Fréttablaðið - 27.06.2020, Blaðsíða 6

Hér í heimi er ekki
sjálfgefið að geta
haldið á kjörstað og kosið
sér fulltrúa á þing eða
þjóðhöfðingja.
Það er búið að vera
alveg frábært að
ferðast í kringum landið og
hitta allt þetta góða og
duglega fólk sem býr á
Íslandi.
KÁTASTA.
KVIKMYND.
ALLRA. TÍMA.
KOMIN Í BÍÓ
MEÐ ÍSLENSKU OG ENSKU TALI
Hvernig hefur kosningabaráttan
gengið?
Hún hefur gengið alveg glimrandi
vel. Það er búið að vera alveg frá-
bært að ferðast í kringum landið og
hitta allt þetta góða og duglega fólk
sem býr á Íslandi.
Hvað kom mest á óvart í kosninga-
baráttunni?
Hvað ráðamenn hafa leyft sér að
ganga nærri þjóðinni með skatt-
heimtu, skerðingum og lítilli hjálp
við erfiðar aðstæður.
Það er hægt að gera svo miklu
betur og þetta þarf alls ekki að vera
svona.
Hvað tekur við náir þú ekki kosn-
ingu?
Ég bara hreinlega veit það ekki.
Ekkert ákveðið enn.
Lokaskilaboð til kjósenda
Mætum öll á kjörstað í dag og kjós-
um eftir eigin sannfæringu.
Guðmundur Franklín Jónsson
Hvernig hefur kosningabaráttan
gengið?
Hún hefur gengið vonum framar.
Hvarvetna hef ég fundið fyrir
stuðningi, velvild og hlýhug. Fyrir
það þakka ég innilega. Mér þykir
líka vænt um að Íslendingar virðast
sammála mér um að forseta beri að
stuðla að samhug í samfélaginu,
fagna fjölbreytni og frelsi, hampa
því sem vel gekk fyrr á tíð, benda
líka á það sem miður fór en horfa
um leið björtum og raunsæjum
augum fram á veg.
Hvað kom mest á óvart í kosninga-
baráttunni?
Í þessu embætti lærist manni
f ljótt að láta fátt koma sér í opna
sk jöldu, vera v iðbúinn hinu
óvænta, vera fastur fyrir þegar á
þarf að halda en sýna stillingu,
sama á hverju gengur. Í kosninga-
baráttunni hefur margt verið fyrir-
sjáanlegt og ekkert komið á óvart.
Blessunarlega hef ég fundið sama
meðbyr og fyrr á forsetastóli, og það
fæ ég seint fullþakkað.
Hvað tekur við náir þú ekki kosn-
ingu?
Ný ævintýri, nýjar áskoranir.
Hvern einasta dag í nær fjögur ár hef
ég fundið hversu einstakur heiður
það er að gegna embætti forseta
Íslands. Um leið veit ég að hamingja
mín og lífsgleði ræðst ekki af því
hvaða stöðu ég gegni í samfélaginu
heldur því að eiga góða að, njóta
góðrar heilsu og því að geta sagt við
sjálfan sig að kvöldi: Þetta var góður
dagur, nú hlakka ég til næsta dags.
Lokaskilaboð til kjósenda
Við skulum fagna þessari lýðræðis-
hátíð saman. Hér í heimi er ekki
sjálfgefið að geta haldið á kjörstað
og kosið sér fulltrúa á þing eða þjóð-
höfðingja. Við skulum nýta þennan
rétt saman og minnast þess um leið
að þrátt fyrir öll þau ólíku sjónar-
mið og ólíku hagsmuni sem eiga að
ríkja í öflugu samfélagi er það mun
meira sem sameinar okkar en það
sem sundrar okkur. Og eitt af því
sem við eigum að geta sameinast
um er embætti forseta Íslands.
Guðni Th. Jóhannesson
FORSETAKOSNINGAR Íslendingar
kjósa sér í dag forseta til næstu
fjögurra ára.
Í stærstu sveitarfélögum landsins
eru kjörstaðir opnir frá klukkan 9 til
22 en opnunartími getur verið mis-
munandi í minni sveitarfélögunum.
Allar upplýsingar um kjörstaði er að
finna á vefnum kosning. is.
Kosningarnar í dag eru níundu
almennu forsetakosningarnar í
sögu lýðveldisins. Tveir eru í fram-
boði, þeir Guðni Th. Jóhannesson,
sitjandi forseti, og Guðmundur
Franklín Jónsson.
Samkvæmt skoðanakönnunum
bendir allt til öruggs sigurs Guðna
sem hefur mælst með rúmlega 90
prósenta fylgi.
Síðdegis í gær höfðu um 52 þús-
und manns kosið utankjörfundar
sem er umtalsvert meira en fyrir
f jórum árum. Víðir Reynisson
yfirlögregluþjónn greindi frá því
á blaðamannafundi í gær að ekki
hefðu fundist leiðir til þess að ein-
staklingar í sóttkví gætu kosið.
Kjörsóknin fyrir fjórum árum var
tæp 76 prósent en hún fór undir 70
Fólkið velur sér forseta
1952 82,0%
1968 92,2%
1980 90,5%
1988 72,8%
1996 85,9%
2004 62,9%
2012 69,3%
2016 75,7%
✿ Kosningaþátttaka
prósent bæði 2012 og 2004. Sögu-
lega séð hefur kjörsókn í forseta-
kosningum verið mikil ef undan eru
skildar kosningarnar 1988. Þá var í
fyrsta framboð gegn sitjandi forseta
en Vigdís Finnbogadóttir hlaut yfir-
burðakosningu.
Á kjörskrá eru 252.217 einstakl-
ingar sem eru rúmlega sjö þúsund
fleiri en í kosningunum 2016.
Hlutfallslega f lestir kjósendur
búa í Suðvesturkjördæmi eða 28,8
prósent. Í Reykjavíkurkjördæmi
norður búa 18,3 prósent og 17,8 pró-
sent í Reykjavík suður. Þá eru 14,8
prósent í Suðurkjördæmi, 11,8 pró-
sent í Norðausturkjördæmi og 8,5
prósent í Norðvesturkjördæmi. – sar
2 7 . J Ú N Í 2 0 2 0 L A U G A R D A G U R6 F R É T T I R ∙ F R É T T A B L A Ð I Ð