Bændablaðið - 14.02.2019, Page 14

Bændablaðið | Fimmtudagur 14. febrúar 201914
Starfshópur um úthlutun
tollkvóta landbúnaðarvara hefur
skilað skýrslu til sjávarútvegs-
og landbúnaðarráðherra. Í
skýrslunni leggur meirihluti
hópsins til breytingar á núverandi
útboðskerfi þar sem tollkvótum
er úthlutað til hæstbjóðanda og
í stað þess verði farin svokölluð
„hollensk útboðsleið“.
Reikna má með að samkvæmt
þeirri útboðsleið gæti kostnaður
vegna útboða tollkvóta lækkað
talsvert og ávinningur neytenda
aukast frá því sem nú er. Jafnframt
leggur hópurinn til að allur
úthlutunarferill tollkvóta verði
nútímavæddur og fari fram með
rafrænum hætti.
Leggja til „hollenskt“ útboð
Starfshópinn skipuðu eftirfarandi:
Óli Björn Kárason alþingismaður,
formaður, Arnar Freyr Einarsson,
hagfræðingur í atvinnuvega- og
nýsköpunarráðuneytinu, Brynhildur
Pétursdóttir, framkvæmdastjóri
Neytendasamtakanna, Erna
Bjarnadóttir, hagfræðingur hjá
Bændasamtökum Íslands og
Tryggvi Másson, sérfræðingur
á efnahagssviði Samtaka
atvinnulífsins.
Erna Bjarnadóttir, fulltrúi
Bændasamtaka Íslands í
starfshópnum, segir að ráðherra
hafi skipað hópinn til að fara yfir
núverandi framkvæmd á útboði
tollkvóta og benda á leiðir til
úrbóta. „Starfshópurinn tók til
starfa í sumar og var fulltrúum
hagsmunasamtaka boðið að koma og
kynna sín sjónarmið fyrir hópnum.
Auk þess sem hópurinn viðaði að
sér ýmiss konar gögnum um málið
frá mörgum hliðum og gagnrýni
á fyrirkomulagið. Niðurstaða
meirihluta starfshópsins var að
leggja til svokallað hollenskt útboð,
til að koma til móts við þá gagnrýni
að núverandi fyrirkomulag skili ekki
ávinningi af tollfrjálsum tollkvótum
til neytenda. Útboðsverð með þessu
fyrirkomulagi verður jafnt lægsta
samþykkta tilboði sem jafnframt
ákvarðar sama verð fyrir allt magn
þess tollkvóta sem í boði er. Þessi
breyting mun að öllum líkindum
leiða til þess að útboðsverð verður
talsvert lægra en nú er.
Erna segir að hópurinn hafi
klofnað í afstöðu sinni. „Fulltrúi
neytenda, Brynhildur Pétursdóttir,
skilaði séráliti þar sem lagt er til
að 50% kvótans verði úthlutað
með hlutkesti og 50% kvótans
verði úthlutað á grunni sögulegra
viðskipta (markaðshlutdeild).
Þessar tillögur eru í takt við
hugmyndir sem komið hafa fram
m.a. frá FA og SVÞ, sem kom mér
frekar á óvart. Aðrir í hópnum
skiluðu sameiginlegu áliti um
útboð á kvótunum í nýju formi og
telja það líklegast til að skila sér
til neytenda.“
Ávinningur komist til neytenda í
formi lægra vöruverðs
Kristján Þór Júlíusson sjávarútvegs-
og landbúnaðarráðherra skipaði
starfshópinn í júní 2018 og var
hlutverk hans að endurskoða
núverandi fyrirkomulag um
úthlutun tollkvóta og finna leiðir
til þess að koma ávinningnum sem
skapast með þessum takmörkuðu
gæðum í meira mæli til neytenda í
formi lægra vöruverðs.
Lægra útboðsverð
Meirihluti starfshópsins leggur
til að tollkvótum verði úthlutað
með útboði en stuðst verði við
svokallað hollenskt útboð (e. Dutch
auction). Útboðsverð innan þess
fyrirkomulags yrði jafnt lægsta
samþykkta tilboði sem jafnframt
ákvarðar sama verð fyrir allt
magn þess tollkvóta sem í boði er.
Meginbreytingin sem fælist í þeirri
úthlutunaraðferð er að útboðsverð
tollkvóta yrði að öllum líkindum
talsvert lægra en nú er.
Þá telur starfshópurinn forgangs-
mál að umsýsla og úthlutun
tollkvóta verði færð sem mest á
rafrænt form og að upplýsingar
um verð og magn verði gerðar
aðgengilegar. Jafnframt er lagt
til að heimildir fyrir innflutning á
svokölluðum opnum tollkvótum
verði afnumdar í núverandi mynd
og þar með verði ráðgjafarnefnd um
inn- og útflutning landbúnaðarvara
lögð niður. Þess í stað yrði byggt
á sögulegri reynslu um opna
tollkvóta, en algengt er að veittir
séu tímabundnir tollkvótar, til
dæmis vegna árstíðabundinna
landbúnaðarvara. Myndist skortur
á öðrum landbúnaðarvörum verða
tollkvótar boðnir út með sama hætti
og samningsbundnir kvótar.
