Íþróttablaðið - 01.10.1966, Blaðsíða 18

sínum að vera til styrktar hinu fé-
lagslega starfi sambandsaðila ISÍ,
þar sem yfir hálf milljón króna
rann til þeirra.
Því ákvað framkvæmdastjórnin að
stofna til annars landshappdraettis,
ef það væri i samræmi við vilja sam-
bandsaðila ISl, og skrifaði umburð-
arbréf með fyrirspurn um þetta efni
til allra héraðssambanda ISl 25. febr.
1965. Öll þau héraðssambönd, sem
svöruðu fyrirspurninni, létu í ljós
óskir um, að landshappdrættið yrði
aftur upp tekið, og var það gert og
Baldur Jónsson fenginn til að hafa
umsjón með því.
Þessu landshappdrætti nr. 2 var
hleypt af stokkunum í júlí 1965, og
stóð það yfir þann mánuð, ágúst,
september og október, en í nóvember
var dregið hjá borgardómaranum í
Heykjavik.
Vinningar voru tvær bifreiðar
(Ford Cortina og Willys Jeep) og
tíu kæliskápar. Samanlangt verð-
mæti þeirra var um hálf milljón kr.
Verð happdrættismiða var sama og
áður og sölulaun hin sömu.
Happdrættismiðarnir voru sendir
héraðssamböndunum til dreifingar,
og þeim fylgdi umburðarbréf til
skýringar. Mikil auglýsingaherferð
var hafin í áróðursskyni í blöðum og
útvarpi, en því miður var árangur-
inn ekki eins og vonir stóðu til. Sér-
staklega var áberandi, hvað verra
var en áður að fá sum héraðssam-
böndin til að gera skil. Engu að síð-
ur skilaði happdrættið svipuðu fjár-
magni og áður til sambandsaðila Isl
eða um hálfri milljón króna.
Með tilliti til, hversu landshapp-
drættið hefur gefið sambandsaðilum
ISl mikla möguleika til fjáröflunar,
hefur framkvæmdastjórnin afráðið
að koma enn á landshappdrætti og
þá því þriðja í röðinni, enda er það
í samræmi við þau nefndarálit, sem
urðu til á formannafundinum 3. des.
1965. Sú breyting verður þó frá fyrra
fyrirkomulagi, til þess að auka fjár-
öflunarmöguleika aðila ISl, að sölu-
laun verða hækkuð og fara hækk-
andi, eftir því sem fleiri miðar verða
seldir.
Sölulaun verða hækkuð úr 50% í
60% og fara síðan stighækkandi,
þannig, að þeir aðilar, sem selja eigi
minna en tvo miða á félaga, fá 70%
í sölulaun og þeir, sem selja þrjá
miða og meira á félaga, fá 80% í
sölulaun. (Sjá þó samþykkt íþrótta-
þings um landshappdrættið). Það sem
gerir kieift að hafa sölulaunin svo
há, er, að ISl hefur vegna lands-
happdrættisins haft nokkurn hagn-
að, sem nú er ákveðið að renni til
sambandsaðilanna með hinum óvenju-
háu sölulaunum.
Þá hefur verið ákveðið, að sér-
samböndin fái að vera með í sölu
happdrættismiðanna.
Þetta þriðja landshappdrætti ISl
hefst 15. ágúst 1966 og mun Baldur
Jónsson hafa umsjón með því sem
hinum fyrri.
Vinningar verða: Ford Cortina
bifreið, árgerð 1967, Willys Jeep bif-
reið, Racer Cruiser kappsiglari,
Hraðbátur WITH 200 m/utanborðs-
vél, þrír Westinghouse kæliskápar
og fimm Husquarna saumavélar af
fullkomnustu gerð.
Þess er að vænta, að sambandsað-
ilar ISl bregðist nú vel við og nýti
vel þann möguleika, sem landshapp-
drætti ISl gefur þeim til fjáröflunar.
Slysatrygging íþróttamanna.
