Bændablaðið - 15.11.2018, Blaðsíða 42

Bændablaðið | Fimmtudagur 15. nóvember 201842
Héraðssýning lambhrúta var
haldinn í Eyja- og Miklaholts-
hreppi laugardaginn 27. október.
Var sýningin í tvennu lagi eins og
áður með hrútum austan og vestan
sauðfjár veiki varnar girðingar.
Sýningin hófst klukkan eitt eftir
hádegi hjá Eggerti Kjartanssyni
á Hofsstöðum í Eyja- og
Miklaholtshreppi og lauk klukkan
4. Seinni hluti sýningarinnar var svo
um kvöldið hjá Ásbirni Pálssyni og
Helgu Jóhannsdóttur í Haukatungu
Syðri II.
Í heildina voru 35 hvítir hyrndir
lambhrútar, 15 mislitir og 10
kollóttir, bæði vestan og sunnan
megin við varnargirðinguna.
Vestan girðingar voru bændur
mættir með 20 hvíta hyrnda
hrúta, 10 mislita og 7 kollótta til
keppni. Var hrútunum raðað upp
í handahófskenndri röð án vissu
um hverjir væru líklegastir til að
hreppa verðlaunasæti. Dómarar
voru fagmennirnir Lárus Birgisson
og Eyþór Einarsson.
Seinni sýningin hófst klukkan
hálf níu um kvöldið í Haukatungu
Syðri 2 hjá Ásbirni og Helgu.
Það var góð mæting og mjög
skemmtileg sýning og þar var
boðið upp á kaffi, öl og kræsingar
í þeirra glæsilegu fjárhúsum.
Besti lambhrútur Snæfellinga
2018 er frá Neðra-Hóli
Þegar upp var staðið og dómarar
búnir að gefa sitt álit kom í ljós
að Snæbjörn Viðar Narfason
á Neðra-Hóli átti besta hvíta
hyrnda hrútinn. Þótti hann vera
einstakur og algert vöðvabúnt
með 10 í malir og 20 í læri,
90,5 stig. Hann er undan Tvist
sæðingarstöðvarhrút. Þetta er
jafnframt stigahæsti lambhrútur
sem dæmdur hefur verið á
Snæfellsnesi.Fyrir þennan
afburðagrip hlaut Snæbjörn
Farandsskjöldinn glæsilega fyrir
besta lambhrút Snæfellinga 2018
Í öðru sæti með hyrndu hrútana
var hrútur frá Ásbirni Pálssyni og
Helgu Jóhannsdóttur, Haukatungu
Syðri 2 sem var 88,5 stig. Hann er
undan Leyni sem var veturgamall
heimahrútur hjá þeim.
Í þriðja sæti var Heiða Helga-
dóttir Gaul með hrút undan Bjarti
sæðingar stöðvarhrút, 88 stig.
Óttar Sveinbjörnsson átti besti
mislita hrútinn
Í keppni um bestu mislitu hrútana
fékk Óttar Sveinbjörnsson
Kjalvegi fyrstu verðlaun fyrir
besta mislita hrútinn. Fékk hann
87 stig með 19 í læri, virkilega
holdmikill og fallegur gripur. Hann
er undan hrút sem heitir Fóstri og
er frá Óttari sjálfum og á ættir að
rekja til sæðingarstöðvahrútsins
Laufa.
Í öðru sæti var Elísabet
Bjarnardóttir og Arnar
Ásbjörnsson í Bláfeldi, en þau
áttu líka þriðja sætið. Voru hrútar
þeirra með 88 stig og 87 stig og
eru báðir undan hrút hjá þeim sem
heitir Hermill og var keyptur frá
Mávahlíð.
Besta kollótta hrútinn átti
Guðlaug Sigurðardóttir
Guðlaug Sigurðardóttir Hraunhálsi
átti besta kollótta hrútinn. Hann er
undan Kolli sæðingarstöðvarhrút,
svakalega holdmikill og fallegur
hrútur, 89 stig.
Í öðru sæti Kristján Þór
Sigurvinsson Fáskrúðarbakka, með
hrút aðkeyptan frá Hjarðarfelli sem
er undan Vöðva, heimahrúti frá
Hjarðarfelli og hlaut hann 88 stig.
Í þriðja sæti var Guðbjartur
Gunnarsson Hjarðarfelli með hrút
undan sæðingarstöðvarhrútnum
Magna sem fékk 89,5 stig.
Héraðssýning lambhrúta í Eyja- og Miklaholtshreppi:
Snæbjörn Viðar Narfason á Neðri Hóli
átti besta lambhrút Snæfellinga 2018
SAUÐFJÁRRÆKT
Hér eru Snæbjörn Viðar Narfason og sonur hans, Bjarki Snær Snæbjörnsson, frá Neðri Hóli með Farandsskjöldinn
glæsilega fyrir besta lambhrút Snæfellinga 2018 og munu varðveita hann í eitt ár. Lambhrúturinn þeirra er stigahæsti
lambhrútur sem hefur verið dæmdur á Snæfellsnesi. Myndir / Herdís Leifsdóttir
Hér eru 5 efstu vestan girðingar í hvítu hyrndu, frá vinstri Bárður Rafnsson að fara að skoða þá, Snæbjörn Viðar Neðra-Hóli,
Heiða Helgadóttir Gaul, Halla Dís Agnarsdóttir Lýsuhóli, Eiríkur Helgason Stykkishólmi og Emil Freyr Emilsson Ólafsvík.
Verðlaunahafar í hvítu hyrndu. Talið frá vinstri Snæbjörn Viðar Narfason
Neðri Hóli með besta hvíta hyrnda hrútinn sem var alveg einstakur
og algert vöðvabúnt með 10 í malir og 20 í læri, 90,5 stig undan Tvisti
sæðingarstöðvarhrút. Í öðru sæti var hrútur frá Ásbirni Pálssyni og Helgu
Jóhannsdóttur Haukatungu Syðri 2 sem var 88,5 stig og er undan Leyni
sem var veturgamall heimahrútur hjá þeim, en það er Helga sem er á
myndinni. Í þriðja sæti var Heiða Helgadóttir Gaul með hrút undan Bjarti
sæðingarstöðvarhrút, 88 stig.
Verðlaunahafar í mislitu hrútunum nr 1 er Emil Freyr Emilsson með verðlaun
fyrir Óttar Sveinbjörnsson Kjalvegi sem átti besta mislita hrútinn, 87 stig
með 19 í læri, virkilega holdmikill og fallegur gripur. Hann er undan hrút sem
heitir Fóstri og er frá Óttari og á ættir að rekja í Laufa sæðingarstöðvahrút.
Í öðru sæti er Elísabet Bjarnardóttir Bláfeldi og Arnar Ásbjörnsson Bláfeldi,
þau áttu líka þriðja sætið og það voru hrútar sem voru 88 stig og 87 stig.
Báðir undan hrút hjá þeim sem heitir Hermill og var keyptur frá Mávahlíð.
Verðlaunahafar í kollóttu hrútunum. Talið frá vinstri: Guðlaug Sigurðardóttir
Hraunhálsi átti besta kollótta hrútinn, hann er undan Koll sæðingarstöðvarhrút,
svakalega holdmikill og fallegur hrútur, 89 stig. Í öðru sæti Kristján Þór
Sigurvinsson Fáskrúðarbakka með hrút aðkeyptan frá Hjarðarfelli undan
Vöðva heimahrút frá Hjarðarfelli, 88 stig. Í þriðja sæti var Guðbjartur
Gunnarsson Hjarðarfelli með hrút undan Magna sæðingarstöðvarhrút,
89,5 stig.