Fréttablaðið - 27.06.2020, Qupperneq 12

Á blaðamannafundi í
gær kom fram að lögreglan
hafi verið kölluð að húsinu
nóttina áður en eldurinn
kviknaði.
BRUNI Í VESTURBÆNUM
Lögreglan telur rökstuddan grun leika á því að eldurinn sem kom upp í húsi á horni
Bræðraborgarstígs og Vesturgötu
á fimmtudaginn hafi kviknað af
mannavöldum. Þrír létust í brun-
anum og liggja tveir til viðbótar
á sjúkrahúsi en einn hefur verið
útskrifaður.
Maður á sjötugsaldri sem var
íbúi í húsinu hefur verið úrskurð-
aður í vikulangt gæsluvarðhald en
hann var handtekinn við rússneska
sendiráðið skömmu eftir að eldur-
inn kom upp.
Upptök eldsins virðast hafa verið
í eða við vistarverur mannsins en
rannsókn lögreglunnar miðast við
að eldurinn hafi verið kveiktur af
mannavöldum og er málið rann-
sakað sem sakamál.
Eins og sjá má er húsið gjörónýtt eftir brunann en tilkynnt var um eldinn klukkan 15.15 og komu fyrstu viðbragðsaðilar á vettvang fimm mínútum síðar. Slökkvistarfi lauk ekki fyrr en klukkan
hálf fjögur aðfaranótt föstudags. Rannsókn á tildrögum brunans stendur yfir en lögreglan hefur rökstuddan grun um að eldurinn hafi kviknað af mannavöldum. FRÉTTABLAÐIÐ/ANTON BRINK
Maður á sjötugsaldri sem bjó í húsinu var úrskurðaður í vikulangt gæsluvarðhald í Héraðsdómi Reykjavíkur. Hann
var handtekinn við rússneska sendiráðið skömmu eftir að eldurinn kom upp í gær. FRÉTTABLAÐIÐ/SIGTRYGGUR ARI
Tveir köstuðu sér út af þriðju hæð hússins en einum var bjargað með stiga. Lík tveggja einstaklinga fundust í hús-
inu en ekki hefur tekist að bera kennsl á þau. Einn var úrskurðaður látinn á sjúkrahúsi. FRÉTTABLAÐIÐ/SIGTRYGGUR ARI
Aðstæður voru erfiðar á vettvangi brunans. FRÉTTABLAÐIÐ/SIGTRYGGUR ARI
Frá blaðamannafundi lögreglunnar og slökkviliðsins. FRÉTTABLAÐIÐ/VALLI
Harmleikur af mannavöldum
2 7 . J Ú N Í 2 0 2 0 L A U G A R D A G U R12 F R É T T I R ∙ F R É T T A B L A Ð I Ð