Fréttablaðið - 21.07.2020, Blaðsíða 4

Fáðu fréttablað dagsins í
tölvupósti kl. 3.00 á morgnana.
Skráðu þig á póstlista blaðsins á
www.frettabladid.is#nyskraning
Það kostar ekkert.
Vertu fyrst/ur
að lesa blaðið
Við munum bæta
við okkur starfs-
fólki og búnaði til að mæta
aukinni eftirspurn
Ásgeir Ásgeirsson,
framkvæmdastjóri
Pólsk stjórnvöld hafni
því þó alfarið að tengsl séu
milli forsetakosninganna og
uppsagnar Jakubs.
UMBOÐSAÐILI JEEP® OG RAM Á ÍSLANDI • ÍSLENSK-BANDARÍSKA • ÞVERHOLT 6 • 270 MOSFELLSBÆR
S. 590 2300 • WWW.ISBAND.IS • ISBAND@ISBAND.IS • OPIÐ VIRKA DAGA 10-18
VERÐ FRÁ: 11.990.000 KR.
JEEP® WRANGLER RUBICON
• BENSÍN 273 HÖ / DÍSEL 200 HÖ
• 8 GÍRA SJÁLFSKIPTING
• ROCK-TRACK® FJÓRHJÓLADRIF
• SELECT-TRAC® MILLIKASSI
• TRU-LOCK® 100% DRIFLÆSINGAR AÐ FRAMAN OG AFTAN
• AFTENGJANLEG JAFNVÆGISSTÖNG AÐ FRAMAN
• HEAVY DUTY FRAM- OG AFTURHÁSING
• BAKKMYNDAVÉL MEÐ BÍLASTÆÐAAÐSTOÐ
FÁANLEGUR MEÐ 35”, 37” EÐA 40” BREYTINGU
Á ALVÖRU JEPPA MEÐ ALVÖRU FJÓRHJÓLADRIFI
STAÐALBÚNAÐUR M.A.:
FERÐASTU UM ÍSLANDALLT
BÍLL Á MYND: JEEP® WRANGLER RUBICON 35” BREYTTUR
TÆKNI Meltingarensím úr íslensk-
um þorski gætu gegnt lykilhlutverki
sem vörn gegn COVID-19 sjúk-
dómnum, samkvæmt bráðabirgða-
niðurstöðum úr rannsóknum þar
að lútandi. Sænska líftæknifyrir-
tækið Enzymatica tilkynnti í gær-
morgun að munnúðinn ColdZyme,
sem er þegar í sölu víða um Evrópu,
þar á meðal Íslandi, undir vöru-
merkinu PreCold, hefði óvirkjað
yfir 98% af veirunni sem veldur
COVID-19 sjúkdómnum, á 20 mín-
útum í tilraun sem framkvæmd var
af óháðum þriðja aðila.
Eitt helsta innihaldsefni Cold-
Zyme er þorskatrypsín. Það er
ensím unnið úr meltingarvegi
þorsks sem veiddur er við Ísland.
Trypsínið er framleitt af íslenska
líftæknifyrirtækinu Zymetech, sem
stundar rannsóknir og framleiðslu á
ensímunum að Fiskislóð í Örfirisey.
ColdZyme byggir á íslensku hugviti
en Enzymatica og Zymetech sam-
einuðust árið 2016.
„Atlantshafsþorskur lifir í mjög
köldu umhverfi og étur allt sem
hann kemst yfir. Því þarf hann
að mynda meltingarensím með
sterka niðurbrotseiginleika á pró-
teinum, sem meðal annars finnast
á yfirborði SARS-CoV-2 veirunnar
sem veldur COVID-19,“ segir Ásgeir
Ásgeirsson, framkvæmdastjóri
Zymetech.
„Þarna er um að ræða bráða-
birgðaniðurstöður af rannsóknar-
stofu sem lofa mjög góðu en ekki er
hægt að yfirfæra niðurstöðurnar
beint yfir í klínísk áhrif. Til þess
þarf klínískar prófanir. Sambæri-
legar tilraunir hafa verið gerðar
með ColdZyme á algengustu veiru-
f lokkum sem valda kvefi, þar á
meðal kórónaveiru. Í þessum til-
fellum hefur verið sýnt fram á
virkni vörunnar með klínískum
rannsóknum. Sú virkni lýsir sér
meðal annars í styttri veikinda-
tíma. Munnúðinn myndar vernd-
andi filmu í hálsi og munnholi sem
dregur úr sýkingarhættu af völdum
veira,“ bætir Ásgeir við. Fjölmargar
kvefpestir eru af stofni kórónaveira
í öðrum undirflokki en sú sem veld-
ur COVID-19.
Sýnt hefur verið fram á að
kóróna veiran sem nú gengur yfir
heiminn tekur sér jafnan fyrst ból-
festu í munnholi fólks. Þar marg-
faldast veiran með þeim af leið-
ingum að sýktir einstaklingar geta
veikst hratt. Munnúðinn gæti því
verkað sem fyrirbyggjandi vörn
sökum niðurbrotseiginleika tryps-
íns á yfirborði veirunnar.
