Morgunblaðið - 07.04.2020, Blaðsíða 32

www.fodur.is • fodur@fodur.is • 570 9800
60 ÁRA
1940-2020
Yfir
200 vörur á
afmælistilboði
Allt að25% afsláttur
á völdum vörum
8. apríl - 8. maí
Frí heimsending
FYRIR ÞÁ SEM VERSLA
FYRIR 30.000 KR. EÐA MEIRA
Í GEGNUM VEFVERSLUN
Póstnúmer 101-371 og 800-881
WWW.FODUR.IS
Allt fyrirsauðburðinn áwww.fodur.is
VILTU VINNA 15.000 KR. GJAFABRÉF?
Skráðu þig á póstlistann.
Drögum úr skráningum vikulega.
Tónlistarmaðurinn Magnús Þór Jónsson, sem kallar sig
Megas, á 75 ára afmæli í dag og af því tilefni kemur út
vegleg safnplata með lögum af tæplega 50 ára ferli
hans. Ber hún titilinn Syngdu eitthvað gamalt! og kem-
ur út á þremur vínylplötum og tveimur geisladiskum.
Meðal laga á plötunni eru „Heilræðavísur“, „Björg“,
„Ef þú smælar framan í heiminn“, „Reykjavíkurnætur“,
„Lóa Lóa“, „Paradísarfuglinn“, „Tvær stjörnur“,
„Spáðu í mig“, „Vertu mér samferða inn í blómalandið
amma“ og „Ég á mig sjálf“.
Safnplata á 75 ára afmæli Megasar
ÞRIÐJUDAGUR 7. APRÍL 98. DAGUR ÁRSINS 2020
Sími: 569 1100
Ritstjórn: ritstjorn@mbl.is Auglýsingar: augl@mbl.is
Áskrift: askrift@mbl.is mbl.is: netfrett@mbl.is
Í lausasölu 697 kr.
Áskrift 7.530 kr. Helgaráskrift 4.700 kr.
PDF á mbl.is 6.677 kr. iPad-áskrift 6.677 kr.
KR-ingar voru besta lið vetrarins í karlafótboltanum og
Íslandsmeistararnir mæta greinilega sterkir til leiks,
loks þegar Íslandsmótið getur hafist í sumar. Þeir unnu
tólf af fjórtán mótsleikjum sínum í vetur. Valsmenn og
Blikar koma næstir á eftir Vesturbæingum en í dag fer
Morgunblaðið yfir þau sex lið sem stóðu sig best á
tímabilinu frá nóvember og fram í mars. »27
Íslandsmeistararnir voru með
besta liðið í vetur
ÍÞRÓTTIR MENNING
Steinþór Guðbjartsson
steinthor@mbl.is
Módelsmiðurinn Karl Fr. Ragnarsson,
húsasmíðameistari í Vík í Mýrdal, lauk
á dögunum við að smíða og ganga frá
nákvæmri eftirlíkingu af franska spít-
alaskipinu Sankti Páli, sem strandaði
tvisvar við Ísland, fyrst við klettana
skammt frá þar sem Skuggahverfið er
nú í Reykjavík 1897 og síðan á Kot-
eyjarfjöru, um 60 km frá Vík, 4. apríl
1899.
Fyrir nokkrum árum var húsið
Suðurvík, sem Halldór Jónsson byggði
um aldamótin 1900, selt í Vík og því
breytt í veitingastað. Ragnar Ketils-
son, faðir Karls, var lengi heimilis-
fastur þar og síðan bústjóri á búinu til
fjölda ára. Fjölskylda Karls bjó þar
einnig um tíma.
Karl segir að fyrir um fjórum árum
hafi stoðir undan gólfinu verið fjar-
lægðar og þegar hann hafi skoðað þær
hafi hann séð að þær væru úr eik og
greinilega úr skipi. Sankti Páll og allt
sem var í skipinu var selt á uppboði
eftir seinna strandið og segir Karl að
Halldór hafi keypt skipið og flutt það
nánast allt til Víkur. „Ég fór að kynna
mér sögu hússins og tel að skipið hafi
að hluta til verið notað í kjallara þess,“
segir hann. Með aðstoð Alberts Eiríks-
sonar komst hann í samband við
Frakkann Serge Lambart, sem smíð-
aði eftirlíkingu af Sankti Páli fyrir
nokkrum árum og gaf hana safninu
Fransmenn á Íslandi á Fáskrúðsfirði,
og fékk teikningu af skipinu. Hann
segir að í heimildaleitinni hafi hann
rekist á kunnuglega dagsetningu, 4.4.
1899, daginn sem skipið strandaði.
„Þetta er fæðingardagur föður míns,“
segir hann. „Saga hússins og tenging
mín við það er ástæða þess að ég byrj-
aði á módelinu þegar um 120 ár voru
liðin frá strandinu.“
Byrjaði ellefu ára
Karl segist hafa dundað sér við
módelsmíði frá barnæsku. „Þegar ég
var 11 ára smíðaði ég botnvörpung í
skólanum og síðan hefur eitt leitt af
öðru. Nú er ég hættur að vinna og þá
get ég einbeitt mér að módelunum.“
Hann bætir við að nauðsynlegt sé að
leggja höfuðið í bleyti við líkanagerð-
ina, sem sé mikil nákvæmnisvinna.
„Þetta er fínt djobb fyrir gamlingja,
hið besta áhugamál.“ En böggull fylgi
skammrifi. „Þetta tekur langan tíma
og því er maður orðinn svolítið leiður í
verklok. Þess vegna er gott að vera
með fleiri en eitt verk í takinu hverju
sinni.“
Hann hefur smíðað nokkra bíla,
flugvélar og skip. Þar á meðal líkan af
hollenska skipinu Het Wapen, gull-
skipinu svonefnda, sem strandaði á
Skeiðarársandi 1667 og ekki hefur
fundist tangur né tetur af síðan þrátt
fyrir mikla leit. „Ég er um sex mánuði
að gera svona skip með þéttri vinnu en
ég var mun lengur með gullskipið enda
er það stærra,“ segir listamaðurinn.
Næsta nágrenni hefur verið upp-
spretta hugmynda hjá Karli og til
dæmis gerði hann líkan af belgíska
flutningsskipinu Persier, sem strand-
aði á Dynskógafjöru skammt austan
við Hjörleifshöfða 1941, en í því voru
meðal annars 100 ósamsettir vöru-
bílar. „Núna er ég að vinna við að gera
líkan af Dodge-vörubíl árgerð 1940,
sem Kaupfélag Skaftfellinga eignaðist
á sínum tíma og var í Persier þegar
skipið strandaði.“
Morgunblaðið/Jónas Erlendsson
Listamaður Karl Ragnarsson með eftirlíkingu sína af franska spítalaskipinu Sankti Páli.
Skip með mikla sögu
 Smíðaði eftirlíkingu af franska spítalaskipinu Sankti Páli