Fréttablaðið - 19.06.2020, Síða 18

Þórunn Svein-
bjarnardóttir
bendir á að árið
1961 voru sett
lög um launa-
jafnrétti, árið
1976 urðu til
jafnréttislög.
FRÉTTABLAÐIÐ/
SIGTRYGGGUR ARI
Auðvelt er að leita
að því sem hugur-
inn girnist hverju sinni
og geta fyrirhafnarlaust
tryggt sér borð á uppá-
haldsveitingastaðnum.
Það skiptir miklu
máli fyrir konur að
ævitekjur þeirra hækki,
því það hefur meðal
annars áhrif á eftirlaun.
Þórunn segir að hingað til hafi konur þurft að sækja rétt sinn til dómstóla telji þær á sér
brotið, en þannig ætti það ekki að
þurfa að vera. „Drög að frumvarpi
um endurskoðuð jafnréttislög eiga
að líta dagsins ljós í sumar. Ég velti
því fyrir mér hvort löggjafinn taki
það skref að setja strangari viður-
lög við brotum á jafnréttislögum.
Hingað til hafa þau ekki verið
þung. Samkeppniseftirlitið hefur
til dæmis heimildir til að beita
hörðum viðurlögum og það verður
fróðlegt að vita hvort Jafnréttis-
stofa fái sambærilegar heimildir,“
greinir hún frá.
„Frá því um miðjan sjöunda
áratuginn hefur atvinnuþátttaka
kvenna farið úr því að vera mjög
lítil, upp í það að verða sú mesta
innan OECD-ríkjanna, eða um
það bil 80 prósent. Við getum
sagt að það sé ein birtingarmynd
byltingarinnar sem átt hefur sér
stað á vinnumarkaði og í sam-
félaginu. Konur hafa sótt fram á
öllum sviðum samfélagsins og eru
komnar í meirihluta þeirra sem
sækja sér háskólamenntun. Með
framþróun og þekkingaröflun
hafa störf sem konur unnu áður
kauplaust, þróast yfir í háskóla-
menntaðar stéttir, því að við
viljum byggja upp samfélag með
góðri menntun og bestu fáanlegri
þekkingu. Minni kynslóð var sagt
að leita sér allra bestu menntunar
Launamunur kynja enn baráttumál
Þórunn Sveinbjarnardóttir, formaður Bandalags háskólamanna, segist vonast til þess að
með nýjum og endurskoðuðum jafnréttislögum verði viðurlög við brotum hert.
og þá yrðu allir vegir færir í lífinu.
Þrátt fyrir þessa þróun eru
meðalatvinnutekjur kvenna með
háskólamenntun einungis 72% af
meðalatvinnutekjum karla, sam-
kvæmt mælingum Hagstofunnar.
Þetta sýnir kerfislægan launamis-
mun kynjanna á vinnumarkaði.
Ástæða þessa er meðal annars
verðmætamat þeirra starfa sem
konur gegna. Ofan á það bætist
svo kynbundinn launamunur í
sömu störfum. Við þessu þarf að
bregðast og það er eitt af megin-
verkefnum stéttarfélaga að bæta
laun og kjör allra sinna félaga.
Launajöfnun hefur þokast hægt
í rétta átt en sett voru lög árið
1961 um launajafnrétti, árið 1976
fengum við jafnréttislög og fyrir
tveimur árum gengu í gildi lög
sem banna mismunun á vinnu-
markaði. Það verður fróðlegt að
fylgjast með því hvernig þessi lög-
gjöf vinnur saman og hvaða áhrif
það hafi á vinnumarkaðinn,“ segir
Þórunn.
„Réttindi á vinnumarkaði eru
einstaklingsbundin og mikilvæg
sem slík. Það skiptir miklu máli
fyrir konur að ævitekjur þeirra
hækki, því það hefur meðal
annars áhrif á eftirlaun. Einnig
vil ég benda á önnur réttindi eins
og laun í fæðingarorlofi, sem eru
bundin við þátttöku á vinnu-
markaði. Í könnun sem BHM gerði
fyrr á þessu ári sagðist 71% þeirra
karla sem fullnýttu ekki fæðing-
arorlofið sitt, hafa gert það vegna
tekjuskerðingar. Það staðfestir að
tekjur stýra töku fæðingarorlofs.
