Fréttablaðið - 20.08.2020, Blaðsíða 30

ÞETTA ERU SKÚLP-
TÚRKENND VERK SEM
BYGGJAST MÖRG Á FUNDNUM
HLUTUM. Í ÖÐRU SAMHENGI
MYNDU ÞESSIR HLUTIR JAFN-
VEL FLOKKAST SEM RUSL.
Sumarsýning Skaftfells á Seyðisfirði, er Mon ciel, mi cielo. Hvað ertu raunveru­lega að meina? Þar sýnir listamaðurinn Ingibjörg Sigurjónsdóttir ný verk sín
og stillir þeim upp með verkum eftir
Benedikt Guðmundsson.
„Gavin Morrison, sem er listrænn
stjórnandi í Skaftfelli, hefur undan­
farin ár haft þann hátt á í sumar­
sýningum að sýna saman verk núlif­
andi listamanns og verk listamanns
sem er fallinn frá. Hann bað mig að
sýna og ég mátti velja með mér lista­
mann,“ segir Ingibjörg. „Benedikt
kom upp í hugann en dóttir hans
bjó á hæðinni fyrir ofan fjölskyldu
mína og litsterk og áræðin verk hans
voru allt í kringum mig þegar ég var
barn. Fjölskyldan ber afslappaða
kærleiksríka virðingu fyrir verk­
unum hans sem er mjög hressandi
og áhugaverð. Á heimilum þeirra
hangir ævistarf listamanns sem
skapaði af því hann trúði á það og
það er enginn að ætlast til þess að
það gerist neitt meira með það.“
Ástríðumaður í myndlist
Benedikt fæddist árið 1907 og lést
árið 1960. „Hann var menntaður
kjötiðnaðarmaður sem hafði mikla
ástríðu fyrir myndlist og eftir hann
liggur mikið magn af verkum. Hann
var eldheitur kommúnisti og hafði
ríka trú á því að listin ætti að vera
fyrir fólkið,“ segir Ingibjörg.
Hún fer með tilvitnun í Bene­
dikt: „Þó hægt sé að þjálfa sig upp í
þá fagurfræði að maður þurfi ekki
annað en að mála einhverja hvíta
f leti og bláa depla til að komast í
eitthvað sæluástand, og þótt ein­
hverjir menn geti þjálfað sig upp í
þetta, þá er ekki hægt að ætlast til
þess að heilt þjóðfélag þjálfi sig upp í
þessu. Fyrir allan fjöldann þarf fyrst
og fremst raunsæi.“
Ingibjörg bætir við: „Við Benedikt
gætum ekki verið ólíkari í okkar
nálgun að þessu leyti. Ég er mjög
sek um það að setja depla einhvers
staðar og komast í sæluástand. En
reyndar í ríkri trú á stærri mátt
sæluástandsins.“
Fundnir hlutir
Hún er beðin um að lýsa verkum
sínum á sýningunni og segir: „Ég
naut þess að vinna verkin, þau urðu
þrefalt f leiri en þau sem ég sýni.
Þetta eru skúlptúrkennd verk sem
byggjast mörg á fundnum hlutum. Í
öðru samhengi myndu þessir hlutir
jafnvel f lokkast sem rusl. Með því
að setja þá fram í ákveðnum sam­
setningum og á ákveðinn hátt er
hægt að framkalla nýja merkingu.
Gavin orðaði þetta fallega þegar
hann sagði að verkin væru hluti af
frásögn sem raðast saman úr brot­
um sem glittir í.“
Ingibjörg fann meðal annars hluti
sem höfðu verið geymdir í skúffu í
langan tíma og vann verk úr þeim.
„Þarna er til dæmis verk sem saman­
stendur af tveimur hvítum flötum.
Annar er samanbrotið bókaplast
og hinn er samanbrotinn hvítur
pappír. Á þessum hlutum var bleikt
kám, tilkomið vegna þess að papp­
írinn lá við hliðina á minnislista
sem skrifað hafði verið á með fjólu­
Ólík nálgun tveggja listamanna
Á sumarsýningu Skaftfells sýnir Ingibjörg Sigurjónsdóttir ný verk sín og stillir þeim
upp með verkum eftir Benedikt Guðmundsson. Svanur er lukkudýr sýningarinnar.
Ingibjörg Sigurjónsdóttir við vinnu sína. FRÉTTABLAÐIÐ/ANTON BRINK
Verk Ingibjargar
og Benedikts
hlið við hlið.
