Bændablaðið - 14.03.2019, Blaðsíða 22
Bændablaðið | Fimmtudagur 14. mars 201922
Í Amazon Go verslunum geta viðskiptavinir ekki greitt fyrir vörur með venjulegum peningum. Þar er einungis hægt
að stunda viðskipti með því að skanna síma viðkomandi sem þá verður að vera tengdur bankareikningi þegar komið
er inn og farið út úr verslununum. Myndir / Thesar
Borgin Philadelphia í Bandaríkjunum:
Fyrst borga til að banna
peningalausar verslanir
– Vill ekki mismuna íbúum sem ekki eru með bankareikninga eða greiðslukort
Borgaryfirvöld í Philadelphiu
í Bandaríkjunum hafa riðið á
vaðið að bannað verslunum að
stunda algjörlega peningalaus
viðskipti. Ástæðan er mismunun
borgaranna sem hafa ekki allir
aðgang að bankareikningum eða
kreditkortum.
Peningalausum verslunum
hefur verið að fjölga ört á liðnum
misserum. Netverslunarkeðjan
Amazon hefur t.d. verið að fjölga
peningalausum verslunum sínum
og sett upp fjölda Amazon Go
outlets útsöluverslana víða um
Bandaríkin. Þar er ekki hægt
að versla nema með rafrænum
millifærslum í gegnum síma. Hefur
þessi rafeindaverslunarrisi opnað
búðir í Seattle, San Francisco,
í Chicago og fleiri borgum og
fyrirhugað er að opna slíkar
verslanir líka í New York.
Viðskiptin í Amazon Go fara
þannig fram að viðskiptavinir
láta skanna símana sína um leið
og þeir koma inn í verslanirnar
og aftur þegar þeir fara út. Síðan
velja þeir þær vörur sem hugurinn
girnist og labba með þær út. Inni
í versluninni fylgjast myndavélar
með hvað viðskiptavinirnir taka
úr hillunum og eru þeir síðan
rukkaðir rafrænt þegar þeir skanna
símann að nýju þegar þeir yfirgefa
verslunina.
Mikil óvissa er um hvort
Amazon Go takist að opna slíka
verslun í Philadelphiu eftir að
þar voru samþykktar reglur eða
lög sem undirritaðar voru af Jim
Kenny borgarstjóra um síðustu
mánaðamót. Eiga nýju reglurnar
að taka gildi 1. júlí næstkomandi.
Þau fyrirtæki sem brjóta þessar
reglur verða umsvifalaust sektuð
um 2.000 dollara.
Nokkrir greiðslustaðir verða
þó undanþegnir nýju reglunum.
Það eru bílastæðasjálfsalar,
bílastæðahús, fyrirtæki sem byggja
á sölu til aðildarkorthafa [eins og
t.d. Costco], tryggingagreiðslur
vegna leigu, rafrænar millifærslur
og vegna vara sem aðeins eru
seldar til starfsfólks. /HKr
Borgaryfirvöld í Philadelphiu segja
að verið sé að mismuna borgurunum
með því að neita þeim um að greiða
fyrir vörur með löggildum peningum.
Þannig fá einungis þeir að versla
sem eru með bankareikinga og
rafrænt aðgengi að þeim í gegnum
síma.
Fjöldi peningalausra Amazon Go
verslana hefur verið opnaður í
Bandaríkjunum.
UTAN ÚR HEIMI
Dalabyggð óskar eftir að ráða skipulagsfulltrúa til starfa. Auk Dalabyggðar sinnir
skipulagsfulltrúi verkefnum vegna skipulagsmála fyrir Árneshrepp, Kaldrananeshrepp,
Reykhólahrepp og Strandabyggð.
Leitað er eftir öflugum og metnaðarfullum einstaklingi sem er reiðubúinn að þróa nýtt starf
á traustum grunni. Helstu verkefni eru samkvæmt lögum og samþykktum sveitarfélaganna
hverju sinni á sviðum skipulagsmála, samgöngumála, umhverfismála og veitukerfa.
SKIPULAGSFULLTRÚI
Menntunar- og hæfniskröfur
• Menntun á sviði byggingarmála skv. 7. gr.
skipulagslaga nr. 123/2010
• Þekking og reynsla á þeim málaflokkum sem falla
undir sviðið
• Þekking og reynsla af stjórnun og áætlanagerð
• Þekking og reynsla af opinberri stjórnsýslu
er æskileg
• Metnaður, hugmyndaauðgi, skipulagshæfni
og leiðtogahæfileikar
• Hæfni í mannlegum samskiptum, góðir samstarfs-
og samskiptahæfileikar
• Hæfni til að setja fram mál í ræðu og riti
Starfssvið
• Yfirumsjón með skipulagsmálum á svæðinu
• Ábyrgð á að framfylgja stefnu sveitarfélaganna
í málaflokkum sem undir hann heyra
• Framkvæmd skipulagsmála og ráðgjöf við m.a.
