Morgunblaðið - 01.04.2020, Blaðsíða 29

MENNING 29
MORGUNBLAÐIÐ MIÐVIKUDAGUR 1. APRÍL 2020
Smáratorgi 1, 201 Kóp., s. 588 6090, vl@verkfaeralagerinn.is
Vefverslunin alltaf opinwww.listverslun.is
Verkfæralagerinn
Mán.-fim. kl. 9-18, fös. kl. 9-18:30, lau. kl. 10-18, sun. kl. 12-17
Kolibri trönur
í miklu úrvali, gæða-
vara á góðu verði
Kolibri penslar
Handgerðir þýskir penslar
í hæsta gæðaflokki
á afar hagstæðu verði
Ennþá meira úrval af
listavörum
WorkPlus
Strigar frá kr. 195
Málverki sem hollenski myndlistar-
maðurinn Vincent van Gogh málaði
árið 1884, „Garður prestsetursins í
Nuenen að vorlagi“, var stolið úr
litlu safni í Laren í Hollandi aðfara-
nótt mánudags. Þann sama dag voru
167 ár liðin frá fæðingu listamanns-
ins sem naut lítillar viðurkenningar
meðan hann lifði en varð síðan einn
dáðasti listamaður síns tíma.
Málverk van Goghs var það eina
sem þjófar sem brutust inn í safnið
höfðu á brott með sér. Þegar lög-
regla kom að safninu eftir að viðvör-
unarkerfi fór í gang kom hún að
brotnum glerdyrum og skömmu síð-
ar var tilkynnt um hvarf verksins.
Það hafði verið fengið að láni frá
Groninger-listasafninu fyrir sýn-
inguna „Spegill sálarinnar“ sem var
opnuð í janúar en hefur verið lokuð
síðustu vikur vegna samkomubanns
í Hollandi.
Van Gogh málaði verkið áður en
list hans sprakk út á sínu þekktasta
sköpunartímabili árin 1886 til 1890,
er hann lést á 37. aldursári. Verk
hans á þessum tíma, um 1884, voru
dekkri en þau sem hann málaði síðar
og varð þekktastur fyrir. Safnstjór-
inn í Laren var skiljanlega reiður yf-
ir þjófnaðinum, á þessum erfiðu tím-
um þegar listin ætti að hugga fólk og
græða sár, sagði hann.
AFP
Dökkt Verkið sem var rænt málaði Vincent van Gogh vorið 1884.
Verki eftir Vincent
van Gogh stolið
Tónlistarkonan Lovísa Elísabet
Sigrúnardóttir, betur þekkt sem
Lay Low, var beðin um að mæla
með listaverkum
sem hægt er að
njóta innan
veggja heimilis-
ins í samkomu-
banninu.
„Ég er núna að
hlusta á podcast-
ið Dolly Parton’s
America sem
byrjar ansi vel.
Þarna er líf og
starf Dolly Parton skoðað í sam-
hengi við það sem er að gerast í
Bandaríkjunum á hverjum tíma
fyrir sig. Tónlistin hennar Dolly
hefur lengi verið í miklu uppáhaldi
hjá mér en hér sést líka hversu mik-
ill brautryðjandi hún er. Mögnuð
kona!
Heimildaþættirnir Babies á Net-
flix er ný þáttaröð þar sem verið er
að skoða nýjar rannsóknir á þroska
barna. Mikið af þessum niður-
stöðum kom mér verulega á óvart.
Þar sem ég er með eitt svona lítið
kríli heima núna þá fannst mér
þessi sería sérstaklega áhugaverð
og krúttleg.
Mig langar að nefna Nýju ís-
lensku stjórnarskrána með formála
eftir Vigdísi Finnbogadóttur og
sögulegum inngangi eftir Þorvald
Gylfason. Því miður erum við enn
að bíða og þetta er orðið alveg frek-
ar fáránlegt hvað þetta ætlar að
taka langan tíma en ég mæli með að
þið reddið ykkur eintaki og kynnið
ykkur þessi mál og þessa fínu nýju
stjórnarskrá. Ef þú hefur ekki lesið
bækurnar Sapiens og Homo Deus
eftir Yuval Noah Harari þá mæli ég
eindregið með því. Fortíð og fram-
tíð okkar skoðuð með mörgum
áhugaverðum pælingum. Mæli með!
Þessa dagana er ég mjög mikið
að njóta þess að sjá vini, kunningja
og aðra vera með „live video“ á
Facebook. Reyni að horfa allavega
einu sinni á dag á eitthvað svona
heimabruggað. Tónlist, bókalestur,
jóga og endalaust má telja upp. Það
er líka hægt að fylgjast með Kvílist
á Facebook, þar verða svona við-
burðir auglýstir.“
Mælt með í samkomubanni
AFP
Sagnfræðingur Yuval Noah Harari
er höfundur Sapiens og Homo Deus.
Dolly Parton, börn og
nýja stjórnarskráin
Ljósmynd/Af Facebook-síðu Dolly Parton
Hæf Dolly Parton samdi Jolene og I
Will Always Love You sama daginn.
Lay Low
Ný sýning hefur verið sett í for-
sölum Kjarvalsstaða, sýning sem
gestir geta skoðað fyrir utan safnið
en sýningin er úrval skúlptúra sem
hefur verið komið fyrir úti við
glugga hússins sem snúa út að
Klambratúni. Vegfarendur geta því
notið sýningarinnar án þess að fara
inn, enda er lokað vegna samkomu-
banns.
Sýningin er kölluð Liðsmenn og
er nafnið dregið af verki eftir Hörpu
Björnsdóttur frá árinu 1999. Það er
eitt þrívíðra verka þeirra sex lista-
manna sem eiga verk á sýningunni
og valin voru úr safneign Listasafns
Reykjavíkur.
Liðsmenn Hörpu eru tólf, bera
hver og einn sitt einkennistákn og
mynda hring á gólfinu. Verkið minn-
ir á náttúrudýrkun fyrri tíma og er,
segir í tilkynningu frá Listasafni
Reykjavíkur, einkar viðeigandi nú
þegar sól hefur tekið að hækka á
lofti. Önnur verk sem stillt hefur
verið fram við gluggana eru eftir
Brynhildi Þorgeirsdóttur, Harald
Jónsson, Hrein Friðfinnsson, Ólöfu
Nordal og Sigurð Guðmundsson.
Menningarstofnanir út um löndin
keppast nú við að finna nýjar og oft
óvæntar leiðir til að taka þátt í
breyttum aðstæðum í mannlífinu.
Með þessu framtaki Listasafns
Reykjavíkur vilja forráðamenn
safnsins koma til móts við eitt af
hlutverkum þess, sem er að veita að-
gang að samtímalistaverkum og
bjóða upp á tækifæri til að njóta
listaverka þrátt fyrir að öll söfn í
landinu séu nú lokuð.
Morgunblaðið/Einar Falur
Speglun Vegfarandi skondraði hjá Kjarvalsstöðum í rigningunni í gær en innan við regnblauta glugga stóðu Liðs-
menn Hörpu Björnsdóttur. Sýningin sem sett hefur verið þar upp er nefnd eftir þessu verki hennar.
Liðsmenn innan glerja
 Skúlptúrasýning sett upp í gluggum Kjarvalsstaða
Systkini Utandyra virðir sýningargestur fyrir sér verkin Bróðir rjúpunnar
og Systir fálkans sem eru eftir myndlistarkonuna Ólöfu Nordal.