
slönguna. Til eru sérstakar viðar­
sápur sem henta vel í þrifin. Þegar
búið er að skúra pallinn þarf hann
að þorna. Stundum þarf að fara létt
yfir hann með sandpappír en munið
að vanda til verksins og fáið ráðlegg­
ingar hjá fagmönnum. Loks er viðar­
olía borin á pallinn en hana verður
að bera jafnt á allan flötinn. Það
gæti þurft að fara tvær yfirferðir.
Skoða má myndbönd af því hvernig
best er að bera sig við með pallinn
hjá nokkrum þeirra sem selja viðar­
vörn hér á landi. Til er margs konar
viðarvörn og í ýmsum litabrigðum.
Vandið valið og veljið góð efni.
Ágætt er að þrífa garðhúsgögnin
á sama tíma og pallinn. Oft er nóg
að þrífa vel húsgögnin en oftast
þarf að bera á þau og fríska þau
upp. Ef húsgögnin hafa staðið
úti allan veturinn er mjög líklegt
að það þurfi að bera á þau olíu.
Viðarhúsgögn eru viðkvæm fyrir
rigningu, vindum og sól. Með
tímanum verður viðurinn grár auk
þess að geta sprungið.
Ekki spúla viðarhúsgögn með
háþrýstivatnsdælu, segja sér­
fræðingar, því krafturinn í vatninu
getur skemmt viðinn. Notið
mjúkan bursta, vatn og mildan
þvottalög til að fara yfir húsgögnin
ef þau eru skítug. Oft er nægilegt að
nota einungis vatnið úr garðslöng­
unni. Ef bera á olíu á húsgögnin
þurfa þau að vera alveg hrein og
þurr. Stundum þarf að nota sér­
stakan viðarhreinsi. Með góðri
meðhöndlun endast húsgögnin
lengur. Í raun er best að bera olíu á
húsgögnin tvisvar á ári. Ef komnir
eru blettir í viðinn þarf að nota
sandpappír.
Hreingerning á pallinum
Veröndin og svalirnar eru uppáhaldsstaðir fólks þegar hlýnar í veðri. Það er svo gaman að gera huggu-
legt með fallegum húsgögnum og blómum. Hins vegar getur það tekið á að hugsa um viðhaldið.
Pallurinn getur verið framlenging af stofunni ef vel er um hann hugsað. Það
er æðislegt að sitja úti á fallegum palli á góðum sólardögum. MYNDIR/GETTY
Það er ekki mælt með háþrýstiþvotti á viðinn nema hann sé mjög illa
farinn. Ef notuð er þessi aðferð við þrifin skal setja stút framan á slönguna.
Nú er tími til
að spjalla í
pottinum
trefjar.is
Skoðaðu úrval heitra potta
og aukahluta í vefverslun okkar Sendum frítt
um land allt