íbúa, kjörna fulltrúa, hönnuði og verktaka um
skipulagsmál
• Áætlanagerð og eftirfylgni, mælingar, úttektir
og útreikningar
• Undirbúningur og eftirfylgni funda nefnda
sveitarfélaganna varðandi skipulagsmál
• Samstarf við aðila utan og innan stjórnsýslunnar
sem sinna verkefnum á sviði skipulagsmála
• Önnur verkefni
SKÓGARHLÍÐ 12 105 REYKJAVÍK SÍMI 520 4700
Nánari upplýsingar veitir:
Geirlaug Jóhannsdóttir
geirlaug@hagvangur.is
Laun og starfskjör eru samkvæmt gildandi
kjarasamningi Sambands íslenskra sveitarfélaga við
viðkomandi stéttarfélag. Um er að ræða 100% starf.
Konur jafnt sem karlar eru hvattar til að sækja um.
Umsóknarfrestur er til og með 18. mars nk.
SAMGÖNGUMÁL
Markaðsskrifstofa Norðurlands:
Snjómokstur verði
á Dettifossvegi
Dettifossvegur hefur ekki verið
mokaður að vetrarlagi nema
tvisvar sinnum á ári, samkvæmt
G-reglu Vegagerðarinnar um
vetrarþjónustu. Það segir stjórn
Markaðsskrifstofu Norðurlands
óviðunandi, en ítrekað hafi verið
bent á mikilvægi snjómoksturs
á þessum vegi á undanförnum
árum.
Lítið hefur hins vegar breyst
og enn sé staðan sú að vegurinn er
ófær öðrum en þeim sem keyra um
á breyttum jeppum. Dettifoss er eitt
helsta aðdráttaraflið í ferðaþjónustu
á Norðurlandi, enda fossinn sá
aflmesti í Evrópu.
Bara breyttir jeppar komast að
Ferðir að Dettifossi ættu ekki að
vera erfiðar, því búið er að kosta
miklu til við að leggja malbikaðan
veg og bílastæði við fossinn.
Það er hins vegar svo að aðeins
ferðaþjónustufyrirtæki sem hafa
breytta jeppa geta boðið upp á
ferðir að fossinum, en rekstur á
slíkum bílum er sérhæfður og dýr.
Það kemur ekki síst til af því að
bílarnir þurfa aukið viðhald og
verða fyrir skemmdum á þessum
kafla sem mætti kannski frekar
búast við í þeim ferðum sem þeir
eru sérstaklega hannaðir fyrir,
hálendis- og jöklaferðum. Ferð að
vetrarlagi að Dettifossi ætti ekki
að falla í þann flokk miðað við þá
innviði sem eru til staðar.
S t jó rn Markaðss to fu
Norðurlands skorar á stjórnvöld að
tryggja fjármagn til þjónustu allt
árið um kring við Dettifossveg. Sú
þjónusta verður enn mikilvægari
þegar búið verður að klára veginn
frá Dettifossi og að Ásbyrgi.
Ekki verður við það unað að sá
vegur verði ekki mokaður yfir
vetrartímann, enda sú framkvæmd
til þess gerð að tryggja og efla
samgöngur um Norðurland allan
ársins hring. /MÞÞ
Dettifossvegur hefur ekki verið mokaður að vetrarlagi nema tvisvar sinnum
á ári, samkvæmt G-reglu Vegagerðarinnar um vetrarþjónustu.
Útdauð dýr ganga aftur:
Fimm tegundir hafa snúið aftur
Dýr sem talin hafa verið útdauð
finnast öðru hverju. Sum dýranna
hafa verið talin útdauð í milljónir
ára. Meðal þessara dýra eru hyrndur
froskur og tegund villihunda.
Fyrr í þessum mánuði fann
líffræðingur sem var að störfum
í regnskógi í Suður-Ameríku
sérkennilegan hyrndan frosk sem
kominn var á skrá yfir útdauð dýr
vegna skógareyðingar.
Á síðasta ári römbuðu menn á
skjaldbökutegund sem ekki hefur sést í
rúma öld. Um var að ræða eitt kvendýr
sem flutt hefur verið á afdrep fyrir
skjaldbökur í von um að það finnist
fyrir hana maki.
Árið 1938 veiddist fiskur út af
strönd Suður-Afríku sem talið var
að hefði dáið fyrir 65 milljónum
ára. Við nánari leit fundust fleiri
slíkir fiskar, sem ná allt að tveggja
metra lengd, á svipuðum slóðum.
Náttúruverndarsinnar óttast að
tegundinni sé veruleg hætta búin
vegna væntanlegrar olíuleitar út af
ströndum S-Afríku.
Fyrir tveimur árum fannst hópur
af villtum hundum í Indónesíu en
tegundin hefur verið talin útdauð
í meira en hálfa öld. Talið er
að hundarnir séu síðust leifa af
frumstæðustu tegund hunda sem til
er í heiminum.
Skömmu eftir síðustu aldamót
fannst eðlutegund, eða skinka,
sem lengi hafði verið talin útdauð.
Skinkan fannst ekki á Selfossi eins
og margir gætu haldið heldur í Nýju
Kaledóníu. Talsvert hefur fundist af
einstaklingum af tegundinni síðan þá.
/VH