Bændablaðið - 14.03.2019, Síða 10

Bændablaðið | Fimmtudagur 14. mars 201910
FRÉTTIR
Garðyrkjuskóli ríkisins á
Reykjum í Ölfusi eins og hann hét
þá var stofnaður á sumardaginn
1939. Á sumardaginn fyrsta, 25.
apríl 2019, verða því 80 ár liðin
frá því að garðyrkjumenntun
hófst formlega í landinu.
Í dag er Garðyrkjuskólinn
hluti af Landbúnaðarháskóla
Íslands. Starfsmannafélag
Garðyrkjuskólans ætlar að blása í
herlúðra á opnum degi í skólanum
sumardaginn fyrsta. „Við segjum
að þetta sé þjóðhátíðardagur
garðyrkjunnar því það koma
nánast allir sem tengjast garðyrkju
á einn eða annan hátt í heimsókn
til okkar sumardaginn fyrsta, hvort
sem það er 80 ára afmæli eða ekki.
Sumardagurinn fyrsti í ár verður
auðvitað sérstaklega hátíðlegur
núna út af afmælinu, forseti Íslands
hefur t.d. boðið komu sína með
alla fjölskylduna og svo eigum
við von á einhverjum ráðherrum
og fleira og fleira af góðu fólki,“
segir Guðríður Helgadóttir,
staðarhaldari á Reykjum. Miklar
framkvæmdir standa fyrir dyrum
í Garðyrkjuskólanum í sumar því
það á að endurbyggja garðskálann,
sem er hjarta skólans. Þegar
þeim framkvæmdum verður
lokið í haust stendur til að boða
til afmælissráðstefnu og meiri
hátíðarhalda. Í dag eru um 60
nemendur í Garðyrkjuskólanum,
hluti í fjarnámi. /MHH
Frá fjalli að gæðamatvöru – um meðferð sláturlamba og lambakjöts:
Bæklingur sem stuðlar að
betri lambakjötsafurðum
Á opnum fagfundi sauðfjár­
ræktarinnar í Bændahöllinni
þann 1. mars kynntu þeir Eyþór
Einarsson, ábyrgðarmaður í
sauðfjárrækt hjá Ráðgjafarmiðstöð
landbúnaðarins, og Óli Þór
Hilmarsson frá Matís, nýjan
fræðslubækling um meðferð
sláturlamba og lambakjöts.
Tilgangurinn með útgáfunni
var að taka saman atriði sem
teljast til góðra framleiðsluhátta
lambakjötsafurða; frá búi að
sláturhúsi og í verslanir.
Bæklingurinn er hugsaður fyrst
og fremst fyrir bændur, en ætti að
vera mjög gagnlegur neytendum
líka og þeim sem koma að vinnslu
og sölu lambakjöts. Óli Þór sagði
við kynningu á bæklingnum á
fagfundinum að bæklingurinn þyrfti
að vera gagn sem gæti hjálpað
fagfólki, sem kemur að þessum
málum úr mismunandi áttum, að
eiga betri samskipti sín á milli.
Kemur í kjölfar
umræðu í fagráðinu
Eyþór segir að tilurð bæklingsins
sé framhald af umræðu sem hefur
verið í gangi í fagráði í sauðfjárrækt.
„Við höfum viljað leggja áherslu á
að standa vörð um kjötgæði í víðum
skilningi og fagráð hefur ýtt af stað
verkefnum í samstarfi við Matís sem
ganga út á að fylgjast með stöðu mála
er varða bragðgæði, bæði í tengslum
við kynbætur og meðferð.
Óli Þór hjá Matís hefur komið
að mörgum svona verkefnum og
hann átti í raun hugmynd að því að
við tækjum saman fróðleik um góða
framleiðsluhætti og kæmum því í
aðgengilegt form. Hér förum við því
yfir ferilinn frá því lambið kemur
að fjalli og þar til varan er tilbúin til
að fara í verslanir. Markmiðið er að
leggja áherslu á góða framleiðsluhætti
sem stuðla að því að hámarka gæðin.
Það er mikilvægt að allir sem koma
að þessari framleiðslukeðju hafi sem
bestan skilning á öllu ferlinu því það
þurfa allir að leggja sitt af mörkum ef
endaafurðin á að vera úrvalsvara, sem
lambakjötið er jú að upplagi.“
Bæklinginn má nálgast hjá
þeim Óla Þór hjá Matís, Eyþóri hjá
Ráðgjafarmiðstöð landbúnaðarins
og Unnsteini Snorra Snorrasyni,
framkvæmdastjóra Landssamtaka
sauðfjárbænda. /smh
Óli Þór Hilmarsson og Eyþór Einarsson kynna bæklinginn á fagfundi sauðfjárræktarinnar. Mynd / smh
Forsíða bæklingsins.
Farið yfir mat á fitustigi og flokkun lamba að hausti. Fitustig lamba má meta
með átaki á síðu. Við flokkun lamba að hausti er æskilegt að bændur fari í
gegnum lambahópinn þegar hann kemur heim og flokki lömbin.
„Hægt er að fara ótal leiðir til að
setja upp hindranir sem tryggja
lýðheilsu og búfjárheilbrigði.