Markmiðið að skila
ávinningnum til neytenda
Kristján Þór Júlíusson sjávarútvegs-
og landbúnaðar ráðherra segir í
fréttatilkynningu um niðurstöðu
samstarfshópsins að meginmarkmið
þessarar vinnu hafi verið að finna
leiðir til að koma ávinningnum sem
skapast með þessum tollkvótum í
ríkari mæli til neytenda í formi
lægra vöruverðs. „Mér virðist sem
sú tillaga sem hópurinn leggur til
vera í góðu samræmi við þetta
markmið og líst því heilt yfir vel
á hana. Næsta skref er að vinna
áfram með þessar niðurstöður hér
í ráðuneytinu og vonandi kynna
mögulegar breytingar á núgildandi
regluverki síðar á þessu ári.“ /VH
Miðhraun 2 210 Garðabær Sími 587 1300 kapp@kapp.is www.kapp.is
ALHLIÐA
VÉLAVERKSTÆÐI
Hafðu samband í síma 587 1300
og við sérsníðum lausn sem hentar þér!
Erna Bjarnadóttir, fulltrúi Bænda-
samtaka Íslands í starfshópi um
endurskoðun tollkvóta landbúnaðar-
vara.
Skýrsla starfshóps um úthlutun tollkvóta:
Núverandi útfærsla í raun skattur
Í nýrri skýrslu um endurskoðun
tollkvóta í landbúnaði er lögð til
þar sem tollkvótum er úthlutað til
hæstbjóðanda og í stað þess verði
farið eftir svokallaðri hollenskri
útboðsleið.
Skógræktin og Vatnajökulsþjóðgarður gera samning um Ásbyrgi
Samningur á milli Skógræktar-
innar og Vatnajökuls þjóðgarðs
um umsjón með Ásbyrgi í
Kelduhverfi var undirritaður
fyrir skömmu. Samkvæmt
honum færist formleg umsjón
jarðarinnar og allra mannvirkja
á henni frá Skógræktinni til
Vatnajökulsþjóðgarðs.
Vatnajökulsþjóðgarður og
Skógræktin eiga engu að síður áfram
með sér samstarf um innri hluta
Ásbyrgis og land Ásbyrgis norðan
þjóðvegar.
Þrös tur Eyste insson
skógræktar stjóri segir að einkum
sé um tæknilegt atriði að ræða, þ.e.
hvaða ríkisstofnun hafi opinbera
umsjón með landi í eigu ríkisins
og hefur til að mynda að gera
með það hver sér um að greiða
fasteignagjöld, viðhalda húsum
og þess háttar. Samningurinn
hefur ekki í för með sér neinar
grundvallarbreytingar fyrir
starfsemi í Ásbyrgi. Þó er viðbúið
að hann muni einfalda ýmsa
ferla, svo sem vegna gerðar nýs
deiliskipulags sem hefur verið í
pípunum í þó nokkurn tíma.
„Í þessu tilviki var verið að færa
opinbera umsjón frá Skógræktinni
til Vatnajökulsþjóðgarðs og réði þar
mestu að þjóðgarðurinn notar húsin
sem fylgja jörðinni en Skógræktin
ekki. Samningurinn var staðfesting
á að áfram verði samstarf beggja
stofnana um skóginn í Ásbyrgi og
að Skógræktin hafi áfram umsjón
með landi Ásbyrgis sem er utan
Þjóðgarðsins, norðan þjóðvegar,“
segir Þröstur. /MÞÞ
FRÉTTIR
Magnús Guðmundsson, framkvæmdastjóri Vatnajökulsþjóðgarðs, og Þröstur Eysteinsson skógræktarstjóri takast
Mynd / HÓ
Þrífösun rafmagns flýtt
– Skaftárhreppur og Mýrar í fyrsta áfanga
Þórdís Kolbrún Reykfjörð
Gylfadóttir, ferðamála-, iðnaðar-
og viðskiptaráðherra, mun leggja
til þriggja ára átak í að flýta
þrífösun rafmagns í væntanlegri
fjármálaáætlun ríkisstjórnarinnar
fyrir árin 2020–2024. Þetta er í
samræmi við stjórnarsáttmála
ríkisstjórnarinnar, þar sem kveðið
er á um að flýta áformum um
þrífösun.
Átakið hefur einnig beina
skírskotun til byggðaáætlunar sem
Alþingi samþykkti síðastliðið sumar
þar sem áhersla er lögð á þrífösun.
Í dag er meira en fjórðungur af
öllu dreifikerfi RARIK einfasa,
sem takmarkar bæði flutningsgetu
kerfisins og það hve öflugan rafbúnað
er hægt að nota á hverjum og einum
stað. Þrífösun er því mikilvæg út frá
orkuskiptum, byggðasjónarmiðum,
ferðaþjónustu, landbúnaði og öðrum
atvinnutækifærum. Auk þess má
nefna að nýir strengir eru iðulega
lagðir í jörð, í samræmi við stefnu
stjórnvalda, sem hefur jákvæð
umhverfisáhrif.
Skaftárhreppur og Mýrar
Samkvæmt núgildandi áætlunum
verður þrífösun ekki lokið fyrr
en eftir 16 ár, eða árið 2035. Í
þessum þriggja ára áfanga, árin
2020–2022, verður lögð áhersla
á að ljúka þrífösun á tveimur
svæðum, Skaftárhreppi og
Mýrum. Skaftárhreppur er eina
sveitarfélagið á Suðurlandi sem
ekki nýtur þriggja fasa rafmagns.
Sveitarfélagið er hið næststærsta
á landinu að flatarmáli og er
skilgreint sem brotthætt byggð.
Mikill ferðamannastraumur á
svæðinu veldur álagi á innviði.
Á Mýrum fer saman brýn þörf
fyrir þrífösun vegna landbúnaðar
og sú staðreynd að unnið er að
útboði á lagningu ljósleiðara á
svæðinu sem hefði í för með sér
töluverð samlegðaráhrif. Svæðið
sem um ræðir er frá Hvítárósum
vestur að mörkum Eyja- og
Miklaholtshrepps. /MHH
Þórdís Kolbrún Reykfjörð Gylfadóttir.
28. eb úa
adnæB
f r r