Fréttablaðið - 13.08.2020, Blaðsíða 28

Góður leiðsögumaður getur gert gæfumuninn á upp-lifun ferðamanna á landinu
okkar. Því skemmtilegri, fróðari og
kraftmeiri sem leiðsögumaðurinn
er, því eftirminnilegri verður
heimsóknin,“ segir Kristín Hrönn
Þráinsdóttir, fagstjóri Leiðsögu-
skólans, sem er skóli undir hatti
Menntaskólans í Kópavogi.
Markmið leiðsögunáms er að
búa nemendur undir það að fylgja
ferðamönnum um landið. Í nám-
inu er fjallað um jarðfræði Íslands,
sögu og menningu, gróður, dýralíf,
atvinnuvegi og íslenskt samfélag,
bókmenntir og listir.
„Nemendur eru fræddir um
helstu ferðamannastaði á Íslandi,
ferðamannaleiðir, náttúruvernd,
umhverfismál og leiðsögutækni,“
upplýsir Kristín Hrönn, en fyrir-
lesarar, kennarar og leiðbeinendur
í Leiðsöguskólanum eru allir sér-
fróðir um einstaka málaflokka.
Ferðalög hluti af náminu
Nám í Leiðsöguskólanum tekur
að öllu jöfnu eitt ár en hægt er að
skipta náminu á tvö ár. Á haustönn
læra nemendur kjarnafög sem eru
sameiginleg fyrir alla, en á vorönn
velja nemendur sér kjörsvið,
annað hvort Almenna leiðsögn eða
Gönguleiðsögn.
„Þeir sem velja sér Almenna
leiðsögn fá kennslu og þjálfun í
að fara um landið með erlenda
ferðamenn. Segja má að nemendur
fari hringinn í kringum landið í
kennslustofunni með kennurum.
Æfingaferðir í rútu eru stór liður
í þjálfun nemenda og fara nem-
endur á helstu ferðamannastaði í
nágrenni höfuðborgarsvæðisins,
en náminu lýkur með hringferð
um landið þar sem nemendur
skiptast á að leiðsegja,“ útskýrir
Kristín Hrönn.
Þeir sem velja kjörsviðið Göngu-
leiðsögn fá kennslu og þjálfun í að
fara með ferðamenn í lengri eða
styttri gönguferðir, en einnig fá
þeir þjálfun í leiðsögn í rútu.
„Nemendur í gönguleiðsögn
fara í sólarhrings rötunarferð,
þeir sækja líka helgarnámskeið í
vetrarfjallamennsku auk æfinga
í að vaða straumvötn. Nem-
endur fara í nokkrar gönguferðir
á eigin vegum og náminu lýkur
með fimm daga bakpokagöngu-
ferð um óbyggðir þar sem gist er í
tjöldum,“ upplýsir Kristín Hrönn,
en þess má geta að nemendum
í Gönguleiðsögn er eindregið
ráðlagt að taka skyndihjálpar-
námskeiðið Wilderness First
Responder.
„Þeir sem hyggjast stunda nám
í Gönguleiðsögn þurfa að hafa
mikla reynslu af gönguferðum um
óbyggðir og vera í góðu líkamlegu
formi,“ bætir Kristín Hrönn við.
Verða að sýna gott fordæmi
Útskrifaðir leiðsögumenn frá Leið-
söguskólanum fá fulla félagsaðild
að fagdeild Félags leiðsögumanna.
„Umsækjendur þurfa að vera
orðnir 21 árs við upphaf námsins.
Þeir skulu hafa stúdentspróf eða
sambærilegt nám að baki, ásamt
því að hafa mjög gott vald á einu
erlendu tungumáli, auk íslensku.
Þá þurfa nemendur að standast
munnlegt inntökupróf á því
tungumáli sem þeir hyggjast leið-
segja á,“ segir Kristín Hrönn.
Kennt er þrjú kvöld í viku en auk
þess fara nemendur í vettvangs- og
æfingaferðir.
„Námsmat byggir á skriflegum
og munnlegum verkefnum og
prófum og gert er ráð fyrir að nem-
endur mæti í allar vettvangs- og
æfingaferðir,“ segir Kristín Hrönn.
„Í náminu eru nemendur undir-
búnir fyrir hin ýmsu hlutverk
leiðsögumanna, en auk þess að
fræða og skemmta ferðamönnum
er mikilvægt að leiðsögumaður
geti brugðist við óvæntum uppá-
komum í ferðum. Leiðsögumaður
þarf að ganga á undan með góðu
fordæmi um náttúru landsins og
tryggja öryggi gestanna, meðal
annars með því að upplýsa þá um
hugsanlegar hættur á viðkomu-
stöðum.“
Nánari upplýsingar gefur Kristín
Hrönn í síma 594 4025 eða í tölvu-
pósti: lsk@mk.is. Sjá nánar um
Leiðsöguskólann á mk.is
Kennslustofan er landið allt
Í Leiðsöguskólanum læra nemendur að fylgja ferðamönnum um Ísland. Námið tekur eitt ár en
getur tekið tvö ár. Útskrifaðir leiðsögumenn fá fulla aðild að fagdeild Félags leiðsögumanna.
