Slökkviliðsmaðurinn - 01.11.1981, Page 54

Nýjar fréttir frá stjórn L.S.S.
Þann 21. nóvember s.l. var haldinn á Akureyri
kynningar og fræðslufundur á vegum L.S.S. og
Brunamálastofnunar ríkisins fyrir slökkviliðs- og
sveitarstjórnarmenn á Norðurlandi.
Fundinn sóttu 30 menn frá 11 slökkviliðum og
stjórnum sveitarfélaga. A þessum fundi var
saga,núverandi staða og stefna L.S.S. kynnt af
formanni sambandsins og þá sérstaklega hvað
varðar fræðslu og öryggismál slökkviliðsmanna.
Þórir Hilmarsson brunamálastjóri skýrði og
sömuleiðis frá starfsemi B.M.S.R. uppbyggingu
hennar og stjórn. Þá skýrði hann einnig vel frá
þeim örðugleikum er stofnunin hefur átt við að
glíma að undanförnu en sagðist líta björtum
augum til framtíðarinnar. Þá kynnti hann einnig
hugmyndir sínar að fræðslumálum slökkviliðs-
manna og lagði fram gögn til kynningar í því
sambandi.
Þá skýrði Gísli Lórenzson frá störfum sínum í
nefnd þeirri er skipuð var af félagsmálaráðherra
til að endurskoða m.a. lögin um brunavarnir og
brunamál og skýra út þær helstu breytingar er nu
liggja fyrir Alþingi og væntanlega verða ræddar
og samþykktar á þessu þingi. Þá voru einnig a
þessum fundi rædd flest þau mál er varða
slökkviliðsmenn og þeirra samtök og komu fram
hugmyndir í því efni sem stjórn L.S.S. mun
kynna sér nánar.
Þar sem þessi fundur gafst svo vel hefur verið
ákveðið að halda fleiri slíka fundi út um land og
hefur næsti fundur verið ákveðinn í byrjun
desember og þá á Suðurnesjum og síðan eftir
áramót á Suðurlandi. Vonumst við í stjórn L.S.S-
að þessir fundir verði til þess að auka kynni og
koma á nánara sambandi á milli stjórnar og aðild'
arfélaganna og einnig fá menn þar gullið tækifæri
til að kynnast málefnum B.M.S.R.
Jónas Marteinsson
ritari
AKRANESI - SÍMAR 2584 & 2364
Höfum allt efnitilhitaveitutenginga
Danfossvörur o.fl.
Einnig hitaþolin frárennslisrör
og tengistykki
52 SLÖKKVILIÐSMAÐURINN