Víkurfréttir - 12.03.2020, Page 7

7 // VÍKURFRÉTTIR Á SUÐURNESJUM Í 40 ÁR fimmtudagur 12. mars 2020 // 11. tbl. // 41. árg.
Feðgarnir gera það gott á Sandfelli
Eins og búist var við þá hefur veiði hjá bátunum verið mjög góð í mars og
nú eru t.d. allir línubátarnir komnir suður sem hafa verið við veiðar austan
við land. Síðasti báturinn sem kom suður var Sandfell SU en Loðnuvinnslan
á Fáskrúðsfirði gerir hann út.
Þótt Sandfell SU sé í eigu þeirra á Fá-
skrúðsfirði þá hefur báturinn mjög
mikla tengingu til Suðurnesja. Fyrir
það fyrsta þá lét Stakkavík ehf. í
Grindavík á sínum tíma smíða tvo
samskonar báta á Akureyri. Fyrri
báturinn fékk nafnið Óli á Stað GK
99 og kom á flot í október 2014. Hann
var síðan seldur til Fáskrúðsfjarðar
árið 2016 og fékk þá nafnið Sandfell
SU. Hinn báturinn sem var í smíðum
fyrir Stakkavík ehf. kom síðan á flot í
apríl árið 2017 og fékk sá bátur nafnið
Óli á Stað GK 99. Bátarnir eru nokk-
urn veginn svipaðir, nema hvað að
nýi Óli á Stað GK er aðeins hærri en
Sandfell SU því brúin er ofar á bátnum
en á Sandfelli SU, skipaskrárnúmerin
hjá bátunum eru líka svipuð 2841 hjá
Sandfelli SU og 2842 hjá Óla á Stað GK.
Annað sem tengir Suðurnesin mikið
við Sandfell SU er að skipstjórarnir
eru feðgar úr Grindavík, þeir Örn
Rafnsson og sonur hans Rafn Franklin
Arnarson. Þeir skiptast á að vera með
bátinn tvær vikur í senn og hefur
gengið mjög vel hjá þeim á Sandfelli
SU. Voru t.d. aflahæstir allra smábáta
á Íslandi árin 2018 og 2019.
Förum aðeins í togbátanna en mikill
fjöldi af þeim hefur verið á veiðum
utan við Sandgerði. Tuttugu og níu
metra bátarnir svokölluðu mega veiða
upp að þrjár sjómílum en fyrir utan
Sandgerði hafa togbátarnir verið
komnir á svæði þar sem meðal ann-
ars neta- og línubátarnir leggja línu
og net. Þetta hefur gengið nokkuð vel
en þó lenti línubátur frá Sandgerði í
því í febrúar að hann týndi um 3.000
krókum þegar einhver togbátur frá
Grundarfirði togaði yfir línuna hans.
Skipstjórinn leitaði og reyndi að slægja
upp línuna en ekkert fannst.
Pálína Þórunn GK kom til Sand-
gerðis um daginn með fullfermi, um
70 tonn, og hefur báturinn því landað
um 126 tonnum í tveimur róðrum.
Vörður ÞH er með 123 tonn í tveimur,
Berglín GK 100 tonn í einum, Sóley
Sigurjóns GK 122 tonn í einum.
Hjá dragnótabátunum hefur veiðin
verið góð og er Sigurfari GK hæstur
með 44 tonn í fjórum róðrum, Benni
Sæm GK 43,7 tonn í fjórum, Siggi
Bjarna GK 34 tonn í fjórum, Ísey EA
28 tonn í fjórum og Aðalbjörg RE níu
tonn í tveimur. Nýr bátur hóf veiðar á
dragnótamiðunum við Hafnarbergið
og er það Finnbjörn ÍS frá Ísafirði.
Þessi bátur er mjög vel þekktur á
Suðurnesjum, sérstaklega í Grinda-
vík en báturinn var gerður út þaðan í
tæp 30 ár og hét þá Farsæll GK. Mun
Finnbjörn ÍS róa frá Sandgerði í það
minnsta fram til 1. apríl og leggur
upp hjá fiskverkun í Keflavík. Mikið
er búið að breyta bátnum frá því hann
hét Farsæll GK og allar þær breytingar
voru framkvæmdar hjá skipasmíða-
stöð Njarðvíkur, útlitslega séð munar
mestu um að báturinn var breikkaður
að aftan og hækkaður þar aðeins upp
og fékkst þannig aðeins meira flot í
bátinn að aftan.
AFLAFRÉTTIR Á SUÐURNESJUM
Gísli Reynisson
gisli@aflafrettir.is
Mildi að ekki hafi orðið
stórslys á svæðinu
Bæjarstjórn Suðurnesjabæjar tekur
undir bókun stjórnar Almannavarna
Suðurnesja utan Grindavíkur frá 12.
febrúar síðastliðnum og krefst þess að
yfirvöld tryggi að rekstrargrundvöllur
Heilbrigðisstofnunar Suðurnesja verði
styrktur verulega með það að leiðarljósi
að íbúar á Suðurnesjum njóti bestu
heilbrigðisþjónustu sem völ er á og að
starfsmenn og starfsemi HSS búi við
góða starfsaðstöðu.
Þá skorar bæjarstjórn Suðurnesjabæjar
á yfirvöld að lokið verði sem fyrst við
tvöföldun Reykjanesbrautar í heild sinni.
Í ljósi aðstæðna sem skapast hafa á árinu
má teljast mildi að ekki hafi orðið stórslys
á svæðinu og mikilvægt er að tryggja
umhverfið áður en að slíku kemur.
ÁFRAM
SUÐURNES
Skólahreysti – hreystikeppni allra grunnskóla á landinu er hafin.
Grunnskólar á Suðurnesjum etja kappi í Skólahreysti miðvikudaginn
18. mars kl. 19:00 í Íþróttamiðstöðinni á Ásvöllum.
Það er ókeypis inn og við hvetjum alla grunnskólakrakka til að mæta.
Keppnin verður svo sýnd á RÚV í mars.
MENNTA- OG
MENNINGARMÁLARÁ NEYTI SKÓLAHREYSTI ER Í BOÐI LANDSBANKANS
/skolahreysti #skolahreysti
Sandfell var aflahæst allra
smábáta á Íslandi árin 2018 og
2019 og það hefur gengið mjög
vel hjá bátnum að undanförnu.
Aðalfundur 2020
og skyggnilýsing!
Aðalfundur SRFS verður haldinn í húsnæði
félagsins að Víkurbraut 13, 230 Reykjanesbæ,
fimmtudaginn 26. mars kl. 20.00,
húsið opnar kl. 19.30.
Á dagskrá verða hefðbundin aðalfundarstörf og önnur
mál, nánar á Facebook síðu félagsins.
Að loknum fundarstörfum verður boðið upp á kaffi,
köku og skyggnilýsingu.
Sálarrannsóknarfélag Suðurnesja
Messa í Útskálakirkju
sunnudag 15. mars kl. 20.
Vox Felix syngur undir
stjórn Arnórs Vilbergssonar.
Allir velkomnir hand-
þvegnir og sprittaðir.