Víkurfréttir - 12.03.2020, Blaðsíða 13

13 // VÍKURFRÉTTIR Á SUÐURNESJUM Í 40 ÁR fimmtudagur 12. mars 2020 // 11. tbl. // 41. árg. 12 // VÍKURFRÉTTIR Á SUÐURNESJUM Í 40 ÁR
Hvernig var fermingardagurinn þinn?
Helga Jakobsdóttir:
Pabba fannst ófært að dóttirin
mætti í reiðstígvélum í kirkjuna
„Ég fermdist 11. apríl 1976 í Keflavíkur-
kirkju, prestur var séra Ólafur Oddur Jónsson.
Minningin úr athöfninni sjálfri er óljós. Við
mættum í kjallara kirkjunnar þar sem við
fórum í fermingarkyrtlana og gengum þaðan
meðfram kirkjunni og inn um aðalinnganginn.
Þetta var allt mjög fullorðins og hátíðlegt.
Mér fannst dagurinn í heild frábær og tók
virkan þátt í undirbúningi hans með fjölskyld-
unni. Við bjuggum á Tjarnargötunni og veislan
var haldin heima. Mig minnir að foreldrar mínir
hafi keypt veitingar til að hafa í veislunni og að
það hafi verið pottréttur eða svokallað strog-
anoff, hrísgrjón og hrásalat. Þetta fannst okkur
framandi en það létti á undirbúningi og var
gott. Síðan hafa örugglega verið kökur, kaffi og
gos í glerflöskum. Ekki má gleyma að það var
mjög flott að bjóða upp á sígarettur í veislum,
þær voru í þar til gerðu boxi sem var á bakka
ásamt statífi fyrir eldspýtustokk og að auki var
öskubakki í stíl. Þessi bakki hafði heiðurssess
á sófaborðinu í stofunni og svo blésu gestir
reyknum yfir alla.“
Ekki mikill utanbókarlærdómur
Í fermingarfræðslunni hittust krakkanir í Kirkju-
lundi sem er gamalt hús við Kirkjuveg 22a sem
átti stað í minningum Helgu. „Í þessu húsi
bjuggu afi minn og amma en að þeim látnum
seldu mamma og systur hennar kirkjunni húsið
og það varð safnaðarheimili kirkjunnar. Margt
minnti á tímann þegar ég var barn í þessu húsi
þó því hafi verið breytt.
Við undirbúning fermingarinnar var notuð
sérstök bók sem átti örugglega að leiðbeina
okkur um kristnidóminn og lífsreglurnar, mér
fannst erfitt að lesa hana og man ekki hvað stóð í
henni. Við vorum saman þarna bekkjarsystkinin
og séra Ólafur Oddur. Ég held að við höfum verið
óþekk og yfirmáta málglöð í þessum tímum.
Utanbókalærdómur var ekki mikill, ekki eins
og hjá systkinum mínum. Ég held ég hafi lært
Litlu biblíuna, Trúarjátninguna og Faðir vorið.
Ég lærði enga sálma utanbókar. Í minningunni
var söngurinn í athöfninni ekki skemmtilegur
og ræða prestsins óskiljanleg.“
Fékk bjútíbox og heillaskeyti
Helga var ánægð með fermingarveislu sínu
og fannst hún frábær. Í veisluna komu margir
gestir, ættingjar og vinir foreldra hennar. „Það
komu líka vinir mínir og við vorum eitthvað að
kíkja til hvers annars, bekkjarfélagarnir, því við
vorum öll að fermast á sama degi.
Fermingargjafirnar mínar voru hefðbundnar
þessa tíma. Ég fékk úr og gullhring frá for-
eldrum mínum. Svefnpoka og matreiðslubók
frá systkinum mínum. Síðan fékk ég ýmislegt
annað en nefni til dæmis skartgripi eins og
kross, rúnarstaf, armband og hring eftir Jens.
Ég fékk líka bjútíbox og eitthvað af peningum.
