Fréttablaðið - 22.05.2020, Blaðsíða 12

Dagskrá:
Venjuleg ársfundarstörf

Vakin er athygli á að allir sjóðfélagar eiga rétt til setu
á ársfundinum með málfrelsi og tillögurétti.
Stjórn Gildis-lífeyrissjóðs
Grand Hótel Reykjavík, þriðjudaginn 16. júní kl. 17:00
Gildi–lífeyrissjóður
Ársfundur 2020
▪
Lífeyrissjóður www.gildi.is
2 2 . M A Í 2 0 2 0 F Ö S T U D A G U R12 S P O R T ∙ F R É T T A B L A Ð I Ð
SPORT
FÓTBOLTI Stjórn KSÍ ræddi á síð­
asta stjórnarfundi sambandsins
um f lugáætlun Flugfélags Íslands
í sumar en samkvæmt þeim upp­
lýsingum sem sambandið hefur frá
f lugfélaginu mun ferðum fækka og
tímasetningar breytast. „Ef af verð­
ur hafa þessar breytingar neikvæð
áhrif á ferðatilhögun liða og auka
kostnað þeirra. KSÍ hefur nálgast
ÍSÍ með þetta mál og mun ÍSÍ ræða
það við flugfélagið á fundi nú í maí,“
segir í fundargerð KSÍ.
Eitt af landsbyggðarliðunum sem
þarf oft að f ljúga á leiki er Leiknir
Fáskrúðsfirði en liðið spilar í sumar
í 1. deild eftir að hafa unnið 2. deild­
ina mjög óvænt í fyrra. Liðinu var
spáð falli fyrir tímabilið af þjálf­
urum liðanna á fótbolta.net.
Brynjar Skúlason, þjálfari Leikn­
ismanna, segir að þetta geti haft
mikil áhrif á sitt lið. „Við þurfum
að færa leiki og annað út af þessu.
Það er auðvitað enn þá langt í þetta
og ekki alveg komið á hreint en við
vorum búnir að bóka flug fyrir alla
útileikina og núna erum við að fá
póst um að tímasetningar séu að
breytast þannig við erum stundum
að lenda klukkutíma fyrir leik og
þurfum að bruna beint á völlinn.
Spila leikinn og f ljúga heim í bún­
ingunum ef við ætlum að ná þessu.“
Brynjar segir að þetta komi hart
niður á félögunum úti á landi sem
hafi sett mikinn pening í starf Flug­
félag Íslands sem heitir nú Air Icel­
and Connect. „Ef þeir færa tímann
fram um einn klukkutíma getur
það þýtt að við komumst ekki heim
eftir leik. Getum ekki f logið fram
og til baka samdægurs. Þá þarf að
gista í Reykjavík eða keyra heim
á bílaleigubílum með tilheyrandi
kostnaði.“
Hann segir þó að hann hafi fullan
skilning á aðstæðum flugfélagsins.
„Þetta gerir allavega ferðaplönin
okkar samt erfiðari og dýrari fyrir
vikið. Og síðast þegar ég vissi voru
ekki að aukast peningarnir í íþrótt­
unum.“ Air Iceland Connect vildi
ekki svara síma heldur fá tölvupóst.
Vandamál að koma leikmönn-
um til landsins
Bæjarráð í Fjarðabyggð samþykkti
að leggja nýtt gervigras í Fjarðar­
byggðarhöllina fyrir um 40 millj­
ónir króna en grasið var komið til
ára sinna. Brynjar fékk að fara inn
og prófa og líst vel á. „Það er frábært.
Menn eru vanir öðru en það lofaði
góðu. Við fengum að fara og sprikla
aðeins og þetta verður tilbúið fyrir
fyrsta leik.“
Jesús Suarez ætlar að snúa aftur
í búningi Leiknis í sumar en hann
spilaði með félaginu í þrjú ár og var
lykilmaður. Nú þarf bara að koma
honum til Fáskrúðsfjarðar frá Val­
enciu. „Þetta ástand er búið að vera
leiðinlegt, eiginlega hundleiðin­
legt. En það þarf að fara eftir þeim
reglum sem eru settar og ég vona að
allir aðrir séu að fara eftir þeim líka.
Það er eitt vandamálið í þessu er að
koma mannskapnum til landsins.
Ég verð með samkeppnishæft lið
og ef allt gengur eftir verð ég með
fínt lið í höndunum. Það er verið að
vinna í þessu og toga í spotta til að
þetta verði í lagi í sumar.“
benediktboas@frettabladid.is
Ferðatillögur liða ganga illa upp
Air Iceland Connect mun fljúga færri ferðir og breyta tímasetningum í sumar. Það gæti lagt þungar byrðar á lið á landsbyggðinni
og auka við kostnaðinn. Þjálfari Leiknis Fáskrúðsfjarðar segir að liðið gæti lent í að komast ekki til og frá borginni á einum degi.
Leiknismenn frá Fáskrúðsfirði komu öllum að óvörum og flugu upp í fyrstu deild í fyrra. Það er þó ekki víst að þeir fljúgi mikið í sumar um háloftin.
Brynjar Skúlason, þjálfari Leiknismanna. MYNDIR/ASTURGLUGGINN
ÍÞRÓTTIR Jón Karl Ólafsson, formað­
ur Fjölnis, segir í ársskýrslu félags­
ins, að komið sé að ákveðinni ögur­
stund í rekstri íþróttafélaga. Félagið
tapaði um 22 milljónum króna en
þetta er þriðja árið í röð sem félagið
er rekið með halla. Það hefur tapað
alls 53 milljónum síðustu þrjú ár.
„Við Fjölnismenn höfum rætt
opinskátt um það, að núverandi
rekstrarform íþróttafélaga gengur
ekki upp til lengdar. Af koma
Fjölnis sýnir kannski stöðuna í
hnotskurn og við vitum, að það eru
mörg íþróttafélög komin í þrönga
stöðu. Sem fyrr er það afreksstarf
sem hefur hleypt kostnaði félaga
upp. Staðan er einna verst í hóp­
íþróttum, en þó má segja að afreks­
starf almennt vegi þungt í rekstri
íþróttafélaga,“ segir Jón Karl. Hann
segir að erfitt sé að fá opinskáa
umræðu á milli forráðamanna
íþróttafélaga um leiðir til að mæta
þeim breytingum á forsendum sem
eru að verða á rekstri félaganna. „Ég
held að það séu fáir sem trúa því, að
rekstrarform íþróttafélaga verði
óbreytt eftir um 10 ár. Það verða að
koma til breytingar og nýjar hug­
myndir til að félögin nái vopnum
sínum til framtíðar.“ Hann hvetur
forráðamenn íþróttafélaga til að
koma að samtali framtíðarstefnu í
rekstri félaganna.
„Hvaða leið sem valin er, þá er það
staðreynd, að rekstrarkostnaður
hefur hækkað og er orðinn þannig,
að félögin standa einfaldlega ekki
undir honum. Það verður því annað
hvort að finna leiðir til lækkunar
kostnaðar, eða til að gera rekstur
félaga hagkvæmari. Þetta eru mjög
krefjandi verkefni og því fyrr sem
samtalið fer af stað því betra.“ – bb
Segir núverandi rekstrarform
íþróttafélaga ekki ganga upp
Fjölnismenn spila í efstu deild í
sumar. FRÉTTABLAÐIÐ/ERNIR