Morgunblaðið - 07.04.2020, Blaðsíða 2

2 FRÉTTIRInnlent
MORGUNBLAÐIÐ ÞRIÐJUDAGUR 7. APRÍL 2020
FÓTBOLTASPIL BUFFALO GLORY
Verð: 43.400 kr.
6015.005 Fellanlegt (á lager)
123 x 57.2 x 78.8 cm (LxWxH)
Síðumúli 35 (gengið inn að aftanverðu) - 108 Reykjavík - S: 5683920
Opið 12:30-18:00
ÞÚFINNUR
ALLT
FYRIR
ÁHUGAM
ÁLIN
HJÁ
O
KKUR
pingpong.is pingpong.is pingpong.is pingpong.is
Morgunblaðið Hádegismóum 2, 110 Reykjavík. Sími 569 1100 Fulltrúar ritstjóra Sigtryggur Sigtryggsson sisi@mbl.is Ágúst Ingi Jónsson aij@mbl.is Fréttir Guðmundur Sv. Hermannsson ritstjorn@mbl.is Menning Einar Falur Ingólfsson menning@mbl.is
Viðskipti Stefán E. Stefánsson vidskipti@mbl.is Íþróttir Víðir Sigurðsson sport@mbl.is mbl.is Jón Pétur Jónsson netfrett@mbl.is Smartland Marta María Jónasdóttir smartland@mbl.is Umræðan | Minningar mbl.is/sendagrein Prentun Landsprent ehf.
Fjögur leikskólabörn smituð
 Yfir 5.000 leik- og grunnskólabörnum í Reykjavík haldið heima vegna veirunnar
Kristján H. Johannessen
khj@mbl.is
Fjögur leikskólabörn og 33 grunn-
skólanemendur hafa greinst með
kórónuveiru í Reykjavík. Þá hafa
einnig 28 starfsmenn leikskóla og 18
starfsmenn grunnskóla smitast af
veirunni, en smit hafa nú komið upp í
11 leikskólum og 20 grunnskólum
Reykjavíkurborgar. Kemur þetta
fram í svari skóla- og frístundasviðs
við fyrirspurn Morgunblaðsins, en
tölurnar miðast við 2. apríl.
Í Reykjavík eru nú 355 grunn-
skólanemendur í sóttkví og 3.351 í
leyfi frá skóla að ósk foreldra. Fjöldi
barna á leikskólaaldri í sóttkví er 166
og eru 1.448 leikskólabörn í leyfi að
ósk foreldra. Alls er því 5.320 leik- og
grunnskólabörnum í Reykjavík hald-
ið heima þessa dagana.
Borgin sýnir fullan skilning
Skúli Helgason, borgarfulltrúi
Samfylkingar og formaður skóla- og
frístundaráðs, segir ljóst að ákveð-
inn hópur foreldra vilji hafa vaðið
fyrir neðan sig og vísar hann þar til
mikils fjölda barna í leyfi frá skóla.
„Ástæðurnar geta verið mýmarg-
ar; persónulegar eða tengdar heilsu-
fari barnanna eða einhverra á heim-
ilinu. Við höfum fullan skilning á
því,“ segir hann og bætir við að
Reykjavíkurborg hafi lagt mikið
kapp á að koma í veg fyrir smit inni í
skólum. Segir Skúli það hafa heppn-
ast vel til þessa og bendir í því sam-
hengi á að leikskólabörn séu 6.237
talsins og grunnskólabörn 15.322.
„Hlutfallslega eru þetta því mjög
lágar tölur,“ segir hann.
Aðspurður segir Skúli mikinn bar-
áttuhug vera í starfsfólki skólanna.
„Ég er mjög stoltur af þessu fólki.
Hópurinn er afar lausnamiðaður í
þessum sérstöku aðstæðum sem nú
eru uppi. Það er gríðarlega mikil-
vægt að við stöndum öll saman.“
Marta Guðjónsdóttir, borgar-
fulltrúi Sjálfstæðisflokksins, segir
fjarvistartölur mun hærri en hún átti
von á og að mikilvægt sé að fylgjast
áfram grannt með þróun mála og
fjölda smita í skólum borgarinnar.
„Ef þróunin fer til hins verra er
mikilvægt að hafa þor til að endur-
meta stöðuna og þá hvort þörf sé á að
framlengja páskafrí nemenda eða
grípa til lokana. Allar ákvarðanir
hafa til þessa verið teknar í samráði
við sóttvarnalækni og þannig viljum
við halda því áfram,“ segir hún.
Lögregla rannsakar nú andlát
tveggja kvenna sem talið er að hafi
látist með saknæmum hætti.
Lögreglan á höfuðborgarsvæðinu
fékk tilkynningu um andlát konu í
heimahúsi um klukkan hálftvö í
fyrrinótt. Tveir karlar, annar um þrí-
tugt og hinn á sextugsaldri, voru á
heimilinu þegar lögreglu bar að.
Báðir voru handteknir í þágu rann-
sóknarinnar. Hún beinist m.a. að því
hvort mennirnir hafi átt þátt í and-
láti konunnar.
