Slökkviliðsmaðurinn - 01.11.1981, Blaðsíða 22

í reyk og um annan fróðleik sem kom fram á
námskeiði Brunamálastofnunarinnar s.l. haust,
flutt af öðrum námskeiðsþega. Kynnisferð var
farin um borð í skuttogara sem verið var að ganga
frá byggingu á. Sú ferð var mjög athyglisverð og
lærdómsrík. Tæplega er nóg að gert að kynna sér
innréttingu skipa, þegar hægt er að tapa áttum í
öllu upplýstu, hvað þá í reyk og myrkri.
Með stofnun Landssambands slökkviliðs-
'manna vaknaði áhugi manna almennt fyrir
ýmsum hagsmunamálum slökkviliðsmanna svo
sem kjaramálum, tryggingum, öryggismálum og
ýmsum aðbúnaði og útbúnaði slökkviliðsins.
Ýmsum góðum málum var hrint í framkvæmd og
unnið mikip starf til hagsbóta fyrir félagsmenn
fyrstu árin. En áfram skal halda að settu marki þó
nokkuð hafi verið misvindasamt innan
samtakanna undanfarið. Vinna þarf betur að
fræðslumálum í samráði við Brunamálastofnun,
t.d með auknu námskeiðshaldi með einstökum
liðum eða fleiri saman þar sem því verður við
komið. Starfsheitið þarf að fá viðurkennt.
í sambandi við þinghald L.S.S. hafa gefist
tækifæri til að kynnast slökkviliðum á viðkomandi
stöðum. T.d. hjá Suðurnesjamönnum í
Grindavík ’79, Húsavík ’80 sem tóku sérstaklega
vel á móti þingfulltrúum og gerðu dvölina
ánægjulega í alla staði. Það lærist alltaf eitthvað af
að skoða aðstöðu og ræða við slökkviliðsmenn.
Tækifæri eru of fá sem gefast til heimsókna.
Slökkviliðsmenn í Reykjavík tóku frábærlega
vel á móti okkur Landsliðsmönnum er sóttum
námskeið Brunamálastofnunarinnar s.l. haust.
Skipst var á að standa með þeim næturvaktir og
gafst þá tímitil að njóta fræðslu um ýmsa atburði
og viðbrögð þeirra við þeim, var það mjög góður
viðauki við sjálft námskeiðið. Mér gafst einnig
tækifæri að heimsækja slökkviliðið á Keflavíkur-
flugvelli, tóku þeir okkur opnum örmum og
sýndu okkur -allt sem hægt var að sjá á jafn
stuttum tíma og um var að ræða. Vonandi gefst
lengri stund næst.
Ef þið slökkviliðsmenn eigið leið um Akranes
eruð þið velkomnir á stöðina, starfsmaðurinn er
oftast við.
Aðeins ein breyting hefur orðið á stjórn Félags
slökkviliðsmanna Akraness frá stofnun félagsins,
ritarinn Þorbergur Þórðarson hvarf frá liðinu af
heilsufarsástæðum en við ritarastörfum tók
Þórhallur Björnsson.
Ég sendi öllum slökkviliðsmönnum bestu
kveðjur frá Félagi slökkviliðsmanna Akranesi.
Þórhallur Björnsson, ritari.
Ökukennsla
- Bifhjólakennsla
- Æfingatímar
Kennslubifreið Volvo 244 GL. - Kennsluhjól Honda400sp'76
Nemendur greiða aðeins fyrir tekna tíma í kennslunni.
ÓLAFUR ÓLAFSSOIM, ökukennari
Vesturgötu 117 - Akranesi - S: 1072
20 SLOKKVILIÐSMAÐURINN