Morgunblaðið - 24.03.2020, Blaðsíða 1

Atvinnulíf í hægagang
Ágúst Ingi Jónsson
Baldur Arnarson
Sigurður Bogi Sævarsson
Stefán Einar Stefánsson
Undirbúningur er hafinn að því að
leggja stærstum hluta flota Icelanda-
ir, en nánast allt flug til og frá land-
inu liggur nú niðri vegna kórónuveir-
unnar og ráðstafana sem gerðar hafa
verið vegna faraldursins. Tilkynnt
var í gær um víðtækar ráðstafanir til
að tryggja stöðu flugfélagsins í gegn-
um yfirstandandi þrengingar, en um-
fangið í starfsemi félagsins er nú að-
eins um 14% miðað við áætlanir. Alls
var 240 starfsmönnum fyrirtækisins
sagt upp í gær og hlutfall starfa og
launa annarra lækkað.
Gengi hlutabréfa í Icelandair
lækkaði um 22% í gær, sem eru við-
brögð markaðarins við aðstæðum.
Greinendur telja ekki nóg að gert hjá
Icelandair en á móti kemur að stjórn-
endur fyrirtækisins útiloka ekki
frekari hagræðingaraðgerðir verði
þörf á slíku.
Þrengist í sjávarútvegi
Atvinnulífið er allt komið í hæga-
gang vegna kórónuveirunnar. Ferða-
þjónustan er nánast stopp og í
sjávarútveginum er staðan að
þrengjast. „Mér heyrist á mönnum í
kringum mig að það sé óhjákvæmi-
legt að draga saman seglin,“ segir
Sigurgeir Brynjar Kristgeirsson,
framkvæmdastjóri Vinnslustöðvar-
innar í Vestmannaeyjum. Til að
bregðast við aðstæðum fari fiskur
hjá fyrirtækinu nú í stórum stíl í sölt-
un, enda hafi þurrkaður saltfiskur
mikið geymsluþol. Þá hafi um
helgina borist fyrirspurn frá Kína
um ferskan fisk og sé málið í skoðun.
Í gær var kynnt samkomulag Sam-
taka fjármálafyrirtækja og Lands-
samtaka lífeyrissjóða um tíma-
bundna greiðslufresti á lánum til
fyrirtækja. Nú geta fyrirtæki sótt
um að fresta greiðslum í allt að sex
mánuði hjá aðalviðskiptabanka sín-
um, sem svo tilkynnir öðrum lánveit-
endum um frestun. Gildir þetta um
fyrirtæki sem eru í heilbrigðum
rekstri en hafa orðið fyrir tíma-
bundnu tekjufalli vegna veirufarald-
ursins. Markmið samkomulagsins er
að sem flest fyrirtæki geti komist
hratt og örugglega í skjól og með ein-
földu lagi.
Vegna faraldursins fellur hefð-
bundin starfsemi tannlækna niður
frá og með deginum í dag, það er öll
önnur en neyðarþjónusta. Þetta er
gert til að hefta útbreiðslu kórónu-
veirufaraldurs, en mikil smithætta er
í tannlækningum vegna nálægðar við
sjúklinga. Jóhanna Bryndís Bjarna-
dóttir, formaður Tannlæknafélags
Íslands, segir stéttina aldrei hafa
upplifað þvílíka röskun á starfsemi
sinni. Þá stefni í skort á nauðsynleg-
um hlífðarbúnaði sem tannlæknar
noti við vinnu sína. „Við þurfum
meðal annars að hafa andlitsgrímur
og hanska en það hefur skapast
skortur á þeim búnaði á heimsvísu.
Það er líka áhyggjuefni,“ segir
Jóhanna Bryndís.
Nægar birgðir nauðsynja
Vegna ríkjandi ástands er fylgst
grannt með því hvort í landinu sé
nægar birgðir af helstu nauðsynjum,
það er mat, lyfjum og eldsneyti. Stað-
an á þessu er sögð góð. Eggert Þór
Kristófersson, forstjóri Festar sem
rekur meðal annars N1 og Krónuna,
segir ekkert hökt hafa verið á flutn-
ingi aðfanga til landsins. Olíuskip sé í
höfn í Reykjavík og verið sé að fylla á
geymslutanka í Örfirisey. Það eina sé
að tafir hafi orðið á flutningum á
ávöxtum frá Kaliforníu, enda liggi
flug milli Íslands og vesturstrandar
Bandaríkjanna niðri.
