Morgunblaðið - 03.01.2020, Blaðsíða 27

FÖSTUDAGUR 3. JANÚAR 2020 MORGUNBLAÐIÐ 27
Rafrænar námsbækur og verkefni
Menntamálastofnun heldur vefnum mms.is úti en markmið stofnunarinnar
er meðal annars að sjá öllum grunnskólanemendum fyrir fjölbreyttum og
vönduðum námsgögnum sem eru í samræmi við aðalnámskrá. Á vefnum er
að finna ýmsar rafrænar námsbækur sem og rafræn verkefni bæði fyrir börn
og unglinga.
Fjarkennsla í íslensku
Fyrirtækið Katla kennsla og ráðgjöf býður upp á fjarkennslu í íslensku og
dönsku. Um einkatíma er að ræða og kennslan því sniðin að þörfum hvers og
eins. Sjá nánar á katla.org.
Frí stærfræðikennsla
Frí kennsla fyrir alla hvar sem er í heiminum eru kjörorð Khan Academy.
Mikil áhersla er lögð á stærfræði en það eru líka hægt að læra fleira á síð-
unni. Sjá nánar á khanacademy.org
Rafræn Snorra-Edda
Það er óþarfi að taka þykkar bækur eins og Snorra Eddu með í ferðalagið.
Skoðið vefinn snorraedda.is. Þar er að finna rafræna útgáfu af Gylfaginningu
og frásagnarkafla Skáldskaparmála úr Snorra-Eddu. Stærsti hluti textans
hefur verið endurskrifaður á nútímamáli. Vefurinn er einnig hljóðbók og
honum fylgja ýmis verkefni og gagnvirk próf. Aðgangur að vefnum kostar
1.890 kr.
Krækjulisti Garðaskóla
Garðaskóli hefur tekið saman mjög gott safn af áhugaverðum krækjum
sem leiða notendur inn á fjölbreytta kennsluvefi og fræðandi vefsíður. Slóðin
er gardaskoli.is/kraekjur. Listinn kemur öllum foreldrum vel á veg.
Hægt er að fá fría stærðfræðikennslu á netinu.
Foreldrar þurfa að leggja ýmislegt á sig ef börnin eiga ekki að dragast aftur úr í námi.
Kenndu
krökkunum
á ferðalaginu
Þegar börn eru tekin úr skóla vegna ferðalaga er
það ábyrgð foreldranna að þau verði ekki eftir á í
náminu. Mikilvægt er að undirbúa ferðalagið vel og
búa til námsáætlun í samráði við kennara barnsins.
Foreldrar geta líka nýtt sé ýmis önnur hjálpargögn ef
þeir vilja halda börnunum við efnið á ferðalaginu.
Hér eru dæmi um nokkra möguleika.
Snæfríður Ingadóttir|snaeja@gmai.com
Menntamálastofnun
heldur vefnum
mms.is. Þar er hægt
að finna mikið af
námsgögnum.