Fréttablaðið - 21.07.2020, Blaðsíða 40

ÉG KYNNTIST KLEU
ÞEGAR ÉG VAR AÐ
LESA UPP ÚR FYRRI BÓKINNI OG
ÞAÐ GLADDI HANA MJÖG AÐ
ÞAR VÆRI STELPA FRÁ ALBANÍU
SEM HÚN GÆTI SAMSVARAÐ SIG
VIÐ.Kennarinn sem hvarf sporlaust er ný bók eftir Bergrúnu Írisi Sævarsdóttur, sjálf­stætt framhald af hinni vinsælu bók
hennar, Kennarinn sem hvarf.
Spurð af hverju hún hafi ákveðið
að skrifa framhaldsbók segir Berg­
rún: „Börn báðu mig ítrekað að
skrifa framhald, ég fékk meira að
segja símtöl. Þau vildu fá að vita
meira. Kennarinn sem hvarf var
aldrei hugsuð sem byrjun á seríu
en bauð svo sem upp á það því þar
eru sex bekkjarfélagar í forgrunni.
Að þessu sinni fer ég inn í kollinn
á annarri aðalpersónu sem tekur
við kef linu og segir söguna. Hún
heitir Sara og kom upprunalega til
Íslands frá Albaníu með fjölskyldu
sinni vegna þess að bróðir hennar
er lungnasjúklingur. Til að fá bak­
sögu og kynnast aðstæðum Söru
betur settist ég niður með syst­
kinum sem heita Klea og Kevin. Þau
komu til Íslands frá Albaníu fyrir
allnokkrum árum en voru send úr
landi um miðja nótt. Seinna fengu
þau dvalarleyfi hér á landi.
Ég kynntist Kleu þegar ég var
að lesa upp úr fyrri bókinni og
það gladdi hana mjög að þar væri
stelpa frá Albaníu sem hún gæti
samsvarað sig við. Hér er íslensk­
albönsk aðalpersóna mætt á svæðið
og sér ýmislegt við Ísland og hegðun
íslenskra krakka sem henni finnst
athyglisvert.“
Heldur börnum við efnið
Líkt og í fyrri bókinni hverfur kenn­
arinn og nú í annað sinn. „Nem­
endur eru í skíðaferðalagi og þar
sem þeir eiga ekki að hanga í sím­
anum þurfa þeir að láta síma sína af
hendi. Krakkarnir heyra hvell um
miðja nótt og skyndilega eru bæði
fararstjórinn og kennarinn horfin.
Nú þarf aftur að leysa gátur til að
bjarga kennaranum.“
Lýsa má bókinni sem spennu­
og glæpasögu fyrir börn. „Barna­
bókarithöfundar eru í mikilli sam­
keppni við sjónvarp, spjaldtölvur og
aðra afþreyingu. Það þarf að halda
börnum við efnið og til að fá þau
til að lesa bókina alveg til enda þá
gerist eitthvað spennandi í lok hvers
kafla,“ segir Bergrún.
Myndir prýða bókina og eru eftir
Bergrúnu. „Mér finnst mikilvægt
að barna­ og unglingabækur séu
myndlýstar. Það er kannski skort­
ur á því sem verður til þess að við
missum krakkana frá bókum. Við
fullorðna fólkið viljum líka myndir,
ef tímarit og blöð væru myndalaus
þá myndi maður leggja þau hratt frá
sér,“ segir Bergrún.
Spurð hvort þriðja bókin um
kennarahvarf muni líta dagsins
ljós segir hún: „Ég er byrjuð að fá
óskir um bók um Fannar, sem er
ein af persónum bókarinnar. Mér
finnst mjög skemmtilegt að skrifa
þessar sögur, en veit ekki hvort ég á
að gera kennaranum það að hverfa
svona oft.“
Veglegur prentgripur
Fyrstu sögur Bergrúnar, Vinur
minn, vindurinn og Sjáðu mig
sumar!, eru nú endurútgefnar
saman í einni bók. Þær eru ríkulega
myndskreyttar af höfundi. „Saman
eru þær veglegur prentgripur. Þetta
er mikil þátttökubók, það er hægt
að leika eftir hljóðunum í vind­
inum, rokinu, logninu og golunni.
Bókin endar á spurningu um það
hvernig veðrið sé í dag og opnar
þannig á spjall við barnið, ekki bara
um veðrið heldur um það hvernig
dagurinn var.“
Spennu- og glæpasaga fyrir
börn um kennara sem hvarf
Bergrún Íris Sævarsdóttir er höfundur bókarinnar Kennarinn
sem hvarf sporlaust. Börn báðu um bókina, sem er framhald
bókarinnar Kennarinn sem hvarf. Þriðja bókin hugsanleg.
„Mér finnst mjög skemmtilegt að skrifa þessar sögur,“ segir Bergrún. FRÉTTABLAÐIÐ/SIGTRYGGUR ARI
Sumarsýning Menningarmið­stöðvar Fljót sda lshéraðs/Sláturhúss stendur yfir í Slátur­
húsinu. Sýningin ber nafnið LAND
og er samsýning  sex myndlistar­
manna. Þátttakendur eru: Daníel
Magnússon, Guðmundur Ingólfs­
son, Hallgerður Hallgrímsdóttir,
Katrín Elvarsdóttir, Vigfús Birgis­
son og Þórdís Jóhannesdóttir. Þau
eiga það öll sameiginlegt að vinna
með ljósmyndina sem miðil en
hvert og eitt þeirra nálgast umfjöll­
unarefnið á mismunandi hátt.
Land og landslag sex listamanna
Verk eftir Daníel Magnússon á sýningunni á Fljótsdalshéraði.
Áskell Þórisson, fyrrum rit­stjóri og blaðamaður, verður með ljósmyndasýningu í
Gallerý Grásteini, Skólavörðu­
stíg 4, í Reykjavík, frá 23. júlí til 3.
ágúst. Sýningin er opin daglega frá
11.00 til 18.00. Árum saman hefur
Áskell einbeitt sér að því að mynda
það smáa og litríka í náttúrunni og
styrkir síðan liti og form í mynd­
vinnsluforritum. Myndirnar á
sýningunni eru af ýmsum stærð­
um. Þær eru prentaðar á striga og
þandar á blindramma.
Myndar það smáa í náttúrunni
Áskell sýnir ljósmyndir í Gallerý
Grásteini á Skólavörðustíg.
SKILTAGERÐ
Ljósakassar
Ljósaskil

3D stafir
Hönnun
Ráðgjöf
Uppsetning
Sundaborg 3
104 Reykjavík
777 2700
xprent@xprent.is
Ný tvöföld virkni sem
veitir hraða og langvarandi
vörn gegn tannkuli.
2 1 . J Ú L Í 2 0 2 0 Þ R I Ð J U D A G U R16 M E N N I N G ∙ F R É T T A B L A Ð I Ð
MENNING
Kolbrún
Bergþórsdóttir
kolbrunb@frettabladid.is