Spássían - 2010, Síða 35

35
Hyrjarhöfða 9, 110 Reykjavík
spesart(at)spesart.is
PERSÓNULEG GJÖF
Strigaprentanir
Neon skilti
Sandblástur
Viðgerðir, viðhald, sprautun, sérsmíði,
bílamerkingar og risaprentanir
OPIÐ neon skilti með eða án ramma,
inni eða úti, með eða án blikkara.
Sérsmíðum eftir máli, ýmsir litir í boði
Afmæli - Gifting - Ferming
Prentum ljósmynd á striga og
römmum inn. Tilvalin tækifærisgjöf.
KÍKTU VIÐ Á HEIMASÍÐU OKKAR:
Eða hafðu samband í
s: 5 7777 67
www.spesart.is
að bankakerfið var orðið allt of stórt fyrir
landið. Það er ekkert til að hreykja sér af
að hafa komið auga á það, ég meina hvers
konar fífl sáu það ekki?“ Hann segist
hafa tekið efnahagshruninu fagnandi og
heldur áfram að binda vonir við það. „Nýir
fjölmiðlar eru að fæðast og það er meiri
áhugi á því sem er íslenskt og þjóðlegt.
Því fylgja auðvitað ákveðnar hættur,
t.d. á þjóðernissinnuðum viðhorfum og
rasisma. En því geta líka fylgt jákvæðir
hlutir. Í stað þess að lifa í eilífu núi er
lögð rækt við rætur og menningu afa og
ömmu, þriggja vídda manneskja í stað
einnar víddar útrásarvíkinga. En ég veit
líka að hrunið verður og er djöfullegt fyrir
marga, fólk flýr úr landi og er mjög illa
statt fjárhagslega.“
Undanfarin ár hafa samtímabókmenntir
einkennst af þrá eftir veruleika, segir
Hermann. „Í þessu veruleikafirrta góðæri
var veruleikinn farinn, horfinn. Allir þessir
peningar voru bara loft, góðærið byggðist
á röngum reikningi. Höfundar reyndu að
finna veruleikann í blekkingamistrinu,
ég gerði það alla vega í mínum bókum.
Þessar hugmyndir eru svo sem komnar
til ára sinna í hugvísindum og má nefna
kenningar Baudrillards og Hals Fosters
sem skrifaði The Turn of the Real árið 2001.
Ég held reyndar að þeir hafi verið á undan
sinni samtíð: það var ekki fyrr en seinna
sem veruleikinn lét sig hverfa fyrir alvöru
en með einhverjum öðrum hætti samt.
Sýnin á veruleikann er skarpari núna. Þá
þarf að finna henni farveg áfram. Besti
flokkurinn hefur til dæmis mjög skýra sýn
á veruleikann og það er svakaleg þörf fyrir
hann. Ef við lítum á stefnumál þeirra má
nefna að þeir hafa ráðið Sjón sem ráðgjafa
í samgöngumálum. Hann er ekki með
bílpróf og fer allra sinna ferða í strætó. Í
jafnréttismálum lýsti Jón Gnarr því yfir að
konum þyki gaman að vaska upp og þess
vegna sé gott að fá þær í hreingerninguna
eftir hrunið. Þetta er mjög óforskammað
en afhjúpar fyrst og fremst það sem hinir
flokkarnir eru að hugsa en segja ekki, að
þeir byggja á staðalmyndum. Síðan má
gagnrýna Besta flokkinn fyrir að vera
ekki nógu jafnréttissinnaður í reynd.
En Jón Gnarr hefur tekið mark á þeirri
gagnrýni og fengið fleiri konur til liðs
við sig. Flokkurinn er bráðskemmtilegur
möguleiki og það mun koma í ljós hvernig
vinnst úr honum á næstu mánuðum. Ég
treysti honum til að gera eins vel og hann
getur og það var lán að fá svona framboð
núna en ekki til dæmis rasistaflokk.
Enginn annar flokkur hefur til dæmis
rutt Framsóknarflokknum frá, hreinlega
lagt hann niður. Fólk er hins vegar furðu
ólæst á þetta fyrirbæri. Jón Gnarr ræðst
á það hvernig stjórnmálamenn tala og
hafa talað. Hann ræðst ekki persónulega
á neinn stjórnmálamann og ekki einu
sinni á Sjálfstæðisflokkinn. Hann gerir
generískt grín að því hvernig stjórnmál
virka – og þau virka augljóslega ekki, af
mörgum ástæðum. Meðal annars vegna
orðræðuhefðarinnar: innihaldslausra
frasa og ræða. Það ríkir falskt raunsæi
og svo þegar komið er inn fyrir dyrnar
morar allt í spillingu og ógeði. Besti
flokkurinn getur ekki staðið sig verr en
hinir flokkarnir sem hafa t.d. hamast við
að gefa auðlindir, ja helst ræna þeim eða
einkavæða þær. En ég áskil mér rétt til að
vera áfram krítískur eins og alltaf - eins og
rithöfundar verða að vera.“
Auður Aðalsteinsdóttir
1 Hermann Stefánsson, „Eitthvað nýtt”, Lesbók
Morgunblaðsins, 9. júní 2007.
Hermann hefur gefið út
skáldfræðiritið Sjónhverfingar:
Fjarvistarsannanir fyrir íslenskan
veruleika (2003), ljóðabækurnar
Borg í þoku (2006) og Högg
á vatni (2009), smásögusafnið
Níu þjófalyklar (2004) og
skáldsögurnar Stefnuljós (2006)
og Algleymi (2008). Þá skrifaði
hann útvarpsleikritið Skyldan
kallar - pólitískur gamanleikur
(2009). Nú er hann með bók
í smíðum sem ber vinnuheitið
Játningar spunameistara.