Fréttabréf Öryrkjabandalags Íslands - 01.12.1989, Blaðsíða 8

Aðalfundur
Öryrkjabandalagsins
Aðalfundur Öryrkjabandalags-
ins var haldinn sunnudaginn
15. október og hófst kl. 9 ár-
degis í Borgartúni 6. Mættir voru full-
trúar allra aðildarfélaga bandalagsins.
Samtals mættu rúmlega 60 manns á
fundinn, fulltrúarfélaga, svæðisstjórn-
arfulltrúar og starfsfólk.
Það var formaður Öryrkjabanda-
lagsins, Arnþór Helgason, sem setti
fundinn með nokkrum orðum. Hann
minntist í upphafi tveggja látinna fé-
laga: Kristínar Hjaltadóttur, fyrsta
verkstjóra á saumastofu Ö.B.I. og
Theodórs A. Jónssonar fyrrv. for-
manns Sjálfsbjargar - landssambands
fatlaðra og risu fundarmenn úr sætum
til að votta hinum látnu virðingu sína.
Þá var aðild Parkinson-samtakanna
borin upp til samþykktar og var það
einróma gert og með lófataki.
Næst kynntu allir fundarmenn sig
og frá hverjum þeir kæmu.
Fundarstjórar voru þau kjörin Jóna
Sveinsdóttir og Vilhjálmur Vilhjálms-
son og fundarritarar þau Einar Aðal-
steinsson og Þórey Ólafsdóttir.
Þá var komið að skýrslu formanns,
en hún var lögð fram á fundinum, bók
upp á 38 blaðsíður og öll sérlega vel úr
garði gerð.
Formaður, Amþór Helgason, flutti
svo allítarlegan úrdrátt, en að öðru leyti
kemur hugleiðing hans hér í Frétta-
bréfinu inn á flesta meginþætti.
Til viðbótar sjálfri skýrslu for-
manns og framkvæmdastjóra um al-
menna starfsemi bandalagsins, fylgdu
þessar skýrslur í bókinni góðu:
1) Skýrsla vinnustofa Öyrkjabanda-
lagsins:
Anna Ingvarsdóttir.
2) Skýrsla um Starfsþjálfun fatlaðra:
Guðrún Hannesdóttir.
3) Samvinnunefnd Ö.B.I. og Þroska-
hjálpar:
Arnþór Helgason.
4) Félgsleg framkvæmdaáætlun sam-
takanna:
Helgi Hróðmarsson.
5) Hússjóður Öryrkjabandalagsins:
Oddur Ólafsson.
Rétt er að geta þess að formaður fór
yfir alla þætti skýrslunnar utan skýrslu
Hússjóðs Ö.B.Í.
Öll skýrslan sannaði enn betur en
áður hið viðamikla umfang, sem starf-
semi Öryrkjabandalagsins spannar og
eykst á ýmsan veg, ár frá ári.
Hér skal svo aðeins minnt á þá
málaþætti, sem fram komu í skýrslu
formanns beint: 1) Ferlimál, 2) Aðild
að Bréfaskólanum, 3) Málefni heyrn-
arlausra, 4) Samskipti við stjórnvöld,
5) Kjaramál, 6) Málefni starfsmanna
Ö.B.Í., 7) Kynningarstarf og ráðstefn-
ur, 8) Erlend samskipti, 9) íslensk
getspá, 10)Þakyfirhöfuðið, U)Ýmis
mál, 12) Störf félagsmálafulltrúa.
Flest þessara mála eða öll, hafa
fengið meiri eða minni umfjöllun í
Fréttabréfinu.
Það var mál fundarmanna, að ræða
formanns og skýrslugerð öll hefði
verið til hinnar mestu fyrirmyndar og
hefði gefið ljósa mynd og glögga af
öllum þáttum þess mikla starfs, sem
unnið er svo víða á vettvangi.
Að lokinni ræðu formanns voru
reikningar Öryrkjabandalagsins,
Hússjóðs Ö.B.I. og Vinnustofu Ö.B.Í.
teknir fyrir.
Það var Eyjólfur Guðmundsson
löggiltur endurskoðandi, sem lagði
fram þessa reikninga og útskýrði þá.
Reikningarnir lágu allir frammi í
fjölriti, svo allir fulltrúar fengu þá, og
svo er unnt að nálgast þá á skrifstofu
Ö.B.Í. Aðeins verður því greint frá
nokkrum fróðleikstölum úr rekstrar-
reikningi Öryrkjabandalagsins.
Rekstrartekjur urðu alls 86.650
þús. af þeim renna til Hússjóðs 68.800
þús. Þess er skylt, að geta að allt eru
þetta tekjur frá íslenskri getspá utan
ríkisstyrkur að upphæð 650 þús.
Helstu liðir útgjalda eru þessir. Styrkir
og framlög til félaga Ö.B.Í.: 10.398
þús. og hefur skipting þeirra áður
komið fram. Styrkir og framlög tií
annarra 7.267 þús. Stærstu liðir þar
eru:
Til samstarfs Ö.B.Í. og Þroskahjálpar
2.760 þús.
- íþróttasambands fatlaðra 1.150 þús.
- til Fræðsluvarps 750 þús.
- til Þroskahjálpar 600 þús.
- til N.F.A.B. 600 þús.
- til Fallaskila (rit) 350 þús.
Rekstrargjöld almennt 7.215 þús.
Þar af er Fréttabréfið í heild 1.388 þús.
8
FRÉTTABRÉF ÖRYRKJABANDALAGSINS