Mosfellingur - 30.01.2020, Blaðsíða 30
Kraftur Kolvetnanna
Kolvetnin hafa átt undir högg að sækja undanfarið. Það hefur
verið sótt að þeim úr ýmsum áttum
og mataræði á borð við Primal,
Paleo og Ketó hafa farið sigurför um
heimsbyggðina. Ég stökk á Primal-
vagninn á sínum tíma. Mér leið
ágætlega á því, þannig séð, en vant-
aði samt einhverja orku yfir daginn.
Ég daðraði við Paleo-mataræðið en
komst aldrei almennilega inn í það.
Kannski af því að mér líður einfald-
lega best þegar ég fæ kolvetnin mín.
Ég hef undanfarið verið að stúdera bæði langlífismataræði
og keppnismataræði. Langlífismatar-
æðið byggir á mörgum rannsóknum
úr ýmsum geirum. Þær sýna að þau
samfélög þar sem fólk lifir lengst – og
heldur heilsunni lengi – eiga það
sameiginlegt að fólk borðar mikið
plöntufæði. Kolvetni fyrst og fremst.
Úr nærumhverfi yfirleitt. Það sem
hægt er að rækta á staðnum. Þeir
langlífu borða yfirleitt ekki mikið af
dýraafurðum, fá mest af próteinum
sínum úr jurtaríkinu og fituna
sömuleiðis. Ólívuolíu til dæmis.
Ef margar rannsóknir á langlífi og góðri heilsu sýna að kolvetni
úr grænmeti, ávöxtum og öðrum
plöntum hafi jákvæð áhrif á langtíma
heilsu okkar, er þá ekki ástæða til að
staldra aðeins við og velta fyrir sér
hvort ekki sé ástæða til þess að sýna
kolvetnunum virðingu og vinsemd
og gefa þeim góðan sess í daglegu
mataræði okkar? Við hjónin erum
þessa dagana á kafi í Spartan Race
þjálfaranámskeiði – það snýst um
allt sem kemur að undirbúningi og
þátttöku í þessum dásamlegu utan-
vegarhindrunarhlaupum. Næring er
þar mikilvægur hluti.
Á námskeiðinu er útskýrt vel af hverju íþróttamenn verða að fá
nóg af góðum kolvetnum til þess að
komast í gegnum erfiðar
keppnir á borð við
Spartan Race.
Prótein og fita
eru ekki nóg. Sem
sagt, kolvetnin eru
okkur nauðsynleg
bæði sem orka fyrir
mikla hreyfingu
og sem lykill að
langlífi og góðri
heilsu. Þau lengi
lifi!
Heilsumolar Gaua
- Heilsufréttir og Kvenfélagið30
Guðjón
Svansson
gudjon@kettlebells.is
www.fastmos.is
Sími: 586 8080
Þverholti 2
Kvenfélag Mosfellsbæjar var stofnað annan
dag jóla árið 1909. Félagið er því orðið 110
ára og er með elstu félögum í Mosfellsbæ.
Tímamótunum var fagnað á einn og ann-
an hátt, m.a. með hátíðarfundi með flottri
dagskrá í desember. Í dag eins og fyrir 110
árum er þörf fyrir konur sem starfa í kven-
félögum og með kraftmiklu sjálfboðliða-
starfi gera sitt til að bæta lífsgæði fólksins
í landinu.
Kvenfélagasamband Íslands var stofnað
þann 1. febrúar 1930 og er samstarfsvett-
vangur og málsvari kvenfélaganna í land-
inu. Stofndagurinn var útnefndur „Dagur
kvenfélagskonunnar“ árið 2010 og með því
móti er vakin athygli á hinu óeigingjarna
starfi sem fer fram í 154 kvenfélögum um
allt land.
Þennan dag eru kvenfélagskonur hvattar
til að halda upp á daginn með einhverjum
hætti og setja þannig gullkant á tilveruna í
dagsins önn. Kvenfélagskonur í Mosfellsbæ
ætla að gera sér dagamun með því að hitt-
ast á Blik Bistró og grill og njóta matar og
samveru í hádeginu.
Ef þú lesandi góður hittir kvenfélagskonu
á „degi kvenfélagskonunnar“ væri ekki úr
vegi að gefa henni knús eða alla vega segja
hæ!
Kvenfélagasambandið efnir til fjáröflun-
ar í samstarfi við kvenfélög um allt land í
tilefni 90 ára afmæli þess. Kvenfélagskonur
munu sjá um sölu á gullfallegum armbönd-
um og dásamlega góðu súkkulaði. Söfn-
uninni verður formlega ýtt úr vör á sjálfan
afmælisdaginn 1. febrúar á Bessastöðum,
en forseti Íslands er verndari Kvenfélaga-
sambandsins.
Safnað verður fyrir gjöf til Kvennadeild-
ar Landspítalans LSH; gefin verða tæki og
hugbúnaður sem nýtast munu um allt land.
Konur á landsbyggðinni þurfa þá ekki í eins
ríku mæli og áður að ferðast til Reykjavíkur
til að fá greiningu á ýmsu sem upp getur
komið og öryggi þeirra eykst umtalsvert
varðandi meðgöngu, fæðingu eða kvensjúk-
dóma. Um er að ræða „Gjöf til allra kvenna
á Íslandi“. Sjá nánar í næsta tölublaði Hús-
freyjunnar, sem er jákvætt og hvetjandi
tímarit sem KÍ hefur gefið út í 70 ár.
Kvenfélag Mosfellsbæjar tók á dögun-
um þátt í uppsetningu Þjóðleikshússins
á leikritinu Englinum, sýningu byggðri
á verkum Þorvalds Þorsteinssonar. Þetta
samstarf var virkilega skemmtilegt þar sem
kökubasar Kvenfélagsins var innsetning í
sjálfu leikritinu.
Kvenfélagskonur í Mosfellsbæ horfa
með bjartsýni fram á árið sem er rétt að
byrja, enda alltaf nóg af verkefnum sem
við viljum styrkja og styðja í nærumhverfi
okkar. Kærar þakkir til allra þeirra sem hafa
stutt okkur og aðstoðað í gegnum tíðina og
hjálpað okkur að hjálpa öðrum.
Gildi kvenfélaganna á Íslandi eru „Kær-
leikur, samvinna, virðing“ og endurspegla
þá samkennd sem einkennir starf kven-
félagskvenna. Kvenfélag Mosfellsbæjar
fundar fyrsta mánudag hvers mánaðar í
Safnaðarheimili Lágafellssóknar, gestir eru
velkomnir til okkar á félagsfundi sem sam-
anstanda af gamni og alvöru. Láttu sjá þig!
Stjórn KM
Dagur kvenfélagskonunnar 1. febrúar
Nú er rétti t íminn ti l að bóka
tíma í fermingarmyndatökuna
Helga Dögg Ljósmyndir
www.helgadogg.is / helgadogg@helgadogg.is
F E R M I NG
Nú er rétti t íminn ti l að bóka
tíma í fermingarmyndatökuna
Helga Dögg Ljósmyndir
www.helgadogg.is / helgadogg@helgadogg.is
F E R M I NG
Nú er rétt t íminn ti l að bóka
tíma í fermingarmyndatökuna
Helga Dögg Ljósmyndir
www.helgadogg.is / helgadogg@helgadogg.is
F E R M I NG
Nú er rétti t ími n ti l að bóka
tíma í fermingarmy d tökuna
Helga Dögg jósmyndir
www.helgadogg.is / hel ado g@helgadogg.is
F E R M I NG