Til dæmis með sölubanni
á landbúnaðarvörum sem
framleiddar eru við lakari
aðbúnað en íslensk framleiðsla
býr við,“ segir í greinargerð
með ályktun sem samþykkt var
á aðalfundi Búnaðarsambands
Eyjafjarðar sem haldinn var í
Hlíðarbæ í liðinni viku.
Fundurinn skoraði á
landbúnaðarráðherra og ríkisstjórn
Íslands að herða enn frekar þær
varnir sem Ísland mun beita vegna
fyrirhugaðs afnáms frystiskyldu á
innflutt kjöt.
Tollaeftirlit og tollvernd verður
að herða til muna og eðlilegt að
við tökum það föstum tökum
eins og önnur eylönd með góða
sjúkdómastöðu, segir í ályktun BSE.
Skýrt verði kveðið á um að
aðbúnaður dýra og kröfur um
sláturhús og kjötvinnslur ásamt
sýnatökum verði ekki minni en hér
á landi.
„Mikilvægt er að farið verði
af fullum þunga í þær aðgerðir
sem tilgreindar eru í 12 liðum í
frumvarpi til laga um breytingu
á lögum nr. 25/1993 um
dýrasjúkdóma og varnir gegn
þeim, lögum nr. 93/1995 um
matvæli og lögum nr. 22/1994
um eftirlit með fóðri, áburði
og sáðvöru,“ segir enn fremur.
Einnig að unnið verði eftir
skýrslu starfshóps um aðgerðir
til að draga úr útbreiðslu
sýklalyfjaónæmra baktería á
Íslandi.
Matvælastofnun verði tryggt
nægt fjármagn til að sinna öllu því
aukna eftirliti sem innflutningur á
landbúnaðarafurðum kallar á og
almenningur á rétt á.
Samkvæmt nýjum tölum
frá Matvælaöryggisstofnun
Evrópu og Sóttvarnarstofnun
Evrópu kemur fram að aukið
sýklalyfjaónæmi mælist í
bakteríum sem smitast á milli
manna og dýra eins og salmonella
og campylobacter. /MÞÞ
Aðalfundur Búnaðarsambands Eyjafjarðar:
Herða þarf varnir vegna afnáms
frystiskyldu á innflutt kjöt
80 ára afmæli garðyrkjumenntunar
fagnað á Reykjum sumardaginn fyrsta
„Hver er sérstaða íslensks land­
búnaðar?“ er yfirskrift opinnar
ráðstefnu sem haldin verður í kjölfar
ársfundar Bændasamtakanna á
Hótel Örk í Hveragerði, föstu­
daginn 15. mars milli klukkan
13 og 16. Katrín Jakobsdóttir,
forsætisráðherra Íslands, mun
ávarpa ráðstefnuna og um kvöldið
verður Bændahátíð á Örkinni.
Á ráðstefnunni mun Karl G.
Kristinsson, prófessor í sýklafræði
við Háskóla Íslands og yfirlæknir á
Landspítalanum, ræða um einstaka
stöðu íslensks landbúnaðar er varðar
smitsjúkdóma og sýklalyfjaónæmi.
Á eftir honum kemur Eiríkur Már
Guðleifsson, viðskiptastjóri á
auglýsingastofunni Hvíta húsinu,
sem fjallar um það hvernig talað er
um lýðheilsu og matvælaframleiðslu.
Eygló Björk Ólafsdóttir,
formaður VOR, félags framleiðenda
í lífrænum búskap, fjallar um hvert
lífræn framleiðsla er að stefna en
á eftir henni koma þrír bændur og
segja frá nýsköpun sem gengur út
að markaðssetja sérstöðu okkar.
Það eru þau Örn Karlsson, bóndi
á Sandhóli, sem framleiðir meðal
annars repjuolíu og hafra og Hulda
Brynjólfsdóttir, bóndi og eigandi
smáspunaverksmiðjunnar Uppspuna.
Í lokin mun Oddný Anna Björnsdóttir,
ráðgjafi og bóndi í Gautavík, segja frá
hvernig hefur gengið að selja búvörur
beint til neytenda undir merkjum
REKO.
Tímarit Bændablaðsins
Samhliða ársfundi BÍ gefa samtökin
út Tímarit Bændablaðsins. Því er
dreift til allra bænda í landinu
og annarra áskrifenda í 8 þúsund
eintökum. Í ritinu er fjallað
um fjölbreytt mál sem tengjast
landbúnaði, viðtöl, kynningar og
annað efni.
Bændahátíð um kvöldið
Um kvöldið verður haldin
bændahátíð þar sem íslenskar
búvörur verða í öndvegi og dansað
fram á nótt. Guðrún Hafsteinsdóttir,
formaður Samtaka iðnaðarins og
heimamaður í Hveragerði, stýrir
veislunni en meðal skemmtikrafta
eru Sólmundur Hólm og Hjörtur
Benediktsson. Feðginin Dagný Halla
Björnsdóttir og Björn Þórarinsson
taka lagið og hljómsveitin Allt í
einu leikur fyrir dansi. Hátíðin
hefst kl. 20.00 en þeir sem eiga
eftir að útvega sér miða eru beðnir
að hafa hraðar hendur og skrá sig
á vefsíðunni bondi.is eða hringja í
síma 563-0300. /TB
Ársfundur Bændasamtakanna haldinn á föstudag:
Sérstaða íslensks landbúnaðar
í brennidepli