Spássían - 2010, Síða 19

19
Meðlimir Scissor Sisters hafa verið duglegir að vinna með öðrum listamönnum og áhrifa
þeirra gætir víða:
The B-52’s voru
óneitanlega frumkvöðlar
í hamingjusama
diskópönkinu sem braut
allar reglur og augljósar
fyrirmyndir Scissor Sisters.
Árið 2008 vaknaði sveitin
úr 16 ára dvala og gaf út
plötuna Funplex. Í kjölfarið
gerðu Scissor Sisters remix
útgáfu af einu lagi þeirra.
Adam Lambert hefur sótt
í sama brunn og Scissor
Sisters og er tónlist hans
undir miklum áhrifum frá
rokki áttunda og níunda
áratugarins í bland við
nútíma rafhljóm. Ólíkt
þeim hefur honum
tekist að brjótast inn á
hinn gagnkynhneigða
Bandaríkjamarkað með
dyggri aðstoð American
Idol maskínunnar. Ef marka
má twitter samræður
milli hans og Jake Shear
er framtíðarsamstarf ekki
útilokað.
Lady Gaga virðist leita
fanga víða í sköpun sinni,
ekki síst frá Madonnu.
Hún segir Scissor Sisters
einnig mikla áhrifavalda
því heil hugsun sé að baki
hljómleikum þeirra, ekki
bara hvað tónlistina varðar
heldur líka útlit. Það sem
hún, Jake Shears og Adam
Lambert eiga hvað mest
sameiginlegt er að allt
glysið, fjörið og látalætin
eru framreidd af mikilli
fagmennsku og studd af
öflugri og þjálfaðri rödd.
Jake Shears og Babydaddy
skrifuðu og stjórnuðu
upptökum á smellinum
„I Believe in You“ sem
ástralska poppstjarnan
Kylie Minogue gaf út á
plötu sinni árið 2004.
tónlist