Morgunblaðið - 01.04.2020, Side 32

Rakel Björk Björnsdóttir,
sem hefur leikið í Matthildi
og Níu líf, syngur nokkur
vel valin leikhúslög
streymi Borgarleikhússins
í dag kl. 12. Annað kvöld kl.
20 verður Hystory eftir
Kristínu Eiríksdóttur leik-
lesið í beinu streymi. Verk-
ið var frumsýnt fyrir fimm
árum í leikstjórn Ólafs Eg-
ils Egilssonar og fékk upp-
færslan fullt hús hjá gagnrýnanda Morgunblaðsins sem
skrifaði m.a.: „Með Hystory sýnir Kristín svo um munar
að hún hefur meistaralega góð tök á leikritunarform-
inu.“ Í hádeginu á föstudag leikur Bubbi Morthens
nokkur af bestu lögum sínum og segir sögur frá tilurð
þeirra. Öllum viðburðunum er streymt beint á Youtube-
rás Borgarleikhússins og aðgengilegir á vef leikhúss-
ins. Þar má meðal annars finna listamannaspjalla við
leikarann Val Frey Einarsson þar sem hann ræðir þátt-
töku sína í Vanja frænda, Allt sem er frábært og Níu líf.
Hystory, tónlist og listamannaspjall
Steinþór Guðbjartsson
steinthor@mbl.is
Samgöngubannið kemur niður á fólki
með ýmsum hætti. Ítalski rithöfund-
urinn Valerio Gargiulo, sem hefur bú-
ið á Íslandi undanfarin sjö ár, segir
erfiðast að vita af föður sínum einum
og innilokuðum í Napólí á Ítalíu.
„Ég á einn bróður á Íslandi, Paolo,
og annan í Napólí, Cristiano. Hann má
ekki án brýnnar
ástæðu fara út úr
húsi frekar en
pabbi og þeir
mega ekki hitt-
ast,“ segir Valerio
daufur, en ein-
beitir sér að
björtu hliðunum.
„Við bræðurnir
og pabbi erum í sambandi á netinu
daglega. Í því felst mikill styrkur.“
Móðir Valerio féll frá í janúar eftir
erfið veikindi, sem höfðu þó ekkert
með kórónuveiruna að gera. „Hún var
í dái í tvær vikur og það var erfiður
tími,“ segir Valerio. „Við vorum við
dánarbeðið og daginn áður en hún lést
opnaði hún annað augað og leit á okk-
ur, þar sem við grétum við rúmið. Það
var tilfinningaþrungin stund en já-
kvæð, því ég gerði mér grein fyrir að
hún vildi sjá okkur bræðurna áður en
hún færi.“
Skiptast á myndum
Ciro, faðir bræðranna, hefur aðlag-
ast breyttum aðstæðum og stappar
stálinu í synina. „Hann er 76 ára og
sýnir mikinn styrk í þessum hremm-
ingum,“ segir Valerio. „Mamma sá
alltaf um eldamennskuna, en sjálfs-
bjargarviðleitin er sterk, hann hefur
fikrað sig áfram við eldavélina og eld-
ar mat eins og enginn sé morgundag-
urinn. Þannig er hann okkur bræðr-
um góð fyrirmynd. Daglega sendir
hann mér myndir af réttunum og þeir
líta vel út.“
Til stóð að Ciro kæmi til Íslands í
vor en af því getur ekki orðið af aug-
ljósum ástæðum. „Það er ekki eitt
heldur allt og þessi áföll hafa mikil
áhrif á hann,“ segir Valerio. „Eðlilega
hugsar hann mikið um mömmu og
hvað framtíðin ber í skauti sér, en svo
rífur hann sig upp, hugsar á jákvæð-
um nótum og hvetur okkur til að gera
slíkt hið sama.“
Valerio býr með Önnu Björk Mar-
teinsdóttur og unir hag sínum vel.
„Hér á ég heima og ég elska Ísland.
Ég bendi pabba daglega á áhuga-
verða sjónvarpsþætti og myndir, sem
hann getur horft á og sendi honum
líka reglulega myndir af dóttur
minni, sem býr með móður sinni í
Stokkhólmi. Vegna skrifa minna er
ég venjulega mikið á ferðinni og á
kaffihúsum en nú held ég mig til hlés,
skýst bara í matvörubúðina eins og
flestir aðrir.“
Ritröðin Valentino’s Saga byggist
á reynslu Valerios hérlendis. Í nýliðn-
um mánuði kom út þriðja og síðasta
bókin, The Diabolical Miracles of
Vesturbær, en hinar eru The Incre-
dible Journey of a Neapolitan Puffin
og Back to Thule. Nú er hann að
skrifa bók um móður sína, Tales of
Elvira. „Lífið heldur áfram og til að
heiðra minningu mömmu held ég
áfram að skrifa eins og hún hefði vilj-
að,“ segir hann. Í bókinni um hana
segist hann reyna að blanda saman
minningabrotum við heimspeki,
menningu og fleira. „Skrifin hjálpa
mér líka til að takast á við fráfall
hennar.“
Faðirinn innilokaður
í Napólí á Ítalíu
Á Ítalíu Ciro, Anna Björk og Valerio í Monte di Procida skammt frá Napólí.
 Dagleg netsamskipti þriggja sona við hann eru styrkjandi
Á Íslandi Bræðurnir Cristiano, Valerio og Paolo í Hafnarfirði.
MIÐVIKUDAGUR 1. APRÍL 92. DAGUR ÁRSINS 2020
Sími: 569 1100
Ritstjórn: ritstjorn@mbl.is Auglýsingar: augl@mbl.is
Áskrift: askrift@mbl.is mbl.is: netfrett@mbl.is
Í lausasölu 697 kr.
Áskrift 7.530 kr. Helgaráskrift 4.700 kr.
PDF á mbl.is 6.677 kr. iPad-áskrift 6.677 kr.
„Aðalatriðið er að nú þurfa ekki allir að vera á sama
stað á sama tíma eins og áður. Við fengum ekki alltaf
nógu miklar skráningar á helgarnámskeiðin og þá var
ekki rekstrargrundvöllur fyrir þeim. Nú er svo gott sem
sama vinnan á bak við þetta burtséð frá þeim fjölda
sem skráir sig. Undanfarin ár hafa verið teknar skorpur
í námskeiðahaldi. Markaðurinn er ekki stór og því datt
námskeiðahaldið niður á milli,“ segir Magnús Kári
Jónsson starfsmaður HSÍ m.a. en HSÍ hefur ákveðið að
endurskipuleggja hjá sér þjálfaranámskeiðin. »27
Nú þurfa ekki allir að vera á sama
stað á sama tíma vegna tækninnar
ÍÞRÓTTIR MENNING
Gítarar
Frábært úrv
al
Tónastöðin • Skipholti 50d • Reykjavík • sími 552 1185 • tonastodin.is