Send voru heillaskeyti, ég fékk mörg og fannst
það skemmtilegt en þau virðast að mestu af-
lögð í dag.“
Ég var alsæl með fermingardressið
en ekki pabbi
Helga segir ótrúlega gaman að minnast ferm-
ingartískunnar sem þá var. „Ég fékk að velja það
sem mér fannst flottast og keypt var buxnapils,
rúllukragabolur, kápa og kúrekastígvél. Ég kom
alsæl heim úr Reykjavík, við mamma höfðum
farið á milli búða og valið þetta dress. Pabbi
minn var ekki eins sáttur og við fórum í annan
fataleiðangur og þá var keypt dragt en það er
jakki, pils og buxur, blússa í stíl og skór. Pabba
fannst ófært að dóttirin mætti í reiðstígvélum
í kirkjuna og unglingurinn átti ekki að klæðast
óléttukápu. Samkvæmt hefðum og venjum fékk
ég sálmabók, hvítan hálsklút til að hafa undir
kyrtlinum, hvíta hanska og blúnduklút inn í
sálmabókina.“
Erfitt að sofna kvöldið fyrir fermingu
„Ég man að ég átti mjög erfitt með að fara að sofa
kvöldið fyrir ferminguna því mér fannst ekkert
vera tilbúið heima fyrir veisluna en hafði litlar
áhyggjur af athöfninni í kirkjunni.
Ég fór í hárgreiðslu eldsnemma á fermingar-
daginn. Ég hafði safnað hári í þrjú ár til að getað
farið í greiðslu fyrir ferminguna. Það var blásið
á mér hárið og sett í krullujárn því ég ætlaði að
hafa slöngulokka. Ég er með mjög lint og þunnt
hár, svo greiðslan lak mjög hratt úr þó notað
hafi verið hárlakk af stífustu gerð. Sett var hvítt
nellikublóm í hárið sem tíðkaðist líka á þessum
árum. En í vikunni eftir ferminguna fór ég og
lét klippa hárið stutt og hef eiginlega ekki verið
með svona sítt hár síðan.“
Komin í fullorðinna manna
tölu eftir fermingu
Altarisgangan var þá að sögn Helgu ekki í ferm-
ingarathöfninni sjálfri heldur kvöldið eftir. Hún
segir að það hafi verið mikið afslappaðri athöfn
og fjölskyldan hafi notið þess að koma í kirkjuna
og sameinast uppi við altarið. Eftir athöfnina var
svo sest við borðstofuborðið í stofunni heima
og spjallað. „Ég er yngst systkina minna og nú
vorum við öll komin í fullorðinna manna tölu.
Aldrei kom annað til greina en að láta ferma sig
í kirkjunni og maður minntur á að allir eigi að
staðfesta skírnarheitið sitt því að eins og segir í
barnabæninni: „Í guðsóttanum gef þú mér að
ganga í dag svo líki þér“.“
Þorvarður Guðmundsson:
Bara góðar
minningar
frá þessum
degi
„Ég fermdist 30. mars árið 1980 og í minningunni var
þetta bjartur dagur, frekar kalt og ég man að við fórum
fyrst í kjallarann í Keflavíkurkirkju þar sem við vorum
klædd í fermingarkyrtlana. Þegar tíminn var kominn
gengum við út og fram fyrir kirkju til að ganga inn í sjálft
kirkjuskipið Það var skítkalt þegar við komum fram fyrir
kirkjuna og biðum þess að fara inn. Fermingardagurinn
var góður og ég á bara góðar minningar frá þessum degi.“
Varð að vera með
risastóra slaufu
Þorvarður segir að hann hafi örugglega
farið í klippingu þó hann muni ekk-
ert sérstaklega eftir því. „Ég var mjög
ákveðinn að vera ekki í jakkafötum
heldur fékk ég mér buxur og stakan
jakka, ullarvesti, skyrtu og bindi. Ég
þurfti þó að vera með risastóra slaufu
á meðan ég var í kyrtlinum. Mamma
tók ekki annað í mál.“
Veisluborðið svignaði
undan kræsingunum
„Veislan var kökuveisla og var haldin
heima hjá okkur á Kirkjuteignum. Pabbi
var á sjó á þessum tíma og kom ekki í
land fyrr en daginn fyrir ferminguna
og því þurftum við mamma að vera
búin að flestu svo að allt gengi upp. Ég
man að við fengum lánaða klappstóla úr
gamla Kirkjulundi svo það væru fyrir
alla gestina. Mamma bakaði helling af
kökum og veisluborðið svignaði undan
rjómakökum og slíku góðgæti.“
Rútuferðalag eftir fermingu
Séra Ólafur Oddur fermdi Þorvard og
hann man að þau lásu bókina Líf með
Jesú en ekki hafi þurft að læra mikið
utan af. „Við þurftum þó að kunna
Trúarjátninguna og Faðir vorið. Við
lærðum mest um siðfræði minnir mig.