Lögreglan á Suðurnesjum rann-
sakar andlát konu á sextugsaldri.
Samkvæmt heimildum Morgun-
blaðsins lést konan í Sandgerði.
Ættingi konunnar tilkynnti lát
hennar til lögreglunnar á Suðurnesj-
um að kvöldi 28. mars. „Rannsókn-
arlögreglumaður fór þegar ásamt
lækni og presti á staðinn. Ekkert á
vettvangi benti til þess að eitthvað
saknæmt hefði átt sér stað. Sama
máli gegndi um líkskoðun á sjúkra-
stofnun,“ sagði í tilkynningu í gær.
Réttarmeinafræðingur upplýsti
hinn 1. apríl að sterkur grunur léki á
að andlátið hefði borið að með sak-
næmum hætti. Karl á sextugsaldri
var handtekinn og úrskurðaður í
gæsluvarðhald frá 1. til 8. apríl.
Landsréttur staðfesti úrskurðinn 3.
apríl.
Lögreglan á Suðurnesjum lagði á
það áherslu í tilkynningu að hún
hefði fylgt gildandi verklagsreglum
við aðkomu að málinu frá fyrstu
stundu. gudni@mbl.is
Lögreglan rannsakar
andlát tveggja kvenna
 Báðar létust í heimahúsi, í Sandgerði og í Hafnarfirði
Morgunblaðið/Hari
Lögreglan Rannsóknin snýr að því
hvernig konurnar tvær létu lífið.
Drífa Snædal,
forseti ASÍ, segir
stöðuna á vinnu-
markaði alvar-
lega vegna þeirra
aðgerða sem búið
er að grípa til í
þeirri von að
hægt verði að
hefta útbreiðslu
kórónuveiru. Hún
bendir þó á að
fyrirtæki séu misjafnlega stödd.
„Sum eru að vinna á undanþágu
frá samkomubanni, önnur eru að
afla tekna og enn önnur eru ekki
með neinar tekjur. Þau úrræði sem
þarf að grípa til verða að miðast við
ólíkar aðstæður fyrirtækjanna,“
segir Drífa við Morgunblaðið.
Greint var frá niðurstöðum nýrrar
könnunar sem Maskína gerði fyrir
SA hér í blaðinu í gær. Benda þær til
þess að það verði ekki aðeins fyrir-
tæki í ferðaþjónustu sem muni finna
fyrir miklum samdrætti vegna veir-
unnar heldur fyrirtæki í flestum at-
vinnugreinum. Það blasi við að
hækkun launa ofan í tuga prósenta
tekjusamdrátt geti varla gengið.
„Það er mikill ábyrgðarhluti að
fara að skerða réttindi og laun og
víkja frá kjarasamningum. Inni í
þeim var ákvæði um hagvaxtarauka,
en allir gera sér nú grein fyrir að
það er farið,“ segir Drífa og bætir
við að launafólk taki nú þegar á sig
miklar skerðingar.
Úrræði
miðist við
ólíka stöðu
Drífa
Snædal
 Hagvaxtarákvæði
kjarasamninga farið
Greiðslufrestir, lækkuð gjöld, fjölg-
un atvinnutækifæra og aukin fjár-
veiting til framkvæmda eru á meðal
þeirra aðgerða sem Akraneskaup-
staður kynnti í gær til viðspyrnu
vegna kórónuveirusjúkdómsins
COVID-19. Aðgerðirnar eru fjórtán
talsins og skiptast í þrjá meginhluta;
varnir, vernd og viðspyrnu. Heildar-
umsvif þeirra nema 3.380 milljónum.
Veittur verður m.a. frestur á
greiðslu fasteignagjalda íbúðar- og
atvinnuhúsnæðis og innheimtu
gatnagerðargjalda og tengdra þjón-
ustugjalda. Gjöld leikskóla, grunn-
skóla og frístundar í þorpinu verða
lækkuð í samræmi við notkun og
gildistími þrek- og sundkorta fram-
lengdur. ragnhildur@mbl.is
Akranes gríp-
ur til aðgerða
Samninganefndir Félags íslenskra hjúkrunar-
fræðinga (Fíh) og samninganefnd ríkisins (SNR)
hittust á fjarfundi í gær undir stjórn Aðalsteins
Leifssonar ríkissáttasemjara.
Viðræðum verður haldið áfram á samninga-
fundi sem er boðaður klukkan 13 í dag. Þá mæta
fulltrúar viðsemjenda í eigin persónu.
„Sáttasemjari mat það þannig að það væri gott
að fá okkur í hús og aðstæður eru þannig að það
gengur upp. Það er ánægjulegt,“ sagði Sverrir
Jónsson, formaður SNR. Hann sagði að fund-
urinn í gær hefði verið ágætur og nú yrði sam-
talinu haldið áfram. Fyllsta öryggis yrði gætt og
passað að örugg fjarlægð væri á milli samnings-
aðila á meðan þeir reyndu að ná saman.
Samningaviðræðum haldið áfram í dag
Morgunblaðið/Kristinn Magnússon
Nýr sáttasemjari á fjarfundi með samninganefndum hjúkrunarfræðinga og ríkisins