Fréttablaðið - 27.06.2020, Qupperneq 4

BJÓÐUM UPP Á
35” - 40” BREYTINGARPAKKA
FRÁ ÞJÓNUSTUVERKSTÆÐI ÍSBAND
EIGUM FLESTAR GERÐIR TIL
AFHENDINGAR STRAX
ÍSBAND UMBOÐSAÐILI RAM Á ÍSLANDI
RAM 3500
BÍLL Á MYND RAM 3500 LARAMIE SPORT MEGACAB MEÐ 35” BREYTINGU
VERÐ FRÁ 7.302.000 KR.
ÁN VSK. 9.405.480 KR. M/VSK.
UMBOÐSAÐILI JEEP® OG RAM Á ÍSLANDI • ÍSLENSK-BANDARÍSKA • ÞVERHOLT 6 • 270 MOSFELLSBÆR
S. 590 2300 • WWW.ISBAND.IS • ISBAND@ISBAND.IS • OPIÐ VIRKA DAGA 10-18
TÖLUR VIKUNNAR 21.06.2020 TIL 27.06.2020
73
einstaklingar eru með skráð
lögheimili á Bræðraborgarstíg 1
sem brann í vikunni.
57
prósent Íslendinga telja
kynþáttafordóma algenga
á Íslandi.
310
milljóna króna bónus mun
renna til stjórnarmanna Klakka,
vegna árangurs við sölu.
195
milljónir króna vantar upp á að
Ríkisútvarpið standi við skuldbind­
ingar sínar í þjónustusamningi.
2,3
prósenta lækkun var á verði
sjávarafurða í erlendri mynt,
í maímánuði síðastliðnum.
Þrjú í fréttum
Kærunefnd,
hvatning og
kvikmyndir
Sigurður Ingi Jóhannsson
samgöngu- og sveitar-
stjórnarráðherra
sendi bréf með
hvatningu til
sveitarfélaga
um að lækka
álagningarpró-
sentu, til að koma
til móts við hækkun
fasteignamats. Er þá fyrst og
fremst horft til atvinnuhúsnæðis.
„Ljóst er að tekjur sveitarfélaga
af fasteignaskatti hafa hækkað
verulega á umliðnum árum og
því mikilvægt að halda aftur af
frekari hækkunum á tímum sem
þessum,“ segir í bréfinu.
Lilja Dögg Alfreðsdóttir
mennta- og menn ing ar-
mála ráð herra
ætlar að höfða
mál gegn Hafdísi
Helgu Ólafs-
dóttur, skrif-
stofustjóra í
forsætisráðuneyt-
inu, sem kærunefnd
jafnréttismála taldi að ráðherrann
hefði brotið á þegar gengið var
fram hjá henni við ráðningu í emb-
ætti ráðuneytisstjóra.
Kristinn Þórðarson
formaður Sambands íslenskra
kvikmyndaframleiðenda
sagði að rannsaka
þyrfti greiðslur
Ríkisútvarpsins
til sjálfstæðra
framleiðenda.
Segir hann að ef
greiðslurnar séu
löglegar, þá séu þær
ekki í anda þjónustusamningsins.
Ríkisútvarpið hafi forskot á
markaðnum og ætti að fara fram
með góðu fordæmi.
STÓRIÐJA Fyrirhuguð framleiðslu-
stöðvun kísilmálmframleiðandans
PCC á Bakka gæti kostað Lands-
virkjun yfir 300 milljónir króna á
ársgrundvelli, ef miðað er við raf-
orkuverð upp á 25 dollara á mega-
vattstund og 80 prósenta lágmarks-
kaupskyldu PCC. Tilkynnt var í
vikunni að PCC myndi hætta starf-
semi tímabundið í lok júlímánaðar,
aðeins fjórum mánuðum eftir að
tilkynnt var um endurfjármögnun
fyrirtækisins. Engar ákvarðanir
hafa verið teknar innan Landsvirkj-
unar vegna stöðvunar PCC, segir
talsmaður Landsvirkjunar.
Orkuþörf PCC á Bakka á fullum
afköstum er um 456 þúsund mega-
vattstundir á ári. PCC er skuld-
bundið til að standa skil á greiðsl-
um til Landsvirkjunar þrátt fyrir að
starfsemin stöðvist, en í orkusölu-
samningum sem þessum (e. take or
pay) er algengt að kaupskylda hvíli
á kaupandanum, um að minnsta
kosti 80 prósent af umsaminni
orku, óháð því hvort rafmagnið er
notað eða ekki. Rúnar Sigurpálsson,
framkvæmdastjóri PCC á Íslandi,
vildi ekki upplýsa hver lágmarks-
kaupskylda PCC gagnvart Lands-
virkjun væri.
