Fréttablaðið - 20.08.2020, Blaðsíða 20

Oddur Freyr
Þorsteinsson
oddurfreyr@frettabladid.is
Flýttu fyrir
endurheimt!
Michelle Obama vakti mikla athygli með ræðu sinni á mánudag, á fyrsta
degi f lokksþings Demókrata­
f lokksins. Skilaboð hennar voru
skýr, hún sagði Donald Trump
Bandaríkjaforseta ekki vera starfi
sínu vaxinn og hvatti fólk til að
gera allt sem í þess valdi stæði
til að taka þátt í forsetakosning­
unum og bað kjósendur um að
sýna sama eldmóð og þegar þeir
kusu eiginmann hennar tvisvar.
En hálsmenið sem Obama var
með, sem undirstrikaði skilaboð
hennar með því að stafa orðið
„kjósið“ (e. vote) vakti einnig
mikla athygli.
Hálsmenið er frá vörumerkinu
ByChari, sem starfar í Los Angeles
og er í eigu Chari Cuthbert,
bandarískrar konu af afrískum
uppruna. Eyrnalokkar Obama
komu einnig frá sama fyrirtæki.
Obama hefur áður kosið að nota
frekar vörur frá litlum fyrir­
tækjum sem eru í eigu fólks sem
tilheyrir minnihlutahópum í stað
þess að nota vörur frá stóru tísku­
merkjunum.
Mikil viðbrögð við hálsmeni Obama
Hálsmenið sem Michelle Obama skartaði í ræðu sinni á flokksþingi Demókrataflokksins vakti
mikla athygli. Það sló í gegn á internetinu og líf hönnuðarins hefur breyst á nokkrum dögum.
Skjáskot frá
ræðu Mich­
elle Obama
á flokksþingi
Demókrata­
flokksins í
Bandaríkjunum,
þar sem hún var
með hálsmenið
frá ByChari.
Þingið fór að
mestu fram í
gegnum fjar­
fundarbúnað
vegna farald­
ursins og því var
ræða Obama
tekin upp fyrir
fram.
MYND/GETTY
Cuthbert sagði að hún hefði aldrei getað ímyndað sér að eitthvað sem hún
hefði svo mikla ástríðu fyrir myndi hafa svo mikla þýðingu fyrir svona
marga og að hún væri afskaplega heiðruð og auðmjúk. MYND/BYCHARI.COM
Það fór strax
mikill fjöldi
fólks að leita
að hálsmeninu
á internetinu
og pöntunum
tók að rigna
yfir ByChari.
Eigandi vöru­
merkisins segir
að draumar
hennar séu
nú að rætast.
MYND/BYCHARI.
COM
Hálsmenið sló strax í gegn á Int­
ernetinu. Gríðarlegur fjöldi fólks í
Bandaríkjunum fór að leita að því,
samkvæmt tölum frá Google, og
fyrirspurnum um hvernig er hægt
að fá sams konar hálsmen rigndi
yfir ByChari.
Vissi bara að hún
vildi hálsmenið
Cuthbert er sjálf lærður lista­
maður og hún stofnaði fyrirtækið
ByChari árið 2012, en þar starfa
fimm konur. Hún sagði að hún
hefði búið til sams konar hálsmen
fyrir síðustu kosningar og að hún
hefði verið viss um að hún ætlaði
að gera það aftur.
Í tísti á mánudagskvöld sagði
hún að hún hefði aldrei getað
ímyndað sér að eitthvað sem
hún hefði svo mikla ástríðu fyrir
myndi hafa svo mikla þýðingu
fyrir svona marga og bætti við að
hún væri afskaplega heiðruð og
auðmjúk fyrir að Obama skyldi
nota hálsmenið hennar.
Í samtali við The Daily Beast
sagði hún frá því að stílisti Obama
hefði hringt í hana fyrir nokkrum
vikum til að panta hálsmenið og
það hefði glatt hana mikið. Hún
segir að það hafi verið heiður. „En
við höfðum ekki hugmynd um
hvar hún myndi vera með það.
Við vissum bara að hún vildi það,“
sagði hún.
Breytti lífi hönnuðarins
Ákvörðun Obama um að vera
með hálsmenið þegar hún f lutti
þessa ræðu hefur þegar breytt
lífi Cuth bert. Strax eftir ræðuna
byrjaði pöntunum að rigna yfir
ByChari.
„Það var óraunverulegt. Ég sat
við skrif borðið mitt og grét. Mich­
elle Obama! Talandi um hinn
fullkomna matargest, hún væri
það fyrir mig. Og að sjá hana með
hálsmenið mitt, það er klikkað,“
sagði Cuthbert.
„Fjármálagaurinn minn var að
senda mér textaskilaboð með glás
af upphrópunarmerkjum, þannig
að ég geri ráð fyrir að það sé gott.
Hann sagði að hann samgleddist
mér innilega, þar sem þetta væri
einmitt það sem ég hef verið að
vinna að.“
4 KYNNINGARBLAÐ FÓLK 2 0 . ÁG Ú S T 2 0 2 0 F I M MT U DAG U R