Zymetech og Enzymatica höfðu
átt í samstarfi um nokkurra ára
skeið áður en fyrirtækin samein-
uðust árið 2016. Evrópska einka-
leyfastofan hefur nýlega staðfest
einkaleyfi fyrirtækjanna á notkun
ensíma úr Atlantshafsþorski í lækn-
ingatæki, snyrtivörur og í lyf.
„Talsverð aukning umsvifa er
fram undan hjá Zymetech.  Sala
á munnúðanum hefur aukist og
markaðssvæði er að stækka,“ segir
Ásgeir. „Við munum bæta við okkur
starfsfólki og  búnaði til að mæta
aukinni eftirspurn,“ segir hann.
Hann nefnir einnig að fyrir-
tækið þurfi að eiga í góðu sam-
starfi við íslenskan sjávarútveg,
svo tryggja megi ferskleika og gæði
slógs sem notað er við framleiðsl-
una. thg@frettabladid.is
Þorskur gæti sigrað Covid-19
Bráðabirgðaniðurstöður benda til þess að ensím unnið úr þorski af Íslandsmiðum kunni að draga mjög úr
líkum á sýkingu af völdum COVID-19. Íslenska fyrirtækið Zymetech hefur einkaleyfi á notkun efnisins.
Ásgeir Ásgeirsson framkvæmdastjóri og Ágústa Guðmundsdóttir, sem er yfir rannsóknum Zymetech.
SAMFÉ L AG Mikil óánægja er í
pólska samfélaginu á Íslandi með
þá ákvörðun pólskra stjórnvalda
að segja pólska ræðismanninum á
Íslandi upp störfum og kalla hann
heim til Póllands.
Greint var frá uppsögninni í
fréttamiðli pólska samfélagsins á
Íslandi á vefnum icelandnews.is
síðastliðinn miðvikudag þar sem
fram kom að talsmenn nokkurra
pólskra félagasamtaka hefðu reynt
að afhenda pólska sendiherranum
bréf þar sem óánægju með uppsögn
Jakubs Pilch er mótmælt og óskað
skýringa á skyndilegu brotthvarfi
hans, en sendiherrann mun hafa
neitað að veita bréfinu viðtöku.
Talsmenn umræddra samtaka
sögðu í samtali við Fréttablaðið
að sendiherrann hefði nú fallist á
beiðni fólksins um fund. Þau vildu
ekki ræða málið við fjölmiðla fyrr
en að þeim fundi loknum en benda
á fyrrnefnda frétt.
Í f rétt í pólska miðlinum
Wyborcza sem birtist á föstudag,
segir að Jakup hafi aðeins fengið
þrjá daga til að yfirgefa Ísland með
konu sinni og tveimur börnum.
Jakub vildi ekki veita Fréttablað-
inu viðtal vegna málsins, en hann
var þegar kominn til Póllands þegar
Fréttablaðið náði af honum tali síð-
astliðinn föstudag.
Í frétt Wyborcza segir einnig að
Jakub hafi komið að framkvæmd
utankjörfundarkosningar hér á
landi vegna pólsku forsetakosn-
inganna sem fram fóru um síð-
ustu helgi, en eins og fram hefur
komið kusu langflestir, sem nýttu
atkvæðisrétt sinn hér á landi, Evr-
ópusinnann Rafał Trzaskowski,
borgarstjóra Varsjár, sem tapaði
fyrir sitjandi forseta Andrzej Duda.
Pólsk stjórnvöld hafni því þó
alfarið að tengsl séu milli for-
setakosninganna og uppsagnar
Jakubs. – aá
Mótmæla harðlega brottrekstri pólska ræðismannsins á Íslandi
Jakub Pilch, fráfarandi ræðismaður.
UMHVERFISMÁL Umhverfisstofnun
hefur ákveðið að framlengja árlega
lokun friðlandsins í Gróttu í Sel-
tjarnarnesbæ til næstkomandi mán-
aðamóta. Grótta hefur verið lokuð
í þeim tilgangi að vernda fuglavarp
frá 1. maí síðastliðnum en til stóð að
opna friðlandið aftur 15. júlí.  
Í  tilkynningu Umhverfisstofn-
unar, þar sem framlengingin er
kynnt,  segir  að mikilvægt sé að
framlengja lokunina því hætta sé
á verulegri röskun á fuglalífi ef
svæðið verður opnað strax. Vin-
sælt útivistarsvæði sé í nágrenni
fuglavarpsins og fuglalífið sé enn
viðkvæmt í Gróttu.
Gerð  hafi verið  úttekt á fugla-
varpi á svæðinu og ákvörðunin
tekin í framhaldi af niðurstöðum
þeirrar úttektar. Auðugt og fjöl-
breytt fuglalíf er í Gróttu en sam-
kvæmt rannsóknum sem gerðar
hafa verið eru um 450 kríupör í
Gróttu. – hó
Grótta verður
áfram lokuð
Fuglavarpið í nágrenni útivistar-
svæðisins við Gróttu er viðkvæmt.
2 1 . J Ú L Í 2 0 2 0 Þ R I Ð J U D A G U R4 F R É T T I R ∙ F R É T T A B L A Ð I Ð