Íþróttablaðið - 01.12.1999, Blaðsíða 25
Umfang Íþróttahátíðar
háð styrk Alþingis
Iþróttahátíð ÍSÍ var fyrst
haldin 1970 og hefur síð-
an farið fram á tíu ára fresti.
Að sögn Arnar Andréssonar,
formanns nefndar um
Íþróttahátíð árið 2000, er
ætlunin að halda hátíðina
vítt og breitt um landið en
umfangið sé háð styrk frá Al-
þingi. Upphaflega hafði ver-
ið sótt um 20 miUjóna króna
styrk en síðan var dregið
mikið úr umfanginu og
miðast undirbúningur nú við
að átta til tíu milljóna króna
styrkur fáist til verksins.
Örn segir að áætlunin
taki mið af styrkveitingum
en hugmyndin sé ekki að
vera með eina skrauthátíð
eins og áður heldur tengja
hátiðina viðburðum í héruð-
um landsins. „Við köllum há-
tíðina íþróttir og fjölskyldan
og tengist hún meðal annars
Vetrarhátíðinni á Akureyri í
mars," segir Örn. „Hugmynd-
in er ekki að tengja þetta
keppni heldur höfða til allra
og í því sambandi ber fyrst
að nefna að stefnt er að
íþróttadegi í maílok þar sem
við viljum fá alla út að hreyfa
sig. Eins hefur verið rætt um
að tengja þetta einhverjum
leikskólaverkefnum og svo
grunn- og framhaldsskóla-
verkefnum. Ennfremur að
héraðsmót verði haldin undir
merkjum Íþróttahátíðarinnar,
íþróttir fyrir aldraða,
kvennahlaup á vegum ÍSÍ
auk ýmissa móta í yngri
flokkum.
Örn segir að styst sé í
Vetrarhátíð í Reykjavík og
Akureyri auk þess sem Aust-
firðingar hafi hug á að hafa
eitthvað hjá sér, en ekkert sé
frágengið í því efni. „Hugs-
unin á bak við hátíðina er að
vekja athygli á íþróttum og
hreyfingu heima í héraði, á
gildi iþrótta og íþrótta-
starfsins."
Vetrarhátíð var síðast haldin á Akureyri 1990 og var þá vigð
skíðalyfta í Htíðarfjalli.
Vetrarhátíð
í tvo mánuði
Iþróttabandalag Akureyrar
hefur lagt til að ÍBA sjái
um Vetrarhátíð i samvinnu
við ÍSÍ og Vetrariþróttamið-
stöð íslands á Akureyri. „Við
höfum gert drög að dagskrá
um allar helgar í mars sem
endi með ÍSÍ-þingi á Akur-
eyri síðustu helgina, svo er
Skíðalandsmótið í Reykjavík í
byrjun apríl, þá 25. Andrésar
andar leikarnir á Akureyri og
loks páskavikan hérna fyrir
norðan," segir Þröstur Guð-
jónsson, formaður ÍBA og
formaður undirbúningsnefnd-
ar Vetrarhátíðar. „Við höfum
meðal annars leitað eftir
samstarfi við skíðamenn,
skautamenn, hestamenn,
vélsleðamenn, bílaklúbb,
Ferðafélag Akureyrar og
Skíðadeild fatlaðra, en við
leggjum áherslu á að allir
geti verið með, jafnt kepp-
endur og fjölskyldan í heild."
Akureyringar héldu Vetr-
arhátíð 1970, 1980 og 1990.
„Við höfum verið með þetta í
ákveðnum ramma og viljum
halda því áfram en fjárhags-
áætlun okkar hljóðar upp á
fimm milljónir. Sumarhátíð
er ekki sambærileg en við
höfum lagt áherslu á að
halda hátíð sem vekur at-
hygli. Það skiptir miklu að fá
fólkið út og tiL þátttöku,
jafnt ófatlaða sem fatlaða.
Við höfum búið til veglega
dagskrá fyrir fatlaða, sem við
leggjum mikið upp úr, auk
þess sem við höfðum til
keppnisfólksins. Þessi hátíð
er aðeins á tíu ára fresti og
mikilvægt að vel takist til."
— ,
„Undir tunguna
,yA húðina“
:i§g#P^
.
T • Lí
„l munninn
„Millifingranna“
Reyklaus árangur
NICDRETTE
Hjálpaitæki sem inniheldur nikótrn sem kemur í stað nikótíns við reykingar og dregur þannig úr fráhvarfseinkennum og auðveldar fólki að hætta
að reykja eða draga úr reykingum.Gæta verður varúðar við notkun lyfjanna hjá sjúklingum með alvarlega hjarta- og æðasjúkdóma. Reykingar
geta aukið hættu á blóðtappamyndun og það sama á við ef nikótínlyf eru notuð samtímis lyfjum sem innihalda gestagen-östrógen (t.d.
getnaðarvamatöflur). Þungaðar konur og konur með bam á brjósti ættu ekki að nota nikótínlyf. Þeir sem em með sykursýki, ofstarfsemi
skjaldkirtils eða krómfíklaæxli eiga að fara varlega í að nota Nicorette tungurótartöflur. Lyfið er ekki ætlað bömum yngri en 15 ára nema í
samráði við lækni. Nicorette er til sem tyggigúmmí, sem nefúði, forðaplástur sem er límdur á húð, töflur sem settar em undir tungu og sem
sogrör. Skömmtun lyfjanna er einstaklingsbundin. Leiðbeiningar um rétta notkun em í fylgiseðli með lyfjunum.Brýnt er að lyfið sé notað rétt
og í tilætlaðan tíma til að sem bestur árangur náist. Með hverri pakkningu lyfsins er fylgiseðill með nákvæmum upplýsingum um hvemig nota
á lyfin, hvaða aukaverkanir þau geta haft og fleira. Lestu fylgiseðilinn vandlega áður en þú byijar að nota lyfið. Markaðsleyfishafi: Pharmacia
& UPjohn AS, Danmörk. Innflytjandi: Pharmaco hf. Hörgatúni 2,210 Garðabær.
1
25
♦