Spássían - 2010, Blaðsíða 22

22
„Ég vil rifja upp lýti liðinnar ævi og holdleg spjöll sálar minnar. Ekki sakir þess að ég
unni þessu, heldur til þess að unna þér, Guð minn.“1 Þannig hefur kirkjufaðirinn
Ágústínus víðfræga sjálfsævisögu sína um aldamótin 400. Árið 2010 hefur
viðskiptajöfurinn Jón Ásgeir Jóhannesson bréf til þjóðarinnar á jafn einlægum
og auðmjúkum nótum: „Ég sé skýrt eigin yfirsjónir og dreg enga fjöður yfir
þær þótt þungbærar séu.“ Hann fylgdi þar með í fótspor annarra auðjöfra
sem játað höfðu á sig syndir, ekki gegn Guði þó heldur íslensku fjármálakerfi.
Útrásarvíkingarnir birtust nú sem iðrandi syndarar fjármálamarkaðarins.
útrásarvíkinga