MYND VIGFÚS
BIRGISSON.
Þessi svanur er lukkudýr sýningar-
innar. MYND/VIGFÚS BIRGISSON
Portrett
eftir Benedikt
af dóttur hans
Zítu. MYND/
VIGFÚS BIRGISSON
Kolbrún
Bergþórsdóttir
kolbrunb@frettabladid.is
bláu bleki. Blekið leystist upp, rann
aðeins til og smitaðist yfir á pappír­
inn og plastið sem lá við hliðina á
því í skúffunni. Þarna voru f letir
sem tóku á móti lit. Þau gátu ekki
verið með neina uppgerð því þeim
datt aldrei til hugar að þau yrðu til
sýnis. Algjörlega heiðarleg málverk.
Þess vegna heita þau Hin einu sönnu
málverk.“
Límmiðaspjald varð innblástur
að öðru verki. „Ég hafði geymt lím­
miðaspjald með lituðum punktum
ofan í skúffu í langan tíma. Með tím­
anum runnu punktarnir til þannig
að til varð mynd sem mér fannst
vera þess virði að sýna.“
Sýningin á sitt lukkudýr sem
er svanur. „Benedikt gerði pastel­
myndir á sandpappír og ég prófaði
að gera það líka, en öðruvísi en
hann. Hann notaði ljósan fíngerðan
sandpappír en ég notaði djúpsvart­
an grófan sandpappír sem stirnir á.
Ein þessara mynda heitir Portrett af
svanayddara og er portrett af þess­
um yddara sem ég á. Svanurinn er
tignarlegur en um leið viðkvæmur,
alltaf viðbúinn því að einhverju sé
stungið aftan í hann og sullað yfir
hann yddi. Hann tekur því af yfir­
vegun. Þessi svanur er nánast eins
og lukkudýr sýningarinnar.“
Sýningunni lýkur 6. september.
Á orgeltónleikum í Hallgríms­kirkju í dag, f immtudag, klukkan 12.30 leikur Lára
Bryndís Eggertsdóttir eigin orgel­
umritanir á píanó­ og hljómsveitar­
verkum. Á efnisskrá eru kaflar úr
hinum vel þekktu Rímnadanslögum
Jóns Leifs, Rúmenskir þjóðdansar
sem Béla Bartók útfærði bæði fyrir
píanó og hljómsveit, og hið magnaða
tónaljóð Moldá (Vltava) eftir tékk­
neska tónskáldið Bedřich Smetana.
Frá því í september 2018 hefur
Lára Bryndís verið organisti Hjalla­
kirkju í Kópavogi auk þess að kenna
við Tónskóla Þjóðkirkjunnar.
Lára hefur haldið fjölmarga ein­
leikstónleika á orgel, bæði hérlendis
og á hinum Norðurlöndunum.
Aðgangseyrir er 1.500 krónur
fyrir fullorðna, ókeypis fyrir félaga
í Listvinafélaginu og börn yngri en
16 ára. Miðasala er við innganginn.
Lára Bryndís leikur
orgelumritanir
Lára Bryndís leikur í Hallgrímskirkju.
Á hádegistónleikunum í Frí­kirkjunni í dag, 20. ágúst, klukkan 12.00, munu Þórhild­
ur Steinunn Kristinsdóttir mezzó­
sópran og Sigurður Helgi Oddsson
píanóleikari flytja ljóð og aríur eftir
Grieg, Mozart, Händel og Schubert
en aðalumfjöllunarefni tónleikanna
er vorið og ástin. Tónleikarnir taka
um hálfa klukkustund. Ekki er tekið
við greiðslukortum við innganginn.
Á efnisskránni verða meðal ann­
ars ljóð úr ljóðaflokkunum Haugt­
ussa eftir Grieg og Vetrarferðinni
eftir Schubert auk aría úr La Clem­
enza di Tito og Brúðkaupi Fígarós
eftir Mozart
Þórhildur Steinunn var sigurveg­
ari í framhaldsflokki Vox Domini
2019 og í verðlaun voru hádegistón­
leikar í Fríkirkjunni.
Ástin í Fríkirkjunni
Þórhildur Steinunn Kristinsdóttir
verður í Fríkirkjunni í dag.
2 0 . Á G Ú S T 2 0 2 0 F I M M T U D A G U R22 M E N N I N G ∙ F R É T T A B L A Ð I Ð
MENNING