 Icelandair ætlar að leggja flugvélum  Fiskur fer í salt í Eyjum  Lengt er í lánum
 Tannlæknar óttast skort á hlífðarbúnaði  Góð birgðastaða eldsneytis og matvæla
MKórónuveirufaraldur»2, 4, 6, 10, 12, 13, 14, og 16
Þ R I Ð J U D A G U R 2 4. M A R S 2 0 2 0
Stofnað 1913  71. tölublað  108. árgangur 
ÞAÐ ER KOMIN
MEIRI ALVARA
Í ÞETTA
VIÐSPYRNA
SVEITARFÉLAGA
GLEÐJA LANDS-
MENN MEÐ
FALLEGUM SÖNG
STÖNDUM SAMAN 14 ÍSLENSKA ÓPERAN 28
Betolvex
Fæst án
lyfseðils
1mg (cyanocobalamin) filmuhúðaðar töflur
Betolvex inniheldur 1 mg af cyanocobalamin
(B12-vítamíni). Betolvex er gefið við B12-vítamínskorti
og þegar hætta er á slíkum skorti. Viðhaldsskammtar/
fyrirbyggjandi meðferð: Venjulega 1 tafla á dag.
Töflurnar skal helst taka á fastandi maga. Lesið
vandlega upplýsingar á umbúðum og fylgiseðli
fyrir notkun lyfsins. Leitið til læknis eða lyfja-
fræðings sé þörf á frekari upplýsingum um
áhættu og aukaverkanir. Sjá nánari upp-
lýsingar um lyfið á www.serlyfjaskra.is
B-12
A
c
ta
v
is
9
1
4
0
3
2
Í varúðarskyni vegna kórónu-
veirunnar gilda nú víðtækar
lokanir um allt samfélagið, sem
tóku gildi á
miðnætti í
nótt. Opin-
berir staðir
eru flestir lok-
aðir og versl-
anir og þjón-
ustustaðir
sömuleiðis. Alls hefur 5 versl-
unum í Smáralind verið lokað
og 10 veitingastöðum og búðum
í Kringlunni.
Sundlaugar og söfn
Sundlaugar verða lokaðar frá
og með deginum í dag, sömu-
leiðis Húsdýragarðurinn, Yl-
ströndin og skíðasvæði.
Landsbanki lokar
Viðskiptavinir Landsbankans fá
nú aðeins afgreiðslu í útibúum
ef ekki er hægt að leysa erindið
á netinu eða með samtali við
þjónustuver. Til að fá afgreiðslu
í útibúi þarf tímapöntun.
Ekki próf í HÍ
Próf verða ekki þreytt í húsum
Háskóla Íslands á vormisseri,
var tilkynnt í gær. Kennarar og
deildir geta farið mismunandi
leiðir við að útfæra námsmatið.
Víðtækar lokanir
Haldið ykkur heima, sagði Boris Johnson, for-
sætisráðherra Bretlands, í sjónvarpsávarpi á
BBC í gærkvöldi og tilkynnti útgöngubann á
Bretlandi sem gildir til 13. apríl. Með því á að
reyna að hefta útgreiðslu kórónuveirunnar sem
hefur orðið 335 Bretum að bana. Verslunum sem
ekki selja nauðsynjar verður lokað, hvergi mega
fleiri en tveir koma saman. Johnson sagði út-
breiðslu veirunnar mestu ógn sem Bretland
hefði staðið andspænis um langt skeið og sjúkra-
hús myndu bogna ef álagið ykist jafn hratt og
verið hefur síðustu daga.
Tilkynnti útgöngubann á Bretlandi
AFP
Boðskapur Bresk fjölskylda fylgist með forsætisráðherra sínum sem tilkynnti í sjónvarpi hinar róttæku ráðstafanir sem gilda fram til 13. apríl.
Fyrsti Íslendingurinn er látinn af
völdum kórónuveirunnar, skv. upp-
lýsingum Morgunblaðsins. Um er að
ræða eldri konu og bar andlát henn-
ar að í gær. Þetta er annað manns-
látið á Íslandi sem tengja má kór-
ónuveirunni, en í hinu tilvikinu átti í
hlut erlendur ferðamaður staddur á
Húsavík. Alls hafa nú 588 manns á
landinu smitast af kórónuveirunni,
12 eru á sjúkrahúsi, 6.816 eru í
sóttkví og 51 hefur náð sér.
Lést af völd-
um kórónu-
veirunnar
ÍÞRÓTTIR 26