Morgunblaðið - 04.02.2020, Blaðsíða 13

AFP
Sóttkví Herflutningabíll færir ítalska ríkisborgara til herstöðvarinnar.
Forsætisnefnd kínverska kommún-
istaflokksins viðurkenndi í gær að
„annmarkar og erfiðleikar“ hefðu
komið í ljós í viðbrögðum Kínverja við
lungnabólgufaraldrinum, sem nú hef-
ur fellt rúmlega 360 manns. 57 ný
dauðsföll voru skráð í gær og var það
mesta aukning á milli daga frá upp-
hafi kórónuveirufaraldursins.
Forsætisnefndin gagnrýndi hins
vegar einnig Bandaríkjastjórn fyrir
að hafa verið meðal fyrstu þjóða til
þess að flytja þegna sína á brott frá
Kína, og sagði hún þá ákvörðun hafa
valdið ofsahræðslu, en fjöldi þjóða
hefur nú sótt ríkisborgara sína heim
frá Wuhan, borginni þar sem farald-
urinn kom fyrst upp. Þar á meðal
voru um fimmtíu Ítalir, sem voru sett-
ir í gær í sóttkví í bækistöð ítalska
flughersins í suðurhluta Rómaborgar.
Mesta lækkun í nærri 13 ár
Kínverski hlutabréfamarkaðurinn
tók skarpa dýfu í gær við opnun
markaða. Kauphallir þar í landi hafa
verið lokaðar síðustu daga vegna há-
tíðarhalda í tilefni kínverska nýársins.
Nam lækkunin allt að 9,1% við opnun
og er það mesta lækkun sem mark-
aðurinn hefur þurft að þola við opnun
í nærri 13 ár.
Lækkunin er rakin til útbreiðslu
kórónuveirunnar sem orðið hefur til
þess að tugir milljóna manna eru nú í
sóttkví í borginni Wuhan og á fleiri
svæðum í suðausturhluta Kína.
Kínverski seðlabankinn dældi um
171 milljarði dollara inn á markaðinn í
auknu lausafé í von um að það gæti
spornað við neikvæðum áhrifum á
markaðinn en allt kom fyrir ekki. Inn-
grip seðlabankans er hið umfangs-
mesta frá árinu 2004.
Þegar viðskipti dagsins voru gerð
upp hafði úrvalsvísitala kínverska
markaðarins lækkað um 7,9%, sem er
mesta lækkun vísitölunnar frá ágúst
2015. Bendir Financial Times á að
80% skráðra félaga hafi lækkað um
10% , sem er hámarkið sem stjórn-
völd í landinu leyfa hverju félagi að
lækka í viðskiptum innan dags. Þá
benda gögn frá Bloomberg sem sér-
fræðingar FT hafa lagt mat á að
hrunið á kínverska markaðnum hafi
þurrkað út 358 milljarða dollara af
markaðsvirði þeirra fyrirtækja sem
fylla CSI 300 vísitöluna, sem heldur
utan um gengi 300 stærstu fyrirtækj-
anna sem skráð eru á markað í kaup-
höllunum í Shanghaí og Shenzhen.
Jafngildir sú lækkun 44.700 milljörð-
um króna. sgs@mbl.is, ses@mbl.is
Viðurkenndu
annmarka
AFP
Kórónuveiran Ítalarnir sem komu frá Wuhan í gær þurfa að sæta einangrun í herstöð ítalska flughersins.
 Skörp dýfa á Kínamarkaði
Lögregla á grísku eyjunni Lesbos
beitti táragasi gegn flóttamönnum
sem mótmæltu nýjum og hertum
reglum í Grikklandi um alþjóðlega
vernd.
Um 2.000 karlar og konur gengu
frá flóttamannabúðum í bænum
Moria til Mytilene, höfuðstaðar Les-
bos, um 7 km langa leið en lögregla
kom í veg fyrir að fólkið færi inn í
borgina.
Boris Tsjeshirkov, talsmaður
flóttamannastofnunar Sameinuðu
þjóðanna í Grikklandi, segir við
AFP-fréttastofuna, að mjög miklar
tafir hafi orðið á afgreiðslu um-
sókna um vernd og um 90 þúsund
manns séu nú á biðlista. Flóttamenn
hafist við í yfirfullum búðum á eyj-
um í Eyjahafinu nálægt landamær-
um Tyrklands við afar slæmar að-
stæður. Í Moria séu nú yfir 19
þúsund manns en búðirnar hafi ver-
ið byggðar fyrir 3.000 manns.
Margir séu í tjöldum og skýlum og
hafi ekki aðgang að rafmagni og
heitu vatni.
Flóttamenn á grísku eyjunni Lesbos mótmæla nýjum og hertum reglum um vernd
Táragasi
beitt í
átökum
AFP
FRÉTTIR 13Erlent
MORGUNBLAÐIÐ ÞRIÐJUDAGUR 4. FEBRÚAR 2020
Viðarhöfða 1, 110 Reykjavík | Sími 566 7878 | rein.is
Bakteríuvörn
Kvarts steinn frá Silestone er fáanlegur í fjölbreyttum áferðum og litum.
Silestone bjóða einir upp á borðplötur með varanlegri
bakteríu- og sveppavörn.
Gefðu heimilinu ferskleika og líf á þínum forsendummeð Silestone.
Blettaþolið Sýruþolið
Högg- og
rispuþolið
Kvarts steinn
í eldhúsið
silestone.com