„Það hefur engin ákvörðun
verið tekin innan Landsvirkjunar
vegna boðaðrar, tímabundinnar
stöðvunar PCC Bakka. Sú stöðvun
á að koma til framkvæmda síðar í
sumar og þá munu mál eflaust hafa
skýrst,“ segir Ragnhildur Sverris-
dóttir, talsmaður Landsvirkjunar.
„PCC Bakki er mikilvægur við-
skiptavinur Landsvirkjunar og
mikilvægur atvinnuveitandi og við
vonum sannarlega að markaðsað-
stæður breytist til hins betra sem
fyrst,“ bætir Ragnhildur við.
Hugsanlegt tekjutap af minni
raforkukaupum Bakka, miðað við
ofangreindar forsendur, er ekki
stórt í samhengi rekstrar Lands-
virkjunar, en tekjur fyrirtækisins á
síðasta ári námu yfir 70 milljörðum
króna. Þó að smátt sé, eru tíðindin
þó enn eitt höggið á rekstur fyrir-
tækisins. Landsvirkjun lækkaði
nýlega verð til stórnotenda um allt
að 25 prósent vegna erfiðrar stöðu á
mörkuðum um heim allan. Áætlað
er að þær verðlækkanir muni kosta
einn og hálfan milljarð á þessu ári.
Öllu stærra áhyggjuefni Lands-
virkjunar er að raforkuverð í Evr-
ópu hefur hrunið á undanförnum
mánuðum. Nýr orkusölusamning-
ur Landsvirkjunar og Norðuráls,
sem rekur álverið á Grundartanga,
tók gildi í nóvember síðastliðnum
og er tengdur við Nord Pool-raf-
orkuverðið í Evrópu. Meðalverð á
Nord Pool stóð í 42 evrum að með-
altali í nóvember síðastliðnum, en
í lok þessarar viku stóð sama verð í
1,59 evrum á megavattstund og því
væntanlega glatt á hjalla á Grundar-
tanga um þessar mundir.
Um er að ræða meira en 96 pró-
senta lækkun og því einsýnt að
Norðurál er væntanlega sá við-
skiptavinur Landsvirkjunar sem
borgar lægsta verðið um þessar
mundir. Fram kom í ársskýrslu
Landsvirkjunar fyrir síðasta ár, að
áhættuvarnir gegn sveiflum á Nord
Pool-raforkumarkaðnum séu ekki
fyrir hendi. Norðurál kaupir alla
jafna um 10 prósent af því rafmagni
sem Landsvirkjun framleiðir.
thg@frettabladid.is
Annað högg á Landsvirkjun
Þrátt fyrir að kísilmálmbræðsla PCC á Bakka muni stöðvast, mun fyrirtækið enn þurfa að standa skil á
lágmarksgreiðslum til Landsvirkjunar, sem hefur engar ákvarðanir tekið vegna stöðvunar PCC.
Endurfjármögnun nýlokið
Tilkynnt var í apríl á þessu ári að
rekstur PCC á Bakka hefði verið
fjárhagslega endurskipulagður.
Samkvæmt samkomulaginu
var kísilverinu veittur frestur á
greiðslu vaxta og afborgana og
þá mun þýska fyrirtækið PCC SE,
sem á 86,5 prósenta hlut á móti
13,5 prósenta hlut Bakkastakks,
leggja fram 40 milljónir Banda­
ríkjadala, jafnvirði 5,6 milljarða
króna, í reksturinn í formi hlut­
hafaláns. Bakkastakkur er félag
í eigu íslenskra lífeyrissjóða og
Íslandsbanka. Framlag Bakka­
stakks var víkjandi og breytan­
legt skuldabréfalán, með 8,5
prósenta vöxtum. Árlegar vaxta­
greiðslur af bréfinu áttu að nema
800 milljónum króna.
Önnur af tveimur túrbínum við Kröflu er nú stopp en það er ekki sagt tengjast stöðvun PCC. FRÉTTABLAÐIÐ/VILHELM
2 7 . J Ú N Í 2 0 2 0 L A U G A R D A G U R4 F R É T T I R ∙ F R É T T A B L A Ð I Ð