Í lok fermingarfræðslunnar fórum við í
rútuferð að Skógum undir Eyjafjöllum
með Ólafi Oddi og Randy Træen,
handavinnukennara í Holtaskóla. Þar
var svo reynt að henda manni út í Skógá
og urðu flestir holdvotir og kaldir. Að
lokum var svo farið í sund á Skógum.“
Keypti húsgögn
fyrir peningana
„Ég fékk aðallega peninga, 235.000
gamlar krónur, en líka bækur og slíkt.
Ég fékk meðal annars fjórar orðabækur
sem nýttust mér vel í skólanum fram
á fullorðinsár. Ég keypti mér svo hús-
gögn í herbergið mitt, skrifborð, rúm
og lampa sem enn er til.“

Elskulegur eiginmaður minn, faðir okkar,
tengdafaðir og afi,
GRÉTAR ÞÓR SIGURÐSSON
Austurgötu 11, Keflavík,
lést á Landspítalanum við Hringbraut miðvikudaginn 26. febrúar.
Útförin fer fram frá Keflavíkurkirkju föstudaginn 3. apríl kl. 13.
Signý Hrönn Sigurhansdóttir
Gunnar Þór Grétarsson Sólveig Gísladóttir
Bryndís Grétarsdóttir Hafsteinn Guðmundsson
Magnea Grétarsdóttir Sigurður R. Magnússon
og barnabörn.

Ástkær móðir okkar, tengdamóðir, amma, langamma,
mágkona og tante
GUÐLAUG HALSÖR SIGVARDSDÓTTIR
Lalla
Vesturgötu 38, Keflavík,
andaðist þriðjudaginn 3. mars í faðmi fjölskyldunnar. Hún verður
jarðsungin frá Keflavíkurkirkju föstudaginn 13. mars klukkan 13.
Þeim sem vilja minnast hennar er bent á SOS Barnaþorpin.
Sigurður Ragnarsson
Kristín Linda Ragnarsdóttir Sveinbjörn Gizurarson
Guðný Ásta Ragnarsdóttir Guðjón Bragason
Davíð Örn Sveinbjörnsson Fjóla Dögg Halldórsdóttir
Benjamín Ragnar Sveinbjörnsson
Guðlaug María Sveinbjörnsdóttir Birkir Eyþór Ásgeirsson
Sunneva Kristín Guðjónsdóttir
Salómon Blær, Elísa Björt og Annika Bára Davíðsbörn
Elsa Halsør og fjölskylda
Anbjørg Halsør og fjölskylda

Elskuleg systir okkar, mágkona, frænka, stjúpmóðir
og stjúpamma,
GUÐLAUG SIGRÍÐUR KRISTJÁNSDÓTTIR
Vatnsnesvegi 28, Reykjanesbæ,
varð bráðkvödd á heimili sínu laugardaginn 22. febrúar.
Útförin hefur farið fram í kyrrþey að ósk hinnar látnu.
Helgi Jensson Kristjánsson
Sigurður Kristjánsson
og fjölskyldur.
4ra herbergja íbúð til leigu á góðum stað í Reykjanesbæ. Þrjú svefnherbergi,
stofa og sólstofa. Þvottahús á hæðinni. Leiga 185.000 á mánuði. Þriggja
mánaða trygging óskast í reiðufé. Engin gæludýr.
Upplýsingar : bobbyuno1@yahoo.com
SMÁAUGLÝSINGAR