Slysatryggingasjóður Iþróttasam-
bands Islands, sem stofnaður var á
árinu 1963, afgreiddi allar umsóknir
sem sjóðnum bárust, að einni und-
anskilinni, sem var ófullnægjandi
samkv. reglugerð. Árið 1964 voru
bótagreiðslur úr sjóðnum kr. 6.622,40.
Þau héraðssambönd, sem nú eru að-
ilar að slysatryggingasjóði, eru þessi:
Iþróttabandalag Akraness,
Ungmennasamband Kjalarnesþings
Ungmennasamband Borgarfjarðar,
Héraðssamband Snæfellsness- og
Hnappadalssýslu,
Héraðssamband V.-lsfirðinga,
Iþróttabandalag Isafjarðar,
Héraðssamband Strandamanna,
Ungmennasamband Skagafjarðar,
Iþróttabandalag Siglufjarðar,
Ungmennasamband Eyjafjarðar,
Iþróttabandalag Akureyrar,
Héraðssamband S.-Þingeyinga,
Ungmenna- og íþróttasamband
Austurlands,
Héraðssambandið Skarphéðinn,
Iþróttabandalag Vestmannaeyja,
Iþróttabandalag Suðurnesja,
Iþróttabandalag Keflavíkur,
íþróttabandalag Hafnarfjarðar.
Svo sem sjá má af upptalningu
þessari, eru 18 héraðssambönd aðilar
að slysatryggingasjóðnum, og eru þá
8 héraðssambönd utan hans. Er það
óviðunandi og hlýtur að skapa þeim
aðilum, sem enn eru utangátta við
sjóðinn, öryggisleysi, ásamt því sem
það gerir tekjur og greiðslumögu-
leika hans stórum minni.
Er því rík ástæða til þess að hvetja
þau héraðssambönd, sem enn eru
utan slysatryggingasjóðsins, að ger-
ast nú þegar aðilar að honum.
Eignir slysatryggingasjóðs ISl
voru um s. 1. áramót, eins og fram
kemur í reikningum, kr. 218.196,48.
Trúnaðarlæknir sjóðsstjórnar er
Ulfar Þórðarson læknir.
Vetraríþróttamiðstöð á Akureyri.
Á formannafundinum 3. desember
1965 ræddi forseti ISl um þá hug-
mynd, að miðstöð vetraríþrótta yrði á
Akureyri. 1 febrúar 1966 hélt fram-
kvæmdastjórinn fund með iþróttafull-
trúa ríkisins, Þorsteini Einarssyni, og
formanni Skíðasambands Islands,
Stefáni Kristjánssyni, þar sem rætt
var um mál þetta og þá þann mögu-
leika að lána úr lána- og fram-
kvæmdasjóði ÍSl kr. 500.000.00 til
þess að koma upp fullkominni skíða-
lyftu við Skíðahótelið I Hlíðarfjalli
við Akureyri.
Eftir fund þennan boðaði fram-
kvæmdastjórnin á fund sinn Isak
Guðmann, formann Iþróttabandalags
Akureyrar, og Hermann Sigtryggs-
son, íþróttafulltrúa, Akureyri, og
samþykkti síðan, að íþróttamiðstöð
fyrir vetraríþróttir yrði staðsett á
Akureyri.
Þessi samþykkt var tilkynnt á árs-
þingi Iþróttabandalags Akureyrar ■—
og á blaðamannafundi, sem haldinn
var daginn eftir á Akureyri, en þar
mættu úr framkvæmdastjórn ISI:
Gísli Halldórsson, Sveinn Björnsson,
Þorvarður Árnason og framkvæmda-
stjóri ISl.
Hér á eftir fer greinargerð fram-
kvæmdastjórnarinnar fyrir þeirri
ákvörðun að samþykkja, að Akureyri
skuli vera miðstöð vetraríþrótta, og
lánveitingar til skíðalyftu þar:
Liggja margar ástæður til þeirrar
ákvörðunar, m. a. hið mikla framtak
Akureyringa með byggingu hins
glæsilega skíðahótels í Hlíðarfjalli og
allra þeirra mannvirkja, sem því
fylgja, svo og góðar samgöngur við
Akureyri og að við skíðahótelið eða
186