Morgunblaðið - 16.03.2020, Blaðsíða 28

28 MENNING
MORGUNBLAÐIÐ MÁNUDAGUR 16. MARS 2020
Van Gogh Alive: The Experience,
margmiðlunarsýning á verkum
hollenska listmálarans Vincents
Van Gogh, stendur nú yfir í
Mexíkóborg og er þar nýjustu
tækni beitt til að kafa ofan í verk
meistarans. Helstu verk hans eru
til skoðunar og undir ómar tónlist
eftir Vivaldi, J.S. Bach, Händel
og franska tónskáldið Yann Tier-
sen.
Leikið er á fleiri skilningarvit
gesta en sjón og heyrn því einnig
má finna angan af sítrónum, lofn-
arblómi og trjákvoðu til að lifa
sig enn frekar inn í listaverkin.
Á meðal þess sem fyrir augu
ber er eftirlíking í raunstærð af
herberginu sem sjá má í málverki
Van Gogh af svefnherbergi í
Arles. Staldra gestir þar við oftar
en ekki og láta mynda sig í her-
berginu fræga.
Van Gogh fæddist árið 1853 í
Hollandi og lést árið 1890. Hann
er einn þekktasti og áhrifamesti
myndlistarmaður í sögu vest-
rænnar myndlistar.
AFP
Tæknileg Frá sýningunni sem nú stendur yfir í Mexíkóborg.
Margmiðlunarsýning
á verkum Van Gogh
 Leikið á skilningarvit sýningargesta
Einni umtöluðustu myndlistarsýn-
ingu ársins á Ítalíu hefur verið lok-
að tímabundið vegna útbreiðslu kór-
ónuveirunnar og fyrir vikið þurfa
þeir tugir þúsunda sem áttu bókaða
miða að fá annaðhvort endurgreitt
eða komast til að skoða eftir að hún
verður opnuð aftur. Og gagnrýn-
endur eru sammála um að full
ástæða sé til, enda tækifærið ein-
stakt. Sýningin er einfaldlega kölluð
Raffaello, eftir listamanninum sem í
hlut á, Rafael, eða Raffaello Sanzio
da Urbino.
Rafael fæddist árið 1483 og lést á
37. afmælisdaginn sinn, 6. apríl árið
1520, og er sýningin sett upp í Scu-
derie del Quirinale í Rómarborg í
tilefni af því að 500 ár eru síðan.
Rafael var einn hinn miklu meist-
ara háendurreisnarinnar á Ítalíu,
ásamt þeim Michelangelo og Leon-
ardo da Vinci. Hann naut gríðar-
legra vinsæla meðan hann lifði og
starfaði síðustu ár ævinnar, er hann
vann í Róm, fjölmennustu vinnu-
stofu nokkurs listamanns á þeim
tíma. Sagt er að hann hafi haft um
50 lærlinga og starfsmenn.
Sýningin í Róm er sett upp í sam-
starfi Scuderie del Quirinale og
Uffizi-safnsins í Flórens en það
síðarnefnda lánaði fjörutíu verk.
Verkin koma annars frá söfnum í
mörgum löndum. Á sýningunni eru
fleiri myndverk eftir Rafael en
Aldrei fleiri verk Rafaels á einum stað
Listamaðurinn Gestur skoðar
fræga sjálfsmynd Rafaels frá 1506.
nokkru sinni áður hefur verið safn-
að saman. Sýnd eru um tvö hundruð
verk unnin í hina ýmsu miðla mynd-
listarinnar sem Rafael beitti; mál-
verk og teikningar með hans eigin
hendi og uppdrættir fyrir vegg-
teppi, freskur og grafíkmyndir.
Gagnrýnendur hafa til að mynda
dásamað að geta skoðað fáséðar
teikningar við hlið kunnra málverka
en Rafael þykir með snjöllustu
teiknurum myndlistarsögunnar.
Verkin eru frá öllum ferli Rafaels
en sérstök áhersla þó lögð á síðustu
tólf árin, í Róm, þegar hann vann
meðal annars fyrir tvo páfa og skap-
aði mörg sinna dáðustu verka, bæði
veraldleg og trúarleg. Portertt Ungur maður með epli (1513), Ung kona með einhyrning (1506) og Portertt af manni (1502-1504).
Trúarlegt Madonna del Divino amore (1516-1518), eitt
margra trúarlegra málverka sem Rafael skapaði.
AFP
Gersemar Portrett af ungri konu (1518) og La Fornarina
(1520), það síðarnefnda eitt síðasta og dáðasta verk
meistarans og sýnir ástmey hans.
Páfi Rafael vann fyrir tvo páfa. Hér er Leó X með kard-
ínálunum Giulio de Medicis and Luigi de Rossi (1518).
STOFNAÐ 1956
Glæsileg íslensk
hönnun og smíði
á skrifstofuna
Bæjarlind 8–10
201 Kópavogur
Sími 510 7300
www.ag.is
ag@ag.is
Fyrir Á. Guðmundsson starfa íslenskir, vel menntaðir
arkitektar sem hafa þróað húsgögn og hönnunargripi
sem skapa notalegt andrúmsloft. Hver hlutur ber einkenni
klassískrar hönnunar en er einnig fallegur smíðisgripur sem
er þægilegt að nota og sómir sér vel á skrifstofunni.