Bændablaðið - 14.02.2019, Blaðsíða 35

Bændablaðið | Fimmtudagur 14. febrúar 2019 35
Klettagörðum 5 | 104 Reykjavík | Óseyrarbraut 12 | 220 Hafnarfirði
Hafðu
samband
568 0100
www.stolpigamar.is
Gámurinn
er þarfaþing
 Þurrgámar
 Hitastýrðir gámar
 Geymslugámar
 Einangraðir gámar
 Fleti og tankgámar
 Gámar með hliðaropnun
Til leigu eða sölu:  Gámahús og salernishús
 Færanleg starfsmannaðstaða
 Bos gámar og skemmur
Mótorar og varahlutir á lager
Hröð og góð þjónusta
Dreifingaraðili BRIGGS & STRATTON
á ÍSLANDI
MHG Verslun ehf | | 20 Kópavogi
Sími 544-4656 | www.mhg.is
UTAN ÚR HEIMI
Hitamet í heimshöfunum
Mælingar frá 1950 sýna að
hitastig sjávar hefur hækkað
jafnt og þétt frá þeim tíma og
að hitamet hafa verið slegin
síðastliðin fimm ár og að 2018
er það heitasta síðan mælingar
hófust.
Hafið bindur meira en 90% af
þeim hita sem verður til vegna
losun gróðurhúsalofttegunda í
heiminum og því einn mælikvarði
á hlýnun jarðar að mæla hita sjávar.
Mælingar sýna að hitastig
sjávar hefur aldrei verið hærra
en síðustu fimm ár og að hlýnun
sjávar hefur aukist hratt frá síðustu
aldamótum þótt hún hafi verið
að mælast allt frá því um miðja
þarsíðustu öld.
Í grein um hitametið sem birtist í
Journal Advances in Atmospheric
Sciences segir meðal annars að
mælingarnar sýni svo ekki verði
um villst að hlýnun sjávar sé
staðreynd og að afleiðingar eigi
eftir að verða alvarlegar. Eitt af því
sem gerist þegar sjór hitnar er að
hann þenst út þannig að sjávarborð
eigi eftir að hækka. Samkvæmt því
sem segir í greininni er líklegt að
sjávarborð muni hækka um allt að
einn metra á næstu öld gangi spár
um hlýnun jarðar eftir. /VH
Sjórinn kólnar við Ísland
Samkvæmt mæligögnum Hafrann-
sóknastofnunar hefur sjávarhiti
við strendur Íslands verið að
lækka undanfarin 3–5 ár. Það
er þvert á tölur um hækkandi
hitastig heimshafanna sem birst
hafa í erlendum tímaritum og
fjölmiðlum.
Sjávarhiti við Íslandsstrendur
virðist samkvæmt veflægum gögnum
Hafrannsóknastofnunar hafa stigið
eftir 2003 og hélst að jafnaði nokkuð
hár flest ár til 2014, en hefur síðan
farið lækkandi.
Sem dæmi þá fór sumarhiti
sjávar við Vestmannaeyjar hæst í
12,44 gráður þann 22. ágúst 2003
en mældist 11,12 gráður þann 22.
ágúst 2017. Þá fór vetrarhiti sjávar
við Vestmannaeyjar lægst í 5,54
gráður þann 18. febrúar 2018 og er
það lægsti sjávarhiti sem þar hefur
mælst síðan 12. febrúar 1999 þegar
hann var 5,13 gráður.
Svipaða þróun má sjá frá öðrum
mælingarstöðum á landinu. Við
Æðey í Ísafjarðardjúpi fór sjávarhiti
að sumri hæst í 12,02 gráður 24.
ágúst 2003. Mældist hann síðan
tiltölulega hár og fór aldrei niður
fyrir 10 gráður fyrr en 26. ágúst 2018,
þegar hann mældist 9,52 gráður. Tók
sjávarhitinn reyndar talsverða dýfu
sumarið 2015 og fór þá ekki hærra
en í 8,5 gráður, en það var 26. júní.
Strax sumarið eftir fór hann í 11,44
gráður þann 11. ágúst, en hefur síðan
verið á niðurleið.
Í mæligögnum frá 1987 sést að
lægsta hitastig sjávar við Æðey
mældist -1,4 gráður þann 14. mars
1989. Einungis sex sinnum síðan
hefur hann farið niður fyrir 0 gráður
og sem dæmi mældist hann 0,87
gráður þann 5. mars 2018.
Sjávarhiti við Reykjavík sýnir
svipaða þróun um lækkandi hitastig
undanfarin ár eftir metárið 2010
þegar sumarhitinn fór í 14, 02 gráður
þann 7. ágúst. Þannig var sjávarhitinn
10,12 gráður þann 5. september
2018 og er lægsti sumarhiti sjávar
allavega síðan 2003 sem hægt er að
sjá í veflægum gögnum Hafró. /HKr.
