Morgunblaðið - 24.04.2020, Qupperneq 13

FRÉTTIR 13Erlent
MORGUNBLAÐIÐ FÖSTUDAGUR 24. APRÍL 2020
Þú getur fundið allar uppáhalds dekurvörurnar þínar á
vefversluninni okkar á www.loccitane.is
Við bjóðum upp á fría heimsendingu með
pöntunum yfir 10.000 kr.
Hugsið vel um ykkur sjálf og ykkar nánustu.
Starfsfólk L’Occitane
Vid erum enn her
fyrir ykkur!
‘-
Ágúst Ásgeirsson
agas@mbl.is
Alþjóða heilbrigðisstofnunin (WHO)
segir það „mikið áhyggjuefni“ að
áætlaður helmingur dauðsfalla af
völdum kórónuveirunnar í Evrópu
skuli eiga sér stað á stofnunum og
heimilum fyrir aldraða.
„Það verður ekki hægt að stytta
sér leið aftur til eðlilegs ástands,“
sagði svæðisstjóri WHO í Evrópu.
Sagði hann íbúa jarðar myndu
verða í „ólgusjó“ um ófyrirsjáanlega
framtíð. „Samkvæmt upplýsingum
frá Evrópulöndum er allt að helm-
ingur hinna látnu af umönnunar-
stofnunum. Þetta er mannlegur
harmleikur sem var með öllu ófyrir-
sjáanlegur.“
WHO varaði svo í gær við vax-
andi fjölda dauðsfalla af völdum
malaríu í löndum sunnan Sahara í
Afríku og sagði hann geta allt að
tvöfaldast vegna kórónuveirunnar.
Segja útreikningar WHO að allt að
760.000 manns geti fallið úr malaríu
á árinu raskist lyfjaflutningar til
landanna og skortur verði á varnar-
búnaði eins og sérstökum flugna-
netum. Svo mikið manntjón hefur
ekki orðið vegna malaríu í yfir 20
ár. Þegar best lætur hafa rúmlega
400.000 dáið úr malaríu ár hvert,
rúmlega 90% þeirra í Afríku. Til að
bregðast við gífurlega auknu at-
vinnuleysi í Bandaríkjunum var bú-
ist við því að fulltrúadeild þingsins í
Washington myndi samþykkja 484
milljarða dollara björgunarpakka.
Nær hann meðal annars til
smáfyrirtækja sem orðið hafa fyrir
barðinu á samdrætti.
Angela Merkel, kanslari Þýska-
lands, sagði í gær að veirufarald-
urinn væri enn á byrjunarreit og
gríðarleg áskorun fyrir samheldni
ESB-landanna. „Þetta er stærsta
áskorun okkar frá lokum seinna
stríðsins fyrir líf og heilsu fólksins
okkar,“ sagði hún í þýska þinginu í
gærmorgun.
Merkel sagði Þjóðverja reiðu-
búna að „auka umtalsvert“ fjár-
framlög til Evrópusambandsins
(ESB) vegna kreppunnar og við-
bragða við henni. Búist er við að
leiðtogar ESB-ríkjanna samþykki á
vídeófundi sérstaka neyðaraðstoð
við þau ríki sambandsins sem verst
hafi orðið úti vegna faraldursins.
Merkel sagði lýðræðið í húfi en
með því að sýna „hámarks aga fáum
við fyrr lifað eðlilegu lífi aftur. Við
megum ekki klúðra því sem þegar
hefur náðst,“ sagði kanslarinn og
bar lof á heilbrigðiskerfið og herinn
í baráttunni við kórónuveiruna.
Sagði hún kreppuna eiga sér engin
fordæmi og að það yrði spurning
sem stjórnmálamenn myndu spyrja
sig um langa framtíð hvernig koma
mætti í veg fyrir að veiran næði
jafn yfirþyrmandi tökum á heil-
brigðiskerfinu og yrði jafn mann-
skæð.
Nikótín til varnar
Ný könnun á sjúkrahúsum
Parísarborgar bendir til þess að
nikótín gæti falið í sér varnarmátt
gagnvart kórónuveirunni. Reyk-
ingamenn sem sýktust af veirunni í
Frakklandi virtust ekki verða jafn-
mikið fyrir barðinu á henni og þeir
sem ekki reykja.
Náði könnunin til 480 sjúklinga á
Pitié-Salpêtrière spítalanum og
skýrir stjórnandi hennar, Zahir
Amoura, frá henni á netsíðunni
Qeios. Þar kemur fram að verið sé
að útvíkka athugunina. Af þeim sem
hún náði til í fyrstu voru 350 manns
sem leggja varð inn á spítalann og
130 minna veikir.
Helmingur deyr á stofnunum
 Angela Merkel segir kórónuveirufaraldurinn á byrjunarreit og gríðarlega áskorun fyrir samheldni
ESB-landanna  WHO varar við því að malaría muni blossa upp í Afríku sunnan Sahara
AFP
Leita smits Bandarískir þjóðvarðliðar beina bíl út af stóru svæði sem lagt var undir veirupróf í New York.
Grænlendingar
eru reiðubúnir að
þiggja bandarísk
fjárframlög en
vilja ekki fjárfest-
ingar sem bundn-
ar eru skilyrðum.
Bandaríkjamenn
undirbúa opnun
ræðismanns-
skrifstofu í Nuuk,
höfuðstað Grænlands, síðar á árinu.
Hermt er að um sé að ræða 12
milljóna dollara þróunaraðstoð sem
Grænlendingum bjóðist. Áformin
mælast misvel fyrir í Danmörku og
segja fulltrúar í utanríkisnefnd
danska þingsins Bandaríkjamenn
hafa gengið of langt í að reka flein
milli Grænlendinga og Dana.
Jon Rahbek-Clemmensen, pró-
fessor við danska varnarmálaskól-
ann í Kaupmannahöfn, segir að
Bandaríkin hafi sofnað á verðinum á
norðurskautssvæðinu með þeim af-
leiðingum að Rússar og Kínverjar
hafi þar náð forskoti. Með þróun-
araðstoðinni séu þeir að reyna að
rétta hlut sinn. agas@mbl.is
Þiggja aðstoð
án skilyrða
GRÆNLAND
Litadýrð í Kulusuk
á Grænlandi.
Frakkar munu
ekki aðstoða
fyrirtæki sem
skráð eru í
skattaparadísum
með fjárhags-
legri neyðar-
aðstoð vegna
kórónuveiru-
faraldursins.
Þetta sagði
fjármálaráðherrann Bruno Le
Maire í gær. „Séu höfuðstöðvarnar
í skattaparadís er alveg ljóst að
fyrirtækið fær ekki að njóta að-
stoðar af opinberu fé,“ sagði Maire
við útvarpsstöðina France Info.
Hann bætti því við að fyrirtæki
sem nytu opinbers fjárstuðnings á
þessum tímum mættu ekki greiða
út hagnað né kaupa eigin hlutabréf.
agas@mbl.is
FRAKKLAND
Aflandsfélög
fá ekki aðstoð
Bruno Le Maire