Dagblaðið Vísir - DV - 05.06.2020, Qupperneq 30

Guðmundur Franklín Jónsson lýsir venju­legum degi í lífi sínu:
„Ég vakna alltaf á milli 02.30
og 03.30, sofna aftur í sirka tvo
tíma og er kominn á lappir á
milli 05.00 og 06.00. Tíminn
snemma á morgnana nýtist
mér best og hugurinn er skýr.
Venjulega tek ég langan göngu­
túr á morgnana, eða fer í sund
eða stunda líkamsrækt. Það fer
eftir því hvar ég er staddur.“
Eftir góða byrjun á deginum
sest Guðmundur Franklín við
tölvu.
„Tíminn fer mikið í að svara
skilaboðum. En ég svara öllum
skilaboðum strax og þoli ekki
að sjá ósvöruð skilaboð í inn­
hólfinu, hvort sem það er tölvu­
póstur, messenger, SMS, Face­
book og svo framvegis. Ég er
svo heppinn að hafa gott fólk
með mér og í kringum mig.
Stundum hreinlega finnst mér
mér ofaukið og tek eins lítið
pláss og hægt er,“ segir hann.
„Ég horfi ekki á sjónvarp
sjónvarps vegna og er sofnað­
ur klukkan átta, með iPadinn.
Er þó alltaf í sambandi allan
sólarhringinn, sem er dæmi­
gert líf hótelstjóra.“
Alæta á mat
Guðmundur Franklín segist
ekki fylgja sérstöku mataræði.
„Ég er alæta á mat, fréttir,
upplýsingar og nýjar hug­
myndir. Ég borða mest hollan
mat og sem minnst unninn en
lífrænan ef hægt er. Ég borða
mikið af ávöxtum og græn­
meti. Ég elska öll ber og nota
ber sem snakk,“ segir hann.
„Ég borða oftast á hlaupum.
En get þó sest niður og slakað
á yfir góðum mat á góðri stund
með góðu fólki, en félagsskap­
urinn verður að vera réttur. Ég
er eins og ljónin, borða þegar
ég er svangur.“
Elskar eldhús
Guðmundur Franklín segist
vera mikið í eldhúsinu.
„Ég elska öll eldhús og þar
líður mér best, ég er hræðileg­
ur þegar ég kem í heimsókn,
því ég fer beint inn í eldhús
og þarf að halda aftur af mér
til að kíkja ekki í ísskápinn,“
segir hann.
„Í hótelrekstri verða menn
að geta eldað og hafa vit á mat.
Ég get búið til dýrindismáltíð
þegar ég set hjarta og ást í
matargerðina.“
Uppáhaldsmáltíð Guðmund­
ar Franklíns er osso bucco,
lambaskanki eða saltfiskur.
„Þetta er hægt að kokka á
hundrað vegu,“ segir hann. n
New York ostakaka
Botninn
85 g smjör, smá auka til að smyrja
formið
140 g haframjöl
1 msk. sykur
Hitaðu ofninn, með ofnplötunni, í
180 gráður.
Settu bökunarpappír í form. Bræddu
smjörið á pönnu. Hrærðu haframjöl-
inu og sykrinum við. Helltu blönd-
unni í formið og þrýstu henni niður.
Bakaðu svo í tíu mínútur. Kældu.
Fyllingin
900 g rjómaostur
250 g hrásykur
3 msk. hveiti
1 ½ tsk. vanilludropar
Smátt rifinn sítrónubörkur, um 2
tsk., bara ysta lagið
1 ½ tsk. sítrónusafi
3 stór egg, plús ein eggjarauða
1 ½ dós sýrður rjómi
Hækkaðu hitann á ofninum í 220
gráður. Þeyttu rjómaostinn á miðl-
ungshraða með hrærara, þar til hann
er silkimjúkur, í um tvær mínútur.
Stilltu hrærivélina á lágan hraða,
bættu svo hrásykrinum, hveitinu og
smá salti saman við. Skafðu reglu-
lega niður með hliðum skálarinnar.
Skiptu út hræraranum fyrir þeytara.
Bættu við vanilludropum, sítrónu-
berki, sítrónusafa og eggjum.
Hrærðu 1 ½ dós af sýrðum rjóma.
Skildu rest eftir í kremið. Gættu þess
að hræra ekki of mikið. Blandan ætti
að vera létt og mjúk í sér.
Smyrðu kökuformið með bræddu
smjöri og klæddu með bökunarpapp-
ír. Helltu fyllingunni í, taktu kögglana
úr með hníf. Bakaðu í tíu mínútur.
Lækkaðu hitann í 110 gráður og
bakaðu í 45 mínútur í viðbót. Slökktu
á ofninum og opnaðu ofnhurðina ef
þú vilt hafa ostakökuna mjúka í miðj-
unni, eða hafðu hurðina lokaða ef
þú vilt hafa hana ögn þurrari. Leyfðu
kökunni að kólna í tvo tíma.
Kremið
½ dós sýrður rjómi
1 msk. hrásykur
2 tsk. sítrónusafi
Blandaðu restinni af sýrða rjóm-
anum við 1 msk. af hrásykri og 2
tsk. af sítrónusafa. Settu það yfir
ostakökuna, alveg að brún. Settu
álpappír yfir kökuna og kældu í alla-
vega átta tíma, eða yfir nótt.
Matseðill
Guðmundar
Franklíns
Morgunmatur
Kaffi, kaffi, kaffi... og eitthvað
sætt.
Hádegismatur
Á hlaupum, oftast samloka.
Kvöldmatur
Það sem er á boðstólum. Ég er
alæta og elska allan mat og alltaf
tilbúinn til að prófa eitthvað nýtt.
Guðmundur Franklín Jónsson borðar yfirleitt á hlaupum en elskar að verja tíma í eldhúsinu. MYND/HILLI
MYND/BBC GOOD FOOD
Ég er eins og ljónin,
borða þegar ég er svangur
Guðrún Ósk
Guðjónsdóttir
gudrunosk@dv.is
Guðmundur Franklín, viðskipta-
og hagfræðingur, gefur kost á
sér í embætti forseta Íslands í
kosning unum 27. júní. Hvað ætli
maðurinn sem vill „berjast gegn
spillingu“ borði ?
30 MATUR 5. JÚNÍ 2020 DV