Árið 2018 sagt það fjórða heitasta
á jörðinni síðan mælingar hófust
– Hitinn virðist þó fara minnkandi og heimskautaísinn að verða stöðugri
Samkvæmt línuriti yfir
hitastig lofthjúpsins sem birt
er á vef bandarísku geimferða-
stofnunarinnar NASA, þá
virðist loftslag hafa verið að
kólna á síðustu árum eftir að
hafa náð methæðum í kringum
2014 frá því mælingar hófust
um 1880. Eigi að síður er
árið 2018 það fjórða heitasta
frá því mælingar hófust
samkvæmt gögnum NASA.
Gerður er línulegur
samanburður á gögnum frá Goddard
stofnun NASA, NOAA, japönsku
veðurstofunni, loftslagsteymi
Hadley Center, Cowtan & Way
og Berkeley Earth. Eru þessar
mælingar nokkuð samstiga, en þó
munar nokkru á milli stofnana þar
sem tölur Goddard og NASA sýna
að jafnaði hæstu gildin.
Er árið 2018 sagt það fjórða
heitasta frá því mælingar hófust
og var hitinn þá samkvæmt tölum
Goddard um 0,83°á Celsíus hærra
en meðaltal áranna 1951 til 1980.
Af hverju menn kjósa að nota
meðaltal þessara ára skal ósagt látið
en hitastigið 1950 var mun lægra
en hitinn var í loftslagshlýnuninni
á árnum frá 1935 til 1949 og
einnig lægri en fjögur ár þar á eftir.
Sömuleiðis var hitastigið fram
að 1980 oftast undir meðaltali
eða rétt yfir meðaltalinu. Þá er
nokkur breytileiki í gögnunum á
milli stofnana þótt sveiflurnar séu
samsíða.
Í þessum gögnum er bent á áhrif
El Nino til hlýnunar og La Niona
til lækkunar og virðast þessi
fyrirbæri í Kyrrahafi hafa áhrif
sem skila sér um nær allan
heim.
Hægt hefur á sveiflum á
heimskautaísnum
Samkvæmt grein Corol
Rasmunssen á vefsíðu NASA 11.
október 2018 hefur ís verið að
þynnast á Norðurheimskautinu
að meðaltali frá 1958. Ísinn,
sem nú er á 70% hluta pólsvæðisins,
sé nýr lagnaðarís sem bráðni að hluta
yfir sumartímann.
Vitnað er í vísindamanninn Ron
Kwok í Kaliforníu sem stuðst hefur
við ýmis gögn í rannsóknum sínum
á hafísnum, m.a. frá kafbátum. Segir
Kwok að met í bráðnun ísþekjunnar á
Norðurheimskautinu sem varð 2012
hafi ekki komið fram síðan þrátt
fyrir mikinn lofthita á pólsvæðinu.
Hegðun íssins hafi breyst og hægt
hafi á breytingum á ísþykkt á milli
árstíða. /HKr.
STARF FAGSTJÓRA
BÚFJÁRRÆKTAR OG ÞJÓNUSTUSVIÐS
Ráðgjafarmiðstöð landbúnaðarins auglýsir eftir fagstjóra búfjárræktar
og þjónustusviðs. Um er að ræða stjórnendastarf á öðru af tveimur
fagsviðum í nýju skipuriti.
Starfs- og ábyrgðarsvið:
√ Faglegur leiðtogi og fyrirliði teymis sem vinnur að búfjárrækt og
þjónustu í landbúnaði.
√ Fagsviðið hefur meðal annars umsjón með ræktunarstarfi búfjárkynja,
almennri þjónustu og ráðgjöf til landbúnaðar.
√ Fagstjóri ber lykilábyrgð á stýringu mannauðs og gætir þess að
ráðgjafar á sviðinu nýtist sem best fyrir heildina.
√ Fagstjóri ber ábyrgð að innan teymisins séu verkefni og ráðgjöf
markviss.
Menntunar- og hæfnikröfur:
√ Háskólamenntun sem nýtist í starfi, framhaldsmenntun á sviði
búvísinda, raungreina eða náttúruvísinda æskileg.
√ Stjórnunarreynslu krafist.
√ Þekking á verkefnastjórnun er kostur.
√ Sjálfstæð og skipulögð vinnubrögð.
√ Góðir samskiptahæfileikar.
Við leitum að einstaklingi með brennandi áhuga á landbúnaði í
sínum víðasta skilningi og hefur metnað og frumkvæði til að vinna
að ráðgjafa starfsemi RML.
Ráðgjafarmiðstöð landbúnaðarins er ráðgjafarfyrirtæki í eigu bænda
og sinnir landbúnaðarráðgjöf um allt land. Starfsemin er dreifð um
landið á 13 starfsstöðvum. Við bendum áhugasömum á heimasíðu
fyrirtækisins www.rml.is þar sem sótt er um starfið, en þar er einnig
hægt að kynna sér starfsemina enn frekar.
Umsóknarfrestur er til og með 5. mars.
Nánari upplýsingar veita Karvel L. Karvelsson hjá klk@rml.is og
Gunnfríður Elín Hreiðarsdóttir hjá geh@rml.is.