Það kemur auðvitað verst niður á
körlunum sjálfum og börnunum
þeirra. Fæðingarorlofið á að
tryggja réttindi barna til að vera
með báðum foreldrum sínum á
þessu mikilvæga mótunarskeiði.
BHM hefur lengi bent á mikilvægi
þess að hækka hámarksgreiðslur í
fæðingarorlofi.“
Þegar Þórunn er spurð um hlut-
fall kvenna í stjórnunarstöðum,
svarar hún að margt hafi þokast
í þeim efnum hjá hinu opinbera.
„Á einkamarkaðnum eru ekki
margar konur í stjórnum stærstu
fyrirtækjanna. Þar virðist enn
vanta mikið upp á,“ segir hún og
bætir við að það sé umhugsunar-
efni hversu konur séu enn með
mikla ábyrgð á heimilinu, þrátt
fyrir að vera útivinnandi. „Þær
bera mikla ábyrgð á heimilis-
störfum og umönnun fjölskyldu-
meðlima. Ofan á þetta bætist
þriðja vaktin svokallaða, en hún
sér um allt skipulag á heimilinu,
stundaskrár barna, skipulag tóm-
stunda, afmælisboðin og jafnvel
umönnun aldraðra foreldra. Ég
velti því stundum fyrir mér hvað
myndi gerast í samfélaginu ef
konur myndu hætta öllum þessum
umframstörfum. Þetta er raun-
veruleikinn hjá fjölda mæðra á
vinnumarkaði. Við þurfum að
uppræta þessar rótgrónu hug-
myndir um hlutverk kvenna og
hleypa körlunum að,“ segir Þórunn
og bætir við að það yrði öllum til
góðs.
Ég ákvað að segja starfi mínu lausu hjá Arion banka árið 2015, eftir að hafa unnið
þar í eignastýringu og vöru-
þróun í fimm ár, til að stofna fyrir-
tækið Icelandic Coupons. Það er
afsláttar-app, upphaflega hugsað
fyrir ferðamenn, en er þess eðlis
að Íslendingar vilja ólmir nýta
sér þennan góða afslátt og nú eru
yfir 27 þúsund ánægðir Íslend-
ingar með appið,“ segir Inga Tinna
Sigurðardóttir, verkfræðingur og
framkvæmdastjóri Icelandic Cou-
pons og Dineout.
„Ég vann sem flugfreyja hjá Ice-
landair samhliða verkfræðinámi
mínu við HR og þegar ég sagði
upp í bankanum stökk ég aftur í
f lugfreyjustarfið. Þar má segja að
hugmyndin að Icelandic Coupons
hafi orðið til, því farþegar eru mjög
gjarnir á að spyrja flugfreyjur og
flugþjóna hvað þau mæla með að
gera á Íslandi og hvar sé best að
borða. Í Bandaríkjunum er líka
mjög rík „coupons“ menning en
þar sem engin nákvæm fyrirmynd
var fyrir slíkt hér á landi, ákvað
ég að búa til smáforrit í síma fyrir
afsláttarmiða og útkoman sló
strax í gegn,“ segir Inga Tinna.
Góður afsláttur í sumarfríinu
Dineout er tiltölulega ný vefsíða
sem á næstu vikum verður einnig
aðgengileg í gegnum app. Með
Dineout er leikur einn að finna
veitingastaði og bóka borð.
„Með tilkomu Icelandic Cou-
pons kom ég auga á að veitinga-
húsaeigendur voru flestir að notast
við stílabækur eða ófullkomin
bókunarkerfi til að halda utan um
bókanir sínar. Mér datt þá í hug
að þróa hugbúnað sem héldi utan
um bókanir veitingahúsa og ætlaði
mér þrjá mánuði í verkið, en það
tók þrjú ár að útbúa hugbúnað
sem gerir veitingahúsaeigendum
kleift að halda utan um bókanir
sínar og talar beint við Dineout á
þann hátt að bæði veitingastaðir
og almenningur geta bókað borð í
gegnum Dineout.is og þá þarf enga
mannlega hönd lengur til að sjá
um bókanir,“ útskýrir Inga Tinna.
Hún fékk öfluga forritara í lið
með sér til að skapa Dineout og
segir Dineout ekki hafa orðið það
sem það er í dag, nema með þeirra
framúrskarandi og flottu aðkomu
að verkinu.
„Það er skemmtilegt að segja frá
því að nú gefst gríðarlega góður
afsláttur í Icelandic Coupons-app-
inu, til að mæta því að Íslendingar
munu ferðast meira innanlands í
sumar vegna COVID-19. Í ástand-
inu sat Dineout-teymið því ekki
auðum höndum, heldur útbjó nýtt
og notendavænt kerfi sem tekur
á take away- og heimsendingar-
þjónustu á mat og nú geta bæði
veitingastaðir fengið slík kerfi
hjá okkur og neytendur notað
kerfið til að panta sér mat í takt við
tímana sem nú eru og allt nýtist
það vel í framtíðinni,“ segir Inga
Tinna.
Handhægt og einfalt
Dineout er einnig að fara í gang á
Spáni.
„Á Spáni er vöntun á hliðstæðu
bókunarkerfi og við hlökkum
mikið til að takast á við það spenn-
andi verkefni. Við vorum byrjuð á
því áður en heimsfaraldurinn skall
á, en erum að fara aftur af stað
núna,“ upplýsir Inga Tinna.
Alls eru yfir 80 íslenskir
veitingastaðir nú aðgengilegir í
gegnum Dineout og yfir 130 teg-
undir afsláttar í Icelandic Coupons
og sífellt bætist við.
„Fólk notar sér afsláttarmiðana
mikið. Það er einfalt og ókeypis að
hala niður appinu í Android- og
Apple-síma. Fyrstu tíu miðarnir
eru fríir, til að prófa, en greiða þarf
1400 króna árgjald til að geta nýtt
sér alla 130 miðana og með því
sparað sér stórar upphæðir á árs-
grundvelli,“ útskýrir Inga Tinna.
Í Icelandic Coupons býðst veg-
legur afsláttur af alls kyns afþrey-
ingu og þjónustu, allt frá ferðum,
hótelum, börum, verslunum,
veitingahúsum og allt þar á milli.
„Bæði Dineout og Icelandic
Coupons eru frábærir ferðafélagar
og einkar hagstætt að geta bókað
borð í gegnum Dineout, sem
býður afslátt hjá Icelandic Cou-
pons. Notendur Dineout tala líka
um hversu gott sé að geta leitað
eftir ákveðnum leitarskilyrðum í
Dineout, til dæmis þegar leitað er
að bröns, vegan eða barnvænum
stöðum, og hversu handhægt er að
geta tryggt sér borð á uppáhalds-
veitingastöðunum á annasömum
dögum eins og Menningarnótt og
17. júní. Báðir möguleikarnir auka
lífsgæði fólks, spara tíma og auka
enn á ánægju og góða upplifun.“
Skoðið dineout.is og hlaðið Icelan-
dic Coupons-appinu í símann fyrir
ferðalagið.
Ferðafélagar sem spara tíma og fé
Lífsgæðin aukast, sem og hamingjan, með tilkomu vefsíðunnar Dineout og appinu Icelandic Cou-
p ons. Þar gefst æðislegur afsláttur á landsvísu og hægt að bóka borð á yfir 80 veitingahúsum.
Inga Tinna Sigurðardóttir er framkvæmdastjóri Dineout og Icelandic Coupons. FRÉTTABLAÐIÐ/ERNIR
4 KYNNINGARBLAÐ 1 9 . J Ú N Í 2 0 2 0 F Ö S T U DAG U RKVENRÉTTINDABLAÐIÐ