Kristín Hrönn Þráinsdóttir er fagstjóri Leiðsöguskólans. FRÉTTABLAÐIÐ/ANTON BRINK
Hvernig fáum við almenning til að draga úr neyslu? Hvernig stuðlum við að sjálf-
bærni í framleiðslu textíls?
Hvernig fáum við almenning til að
lengja líftíma eigin textíls?
Hvernig tryggjum við betri og skil-
virkari endurvinnslu svo verðmæti
tapist ekki?
Hvernig aukum við þátttöku
almennings í endurvinnslu á textíl?
Þetta og margt fleira spennandi
verður allt skoðað á Spjaraþoninu
sem haldið verður dagana 28.-29.
ágúst næstkomandi hjá Umhverfis-
stofnun, Suðurlandsbraut 24.
Vertu með í að breyta
heiminum
Spjaraþonið er fyrir alla sem eru
áhugasamir, hvort sem um er að
ræða sérfræðinga, nemendur,
hönnuði, fjárfesta, vísindamenn,
kennara, félagsfræðinga, ömmur
eða fólk af hvaða aldri sem er og
hvaða kyni sem er.
Spennandi fyrirlesarar úr
atvinnugeiranum mæta á staðinn
og fjalla um stöðu vandamálsins. Þá
fáum við meðal annars sjónarhorn
fatahönnuðar, álit Umhverfisstofn-
unar sem og brakandi ferskan fyrir-
lestur úr nýsköpunargeiranum. Þá
eru meðal annars kynntar aðferðir
við hönnunarferli og þegar kemur
að því að þekkja góða hugmynd
sem þróa má yfir í árangursríkar
lausn ir sem eru bæði raunhæfar og
gagnlegar.
Spennandi áskoranir
Þátttakendur velja úr þeim fimm
spennandi spurningum, sem
nefndar voru í upphafi greinar-
innar.
Verkefnin eru unnin í samstarfi
við ráðgjafahópa og samstarfsaðila
Spjaraþonsins. Teymin þróa hug-
myndir, skila samantekt um þær
og kynna svo fyrir dómnefnd að
lokum. Veitt verða verðlaun fyrir
bestu hugmyndina.
Saman gegn sóun
Spjaraþonið er haldið á vegum
verk efnisins Saman gegn sóun,
sem er almenn stefna umhverf-
is- og auð lindaráðherra um
úrgangsforvarn ir. Stefnan setur
í forgang að draga úr myndun
úrgangs og stuðla þannig að minni
eftirspurn eftir náttúruauðlindum.
Í stefnunni er lögð áhersla á
nægjusemi, betri nýtni og minni
sóun, ásamt því að auka fræðslu
til að koma í veg fyrir myndun
úrgangs. Textíliðnaðurinn er til
dæmis einn sá umfangsmesti í
heimi og honum fylgir gríðarleg
efnanotkun, ferskvatnsmengun
og losun gróðurhúsalofttegunda
sem hefur neikvæð áhrif á bæði
umhverfi og samfélag. Þessi áhrif
geta margfaldast samhliða því sem
við kaupum umfram þarfir.
Síðan árið 2000 hefur fram-
leiðsla á fötum nær tvöfaldast á
sama tíma og þau enda sífellt fyrr í
ruslinu. Hver Íslend ingur losar sig
til að mynda við um 20 kg á ári.
Markmið stefnunnar eru:
n að draga úr myndun úrgangs
n að draga úr losun gróðurhúsa-
lofttegunda
n að bæta nýtingu auðlinda, m.a.
með áherslu á græna nýsköpun
n að draga úr hráefnisnotkun sam-
hliða minni umhverfisáhrifum
n að minnka dreifingu á efnum
sem eru skaðleg heilsu og
umhverfi
Viðeigandi ráðstafanir verða í
samræmi við sóttvarnarlög og við-
burðurinn haldinn rafrænt ef þurfa
þykir.
Skráning fer fram á spjarathon.is
Fyrir nánari upplýsingar hafið
samband við ust@ust.is
Hugsað í lausnum í Spjaraþoni
Um 8-10% losun
gróðurhúsa-
lofttegunda í
heiminum er frá
textíliðnaði.
Meðalfjöldi
skipta sem
hver flík
er notuð á
heimsvísu er
150 sinnum.
4 KYNNINGARBLAÐ 1 3 . ÁG Ú S T 2 0 2 0 F I M MT U DAG U RSKÓLAR OG